MATHE 18:10 - Lacid Common Language Bible

¹⁰ «Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

MATHE 18:10 ပူးပေါင်းရင်းမြစ်များ

2 SAMUELA 14:28

Absalom gi Yerusalem moo khokham ri amyang lhoo: za: eig zain nyid bye:.

1 KHOKHAM 22:19

Mikhaia gi «Aseing tid zigi Akhid" tam" gyoo: ge' mougkhung: mungdain: moo: Aseing gi nya: zhungtang moo zhoung: jo, ziri ngoo myang. Nyang: lagyoo: yi dangain" gi nya: ayam moo yab jo, da:.

ESTHA 1:14

Nyang: phajhi" je lhoung mho' bye: bang: gi Khashena- Shetha- Admatha- Tarshi- Mere- Marsena yo' Memukhan bang: nghoid ago". Persi yo' Media mung" mo he: gyizoug: yi nyhed yug gi nya: mungdain: mo gyi: thang da" zoug: yi nghoid ago".

COUNG" NGHEI 15:4

Nyang: gi Mangso she: pyam too" bang: ri bo co' nheug no lho: Aseing da" mungdang: tam" gyo: cang loo" mo, ri myonhoo: byid: phau" myang: se' nyid. Nyang: gi nya: da" akyu" khayhi' yoem" no gyo" loo" nghoid loug we' nyang: byid: to" dang: theing khoin" zung" su: nghoid.

COUNG" NGHEI 17:15

Nghoid loug we' ngoo koem gi ce" yooboo we' ashoid yoomo nang ri shau" myang wa zi nghoid. Ngoo yhoeb so" re" uri nang nyid lang" wigi ngoo ri: gau yi khyoo: yo' byeung" loo nhang: wa zi nghoid.

COUNG" NGHEI 34:7

Nya: moug" lagyoo: yigi Aseing ri gyoug phoug" bang: ri lhoug zung" lho: gyoug pho" khyoo: moo nyangnu" ri khyoid yu.

COUNG" NGHEI 91:11

Nang so" lo" da" joyoo khyi khang" moo" moo nang ri cang lhoug zung" yen" wa ziyo' nang ri goem loem byid: wa shid re" Mangsoo gi nya: moug: lagyoo: yiri nhang: kaid wa zi nghoid.

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

ZEKHARIA 4:10

He: moo" zoo" zei: shid" lo" ayo, moo azhei' kyeung" da" moo" ga: kyi: yang myeung nyid da" byu yigi akhid" Zerubabela lo, moo ci: da" khung: phoug lug ri myang uri ngei pyo: goug yi boem wa. «Hau: myikug ki" jang: nyhed loem: gi Aseing da" myojid" nyhed loem: ri tid zi nghoid. He: myojid" gi moug: gyab goin" jang" mo jo, moo jo, dangain" ri yu" myang zi nghoid»

MATHE 1:20

He: da" khyoo: damyid yu" nyid shi" uri yu" ge'. Aseing da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

MATHE 12:20

jab bye: da" jam phyeing" youg: ri anhe, khyoug" wa. shid: lo" nyid da" myi: bung: ri asaid pyam wa. Deung byeung" da" tarha" dang: khoo' bidnyid ju" sho' nyang: xo' yoem: kaid nyid wa.

MATHE 18:14

Houg: yo' dakhyoo" ti"- Mougkhung: tho' mo nanu" da" nya: phoo we' he: ngi, su: dayug we byug lam" loo" wa zi avhoo: ga: tid.

MATHE 18:6

«Ngoori loem" jeung" nyid da" ngi, su: dayug yug ri loem" jeung" nheigloem: byo loo" nhang: su gi nya: leingzeing: moo lug lheing: je gyi: gyab' tei" tab' lho: no, thang Panglai thoem" thi" moo khyo pyam wa zigi nya: shid re" je ge nyid.

