MATHE 18:12 - Lacid Common Language Bible

¹² «Nanu" gi khasu" ein: soin: nyid go" Byu dayug gi nyang: moo yo" da" yang dashoo: mo dadu: byug lo" ri goug: xe: goug: du: ri bouggung tho' mo yang kaid jang" moo- nyhed: too" kho lho: byug lo" da" yang ri ashoo: loo za: nyid wa la".

MATHE 18:12 ပူးပေါင်းရင်းမြစ်များ

1 KHOKHAM 21:17

Hau: thang: Tishbe mo lapi: Elia ri Aseing gi

COUNG" NGHEI 119:176

Ngoo gi byoug lo' da" yang dadu: yhang: ti" khyoo: vhang: du: dam: yen". Houg: yoomo re" lho: re" da" zoo: phoo ngoo ri cang shoo: we'. khasu" wim gari re" da" tarha" joem ri ngoo ngeug pyam nyid su: anghoid.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

YEREMIA 50:6

«Nga" byu yigi yang zung" bang: wigi boem joem cang ci: phyug pyam shau" da" yang joem yo' du da:. Yang joem gi boem da loem: mo daloem: khyoo: so" lam" yen" yhang: ti" nyangnu" so" lam" yen" da:. Nyangnu" yhoem: khamoo: nghoid ziri to" myhed pyam ago".

EZEKIEL 34:12

Hau: zigi yang zung" su: gi so" lam" sain" lo" da" nya: yang joem ri yu" coung: wigi dage" doem zheing" yu yhang: ti" nghoid wa. Hau: moug: coid wigi byo, yoin da" bidnyid mo ngoo gi nyangnu" ri nyangnu" nyid sain" lo" da" joyoo dangain" mo doem shu" tau" yu wa.

EZEKIEL 34:16

«Ngoo gi byug byug da" yang ri cang shoo: wa. Lam" byug da" yang ri doem shu" tau" yu wa. Dam dab du: ri dam noo thoeb byid: wa. Noo bang: ri macid" byang" byid: wa. Nghoid loug we' xu: wigi yoem: bo bang: rigi said pyam wa. Ciwim gari ngoo gi jo ziri koid da" yang zung" su: nghoid.

EZEKIEL 34:28

Yu soolhoo: no' bang: gi nyangnu" ri alhoid zoo: loo goo" wa. Houg: lho: gougnyhoug lam" joem gi nyangnu" ri angaid said zoo: loo goo" wa. Nyangnu" gi goem loem tung" yo" nyid wa. Nyangnu" ri hang" wigi we' akyug tain' loo goo" wa.

EZEKIEL 34:4

Nanu" gi yoem: neing: du: ri alhung goin coung:. No du: ri abyang" byid:. Dam dab du ri athoeb byid:. Nyid lam" yen" du: ri adoem shu" yu. Byug lo" du: ri ashoo: nghoid da:. Hau: gungthid nanu" gi nyangnu" ri akhyi" akhyoid zoem" khau: da:.

EZEKIEL 34:6

Houg: yoomo nga" da" yang joem gi myhang: da" bouggung joem yo' boem joem khyoo: nyid: lam" lo" ago". Nyangnu" gi mougmyid gyab khyoo: nyid sain" lo" lho: nyangnu" ri hang" wigi we' acang shoo:- nyangnu" ri shoo: wa shid re" hang" yoem: akaid nghoid da:.

MATHE 12:11

Aseing Yesu gi «nanu" da" yang dadu: du: Dougno: Bidnyid labain nyid" ri duang: khuang" moo to byid gyo" jo nghoid rigi alang: thoid yu wa su: dayug yug boo wa la".

MATHE 18:13

Byoug lo" da" yang ri shau" sho: lho: ri abyug da" yang goug: xe: goug: du: yoomo gau yi nge' pyo: da" tho' moo byug lo" da" yang dadu: ri shau" shoo: yoomo je gau yi ngei' pyoo: wa ein: wigi ngoo nanu" ri gyeing" gyeing" tid kyo.

MATHE 21:28

Hau: thang: ri Yesu gi «nanu" khasu" ein: shau" myid go". Lu daid' dayug moo zooshang: eig yug yo. Nyang: gi nya: zoo: mang: mo" jang" moo yhe: lho: ‹nga" zoo: we" akhid" nyid" zabyid khyam: moo moo" yhe: zei: we'› ga: tid.

MATHE 22:42

«Meshia da" khyoo: ri nanu" khasu" ein: myid go" lha". Nyang: gi hang" nya: myid nya: zoo: nghoid ein: go" lha"» ga: myid: da. Houg: bang: gi «David da" nya: myid nya: zoo: nghoid» ga: phoug tu" ago".

1Korinthians 10:15

Nanu" ri phug soo" lheig se' myid yu" da"- phajhi" boo mo, ri yhang: ti" ngoo tid nyid zi nghoid. Ngoo tid nyid dang: khoin" joem ri nanu" nyang: gyo: tu, yu" ge'.

1PETERU 2:25

Ngoonu" gi Yesu da" dam noo joem mo-noo ge lo boem bye. Khasu" wim ga: ri nanu" gi yang joem yhang: ti"- khyoo: vhang: vhang: lo" byug boem bye- nghoid loug we' akhid" koem gi hau" yang lhug zoug: moo" yo' nanu" da" kang so' ri zung" byid: su: jhang: khyoo:- cang loo" wa shid' re" doem shu" lo zi shau" bye.