MATHE 18:19 - Lacid Common Language Bible

¹⁹ «Hau: tho' moo gootu: Ngoo nanu" ri gyeing" gyeing" tid da" zi gi Mougmyid tho' moo byu eig yug soem" yug veing" go" wigi Akyu" mho' nghoid rigi Mougkhung: tho' mo nga" phoo gi nanu" mho' da" zi dangain" ri byid: wam: bye.

MATHE 18:19 ပူးပေါင်းရင်းမြစ်များ

MATHE 21:22

Nanu" gi loem" jeung" da" nheigloem: e" myed yo"- Akyu" mho' nghoid ri mho' ja: dangain" yo" yu boem wa" ga: tid kyo.

MATHE 5:24

Mangso da" phoin: nam moo re" da" xoin" ri too" kho' lho: re" mang: re" nhung" yo' shi" lo" sham: veing" goo" ge'. houg: su" bain koid' lho: re" da" xoin" ri Mangso da" phoin: tho' moo ki" we'.

MATHE 7:7

«Mho' ge'. houg: lang" nanu" yo" yu goo" wa. Shoo: ge'. houg: lang" nanu" shau" myang goo" wa. Ko' ge' houg: lang" nanu" shid re" khoem" phang byid: wa.

MARKU 11:24

Hougsu wigi ngoo nanu" loem" jeung" myid yo, daja: ja: mho' ri hau: zi yo" yu wa.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 15:7

Nanu" gi ngoo yo" dadeing: daloem: za: nyid wigi Nga" da" Mungdang: we' nanu" da" nheigloem: ung: khoug: moo bo jo, nghoid rigi nanu" mho' da" akyu" ci: mho' ci: yo" yu boem wa nghoid.

YOHAN 16:23

Hau: da" bidnyid ju" lang" nanu" gi ngoori ce: ja: we' mho' aca" loo. Deing" deing nanu" ri ngoo tid da" zigi nanu" mho' da" khyoo: dangain" ri nga" myeing yoo mo phoo Mangsoo gi nanu" ri byid: wam bye.

ACTS 1:14

Nyangnu" gi Yesu nya: myhi' Mari yo" we-goo tu: myi: myi: yi yo" we' Yesu da" nya: no, yo" we' atheing: loo: foem: phoung akyu" mho' lho: danyid nyid boem.

ACTS 12:5

Houg: yoomo Petru gi thung: khoug: moo loung" jo,- nghoid loug we' phung byu yi gi Petru tru da" shid mo Mangsoo ri yoem: kaid' lho: akyu" mho' nyid boem ago".

ACTS 16:10

Polu gi he: da" yoeb, myang ri bain myang lang" - nyangnu" gi Makedoni mung" khyoo: yhe: loo" wa shid re" soin' nyheung boem bye. khasu" wim gari Makedoni mung" moo nyid, mo, ri ludang: seig kho" kyoo" byid: wa shid re" Mangsoo gi ngoonu" ri khe: yu zi nghoid bye" ein: ngoonu" myed jhoo: yoomo nghoid.

ACTS 6:4

Ngoonu" koem gi akyu" mho' ziyo' kho' kyo" da" moozoo" voin vu, da" jang" moo ayo, byeung" sho' byid: pyam' ca" nyid ga: tid ago".

PHILIPI 1:19

Khasu" wim ga: ri nanu" akyu" mho' da" khoin" thui: joem yoomo we' Yesu Khristu da" venyi bo pang" thoug yoomo we' ngoo gi lhoid pyoin kaid' zi shau" wa nghoid.

1YOHAN 3:22

Ngoonu" gi Mangso amyeing" tarha" ri tam" gyo: lho wigi nyang vho ngei da" moozoo" ri zei: nyid boem bye: yoomo ngoonu" mho' nyid da" khyoo: dangain" ri ngoonu" yo" yu boem wa zi nghoid.