MATHE 2:13

Akhid" phajhi" boo mo, lo" byug thang: ri «Yu" ge' hau: Aseing da" moug: lagyoo: dayug gi Yoseb ri yhoeb' mo, moo thu' shug wigi too' we' hau: zoonu" yo' nya: myhi' ri shu" lho: Egutu mung" khyoo: phang: we'. Ngoo nang ri doem khe: da" bidnyid ju" sho' houg: moo dalo" nyid nyid we'. Khasu" wim gari hau: zoonu" ri said pyam wa ga: Herod sho: nyid bye:» ga: tid.

MATHE 2:19

Akhid" Herod shid: lo" thang: ri Yu" ge' hau: Aseing da" moug: lagyoo: dayug gi Egutu mung" mo Yoseb jang" moo doem thu' loo bye.

MATHE 24:31

Byu da" nya: zoo: gi laboo" zeing myeing: lo da" uri nya: da" moug: lagyoo: joem ri mougmyid myonhoo: myid: shoid khyoo nhang: kaid wigi Mougmyid dashoid mo zi dashoid khyoo thang sho' moo nyid da" Aseing khyen: too" mo, ri nyangnu" zeung: foem: nyid wa.

LUKA 1:19

Mouglagyoo: gi ngoo gi Mangso da" shid' moo yab jo da" Gabriela nghoid nyid Nang ri he: da" lu dang: gi re" tid kyoo" wa shid' re" Mangsoo gi ngoori nhang: kaid zi nghoid.

LUKA 10:16

Yesu nya cangzoo: yi ri tid zigi nanu" da" dang: ri tam" gyoo: mo gi nga" dang: ri we' tam" gyo: zi nghoid bye. Nanu" ri keing" pyam mo gi ngoori keing" pyam zi nghoid. Ngoori keung" pyam zigi ngo ri nhang: kaid su: ri keing" pyam zi we' nghoid bye.

LUKA 16:22

Hau: sho" jhen su: gi shid: lo" wigi moug: lagyoo: yi gi nyang: ri Abraham da" nam moo nyid nhang: wa shid' re" moug: khoung: mungdain: zoo: pui" zeing khyoo: shu" loo" bye. Sathi" phoo we shid: lo" wigi myhoeb pyam zi shau" lho:

ACTS 10:3

Danyed" mo da" myenthang: soem" nayi: koo: moo Mangso moug: lagyoo: dayug gi nya: jang" moo ju" re" lho: «Koneli we"» ga: re" yoid ziri yoeb, myang moo bang bang za: shau" myang kaid.

ACTS 12:15

Yhoem: khoug: moo nyid mo, gi nang gi foin" abye:- ga: nyang: ri zheung: tid boem. Nghoid loug we' nyang: gi deing" deing nyang: nghoid- ga: zhug zhug da tid nyid. Houg: su" nyangnu" tid zigi hau: zigi Petru ri zung" lhug da" moug: lagyoo: danghoid wa ga: tid ago".

ACTS 12:23

Herod khokham" gi Mangso myonhoo: ri atu: to' byid: yoomo houg: jang: nyang: Aseung: da" moug: lagyoo: gi nyang: ri yoobo dam kaid' byid: wigi zain' joem wigi zo: said' pyam.

ACTS 27:23

Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

Roma 14:10

Houg: yoomo nanu" gi ciwim wigi re" mang: nhung" ri dang: phyed' nyid go" lha". Ciwim wigi nyanu" ri aphoug" akhyoid' koid' nyid go". Ngoonu" dangain" mo gi tarha" dang: phyed' zi kham: wa shid' re" Mangso: da tarha" zhoug: tang shid' khoin" moo ju" yab boem wa.

Roma 14:21

Re" mang: nhung" ri datu: lheing: wa nghoid rigi - shoo" nghoid loug - yhid: ri nghoid loug goo tu: ce: ja: zoo: noem ri nghoid loug we' - jang" pyam' wa ge nyid.

Roma 15:1

Apyaid' ato: da" Mangsoo: ri leom jeung" khyoo: nheigloem: geing: teing yoem: boomo ngoonu" gi -loem" jeung" nheigloem: yoem nu: mo ri - loem" jeung" khyoo: abyo, loo" wa shid' re" bo pang" thoug ge'. Ngoonu" gi ngoonu" nya: myid pyo: khyoo: ri za: akoid' goo.

