MATHE 17:6 - Lacid Common Language Bible

⁶ Hau: da" thui: ri cangzoo: yi shau" gyoo: lang" gye" gyo: gyoug dain lho: goeb' jo, ago".

MATHE 17:6 ပူးပေါင်းရင်းမြစ်များ

1 KHOKHAM MHOOMYID: 21:16

Moug: lagyoo: gi Yerusalem ri phyo' shoin' pyam wa jen" jen" koid lho: nya: lo moo shamcoin" ci: wigi moug: laid phyoo" moo yab jo, ziri David myang da:. Hau: thang: David yo' byumyu" yi da" vhujhung: yi dangain" bang: gi jid: moo" byimi void lho: myidjang khyoo: nyangnu" myonhoo: tain" sho' goeb pid da:.

EZEKIEL 3:23

Houg: yoomo ngoo gi janggyoin: khyoo: yhe: loo" bye:. Houg: moo Kheba gyid yam moo ngoo myang khoo' bye: te" da" Aseing phung" yoeb ri ngoo myang. Ngoo gi myidgung khyoo: goeb pid loo" bye:.

EZEKIEL 43:3

He: yoeb myang gi Yerusalem ri phyo' shoin' pyam wa shid re" Mangsoo ju" re" uri ngoo shau" myang da" yoeb myang yo' du da:. Houg: lho: hau: zigi Kheba gyid lang yam moo ngoo shau" myang da" yoeb myang nghoid da:. Hau: thang: ngoo gi nga" myonhoo: myidgung khyoo: goeb jo, bye:.

DANIELA 8:17

Gabriela gi re" lho: nga" ayam moo re" yab kaid da:. Houg: yoomo ngoo gi sung gyoug yoomo myidjang khyoo: leung loo" bye:. Nyang: gi ngoo ri «Shid: se' da" byu we" hau dang: kang: ri se' gyoo: we'. Hau: yoeb myang gi mougmyid thang lo" da" ayo, yo' sen: da" zi nghoid da» ga: tid da:.

XOIN" NGEI" 9:24

Nyeigdain tung" Aseing gi myi: ri khyo kaid lho: nghe' ngei" da" xoin" yo' phoin: dang mo xu: joem ri nghe" pyam da:. Hau: ziri byumyu" yi shau" myang lang" nyangnu" dangain" gi yoid nyho: wigi nyangnu" myonhoo: joem myidgung khyoo: goeb pid ago".

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

MATHE 17:7

Aseing Yesu ju" lo wigi houg: bang: ri lo, wigi tain" byid: lho: «too ge" agyug goo"» ga: tid.

ACTS 22:7

Houg: lang" ngoo gi myidjang: khyoo: leung lo" wigi sho" lu- sho" lu, Nang ngoori ce: noem koid shen" yhen nyid lha"» ga: ngoori tid da" thui: ri shaug" gyoo: bye.

ACTS 26:14

Ngoonu" dangain" bang: gi myidjang: moo leung lo" byug boem wigi Hebre" myeing" khyo" Sho" lu- Sho" lu Nang ngoori cikoid shen" yhen nyid lha". Nujung loo: gi nya: Aseung: da" voosi" zucoin: moo khyid: peig peug yu ziyo' dakhyoo" ti" nang gi ngoori gyi, koid wigi - nanya: gung ri nanyang: noo nhang: da- ga: tid da" thui: ri ngoo shau" gyo.

2PETRU 1:18

Hau: ayo' moo nyang:- ngoonu" gi hau: Aseing: yo' gyeungshang: da" boem tho' moo nyid nyid uri moug: khyo" myeung thu' lo da" thui: ri ngoonu" shug gyo: boem.

TARHA" AGYI 13:20

Phoin: mo myiyham: joem dab thu ri" lang" Mano yo' nya: yhoem: seing: myhi' gi Aseing da" moug: lagyoo: ri myiyham: khoug: mo mougkhung: khyoo: do, lo" ziri myang ago". Houg: lang" Mano gi byu hau: yug gi Aseing da" moug: lagyoo: nghoid ziri boin: re" wigi nyang: yo' nya: yhoem: seing: myhi' gi myidgung khyoo: goeb pid boem ago". Nya: eig tang: gi moug: lagyoo: ri khanham we' amyang yu" boem loo: nghoid ago".

TARHA" AGYI 13:22

Mano gi yhoem: seing: myhi' ri «Nga" eig tang: gi Mangsoo ri myang bye: yoomo gyeing" nyang: shid: wa bye:» ga: tid da:.