MATHE 18:13 - Lacid Common Language Bible

¹³ Byoug lo" da" yang ri shau" sho: lho: ri abyug da" yang goug: xe: goug: du: yoomo gau yi nge' pyo: da" tho' moo byug lo" da" yang dadu: ri shau" shoo: yoomo je gau yi ngei' pyoo: wa ein: wigi ngoo nanu" ri gyeing" gyeing" tid kyo.

MATHE 18:13 ပူးပေါင်းရင်းမြစ်များ

COUNG" NGHEI 147:11

Nghoid loug we' nyang: ri gyoug phau" nyid mo, yo' Nya: da" jhed khyeing: kang: khyeing: ri loem khau: nyid mo, ri nyang: vho: ngei nyid.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ESAIA 62:5

Zoolu: phoo gi nya: myhi' seig khyo" zoomyi: gyeing" ri lo, xo' yhang: ti" Nang ri gung khyang: koid byid: su: gi nang ri lo, xo' yu wa. Phoo seig gi nya: myhi' seig ri jheddab yhang: ti" Re" Mangsoo gi nang ri ngei wa.

EZEKIEL 34:4

Nanu" gi yoem: neing: du: ri alhung goin coung:. No du: ri abyang" byid:. Dam dab du ri athoeb byid:. Nyid lam" yen" du: ri adoem shu" yu. Byug lo" du: ri ashoo: nghoid da:. Hau: gungthid nanu" gi nyangnu" ri akhyi" akhyoid zoem" khau: da:.

MIKHA 7:18

Aseing we" nang yo' du go" da" mangsoo gootu: khayoo: we' anyid loo: nghoid da:. Nang gi nyid deung jo, da" re" byumyu" yi da" yooboo ri khyoid pyam byid: nyid da:. Nang gi apyaid atoo: moo nheig jha" yo: nyid su: anghoid. Nang koem' gi ngoonu" ri re" geung: teung da" jhed khyeing: kang: khyeing: toin" shed nyid jang" moo nheugshid: nyid.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

MATHE 18:12

«Nanu" gi khasu" ein: soin: nyid go" Byu dayug gi nyang: moo yo" da" yang dashoo: mo dadu: byug lo" ri goug: xe: goug: du: ri bouggung tho' mo yang kaid jang" moo- nyhed: too" kho lho: byug lo" da" yang ri ashoo: loo za: nyid wa la".

MATHE 18:14

Houg: yo' dakhyoo" ti"- Mougkhung: tho' mo nanu" da" nya: phoo we' he: ngi, su: dayug we byug lam" loo" wa zi avhoo: ga: tid.

1Korinthians 13:6

Jheddab da" nheigloem: gi adeing: amain" ziyo' akhyeing" ashoeb da" khyoo: moo: agoug loo: za: hau: deingmain" khyoo: moo: gau, yi nyid.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.