1Korinthians 11:22

Zoo: wa shug wa shid re" nyang: tu: nya: yhoem: ayoo" goo" la" Hougsu" anghoid lang" gi Mangso da" phung ri aphoug" amyang:- juang" yi wigi- asho" ajhen: bang: ri- sho' thu nhang: goo" wa la" Ngoo nanu" ri he: khyoo: yo' sen: lho: wigi- ce: noem tid wa ein: jho: nyid go" la" Ngoo nanu" ri coung" byid: goo" wa la" Gyeing" nyang: ngoo nanu" ri coung" byid: wa zi anghoid.

1Korinthians 16:11

Hang" we' nyang: ri ayu" nge pyam goo" baja" nya: gyung: khyoo: moo: xo' loo: xo' yo" so" loo baja"- nanu" gi nyang: ri pang" thoug byid: kaid boem ca. Houg: su" Khristain mang: nhung" yi yo' dage" nga" jhang khyoo: yo" doem tau" ju" loo wa nghoid ein- ngoo nheig byu nyid zi nghoid.

1Korinthians 9:22

Ngoo gi Mangsoo ri loem khau: khyoo: moo- yoem: nu: mo, da" akhoug: moo- vang lo" byoug da" ayo, moo- nyangnu" ri yo" khyoid yu sho'- nyangnu" mo dayug yhang: ti" ngoo bue" nyid. Hougsu" dayham" ri ge' bue" khyo" yo" khyoid yu sho'- ngoo gi byu aja" ja: bang: da" akhoug: moo: nyangnu" yo' dakhyoo" ti" danyid nyid.

2~KORINTHU 10:1

Nanu" da" shid khoin" moo sam" dab nu: nham wigi nheigloem: khyo' nyhoem: khyoo: toin" shid' wigi nanu" yo' we: gang: loo" lang" asho, agyug nheigloem: toin" shid" su: nghoid ga: juang" yi shau" su: ngoo Polu nyang:- nanu" ri mho' tid kaid.

2~KORINTHU 10:10

Khasu" wim gari byu dayham" gi Polu da" mougsoug" joem gi gye" no, lho: yoem: moo" so' moo" bo" da" mougsoug" nghoid- nghoid loug we' nya: gung nyang: ngoonu" yo' dage" nyid uri nyang: gi yoem: nu: lho_ myonhoo: phung" yoeb abo ziyo' nya: dang: khoin" joem we' -ce" juid" we' arue" zi nghoid- ga: tid boem ago".

GALATI 6:1

Mang nhung" yi we"- byu dayug yug gi aboin: asoo" loo: za: yooboo zei: shoid nghoid rigi venyi wigi khyoo: shed" khyo" kangso dei nyid mo, nanu" gi houg: yhang: te" su: ri nu" nham, da" myid yo' khyoo: shed byid: ca" nyid nanu" nyang: we' gunglau" wigi jhu, phyo' zi ashug" baja" nyang: tu: nyang: houg: lhed' zed" nyid ge'.

1THESALONI 4:8

Hougsu" nghoid yoomo he: da" jhau" mho' khyoo: ri ngeug pyam mo, hang" nghoid sho loug we' -byu yi ri anghoid- gyeungshang: da" venyi ri byid: kaid' su: Mangsoo ri ngeug pyam su: nghoid.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

HEBRE 9:24

Khasu" wim gari Khristu gi gyeing" nyang: gyeungshang: joyoo gyeung" da" ladu nghoid - byu yi da" lo, wigi koid to" da" gyeungshang: joyoo moo avang loo" loo: za: moug: khung: khyoo: nyang: vang lo" wigi akhid" yha" da" gung thid' Mangso shid' khoin" moo thu' myhang loo" bye.

Pang Shug 8:2

Hau: thang: ri Mangsoo da" shid khoin" moo yab, jo da" moug: lagyoo: nyhed yug ri ngoo myang- nyangnu" rilaboo" nyhed loem: zheung: byid: to.