MATHE 17:5 - Lacid Common Language Bible

⁵ Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

MATHE 17:5 ပူးပေါင်းရင်းမြစ်များ

YOBA 38:1

Hau: thang: Uglid khoug: khyo" Aseing gi Yoba ri tu" byid: da:.

COUNG" NGHEI 81:7

Nang kyi" khyeug zi shoug" nyid uri ngoo ri yoid, nyid ziyo' ngoo gi nanu" ri: khyoid yu bye:. Uglid hau, nyid da" akhoug: moo gau" jo, da" joyoo mo ngoo nanu" ri tu" byid: bye:. Meriba gyid bug nam, moo ngoo nanu" ri ca: jham" yu" bye:.

THU' LO" MOUGSOUG" 19:19

Laboo" thui: gi gyi: tho' moo gyi: lo nyid. Moshe tid lang" Mangsoo gi mouggoem: thui: yo' doem phug tid bye:.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 42:21

Aseing gi khyoid yu wa gau yi da" Mangsoo nghoid. Houg: yoomo nya: tarha" joem yo' jhau" shid khyoo: joem ri nyang: ngi: shab wigi hau: joem ri nya: byumyu" yi wigi ngi: shab byid: nhang: nau da:.

MATHE 12:18

«Ngoo khyen: yu da" nga" dei zooshang:- Ngoo vho: ngei da" jheddab su: nghoid. Nga" Venyi: nya: da" tho' moo ngoo kaid byid: to" wigi Tungbau byumyu" ri nya: da" deung main" da" mungdang: ri kho" kyoo" wa zi nghoid.

MATHE 17:6

Hau: da" thui: ri cangzoo: yi shau" gyoo: lang" gye" gyo: gyoug dain lho: goeb' jo, ago".

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

MARKU 1:11

Houg: lang: moug khung: mo thui: tid thu' re" zigi nang gi ngoo jheddab da" nga" zoo: nghoid- nang ri; ngoo gye" vho: ngei nyid ga: tid.

MARKU 9:7

Hau thang; ri Jhoem: moug" dathei" thu' lo wigi nyangnu" ri lo shoem" nghoeb pyam da:- jhoem: thei" khyoug: mo He: yug gi ngoo jhedab da" nga" zoo: nghoid- nya: dang: ri tam" gyoo: ge' ga: thui: meung thu' lo.

LUKA 3:22

Gyeungshang: da" Venyi: gi pheing" kyoug" khyo" Aseing: tho' moo gyoo" re". Mougkhung: mo wigi pheing" kyoug" khyo" Aseing: tho' moo gyoo" re. Mougkhung: mo wigi nang gi nga" zooti" zoo: nghoid. Nang ri ngoo jheddab ga: thui: ri shau" gyo: thu' lo.

YOHAN 3:16

Khasu" wim gari Mangso da" nya: zoo: ri loem" jeing" bang: hang" nghoid loug we' ashid: loo za. Apyaid ato: kangso' yo" yu baja" ga: Mangsoo gi nya: zooti" zoo: ri byid: pyam jang moo ju" sho' Mougmyid xangsu: byu yi ri jheddab nyid.

YOHAN 3:35

Nya phoo gi nya: zoo: ri jheddab yoomo nya: yoem: vhoo" bain sho' nya: zoo: ri ab byid: to.

YOHAN 5:37

Ngoori nhang: kaid da" phoo Mangsoo nyang: we' nga" da" khyoo: ri sagsi: kham: nyid. Nanu" gi nya: da" myonhoo: yo' nya: da" thui: ri khanham we ashaug" gyoo: yu"- ashau" myang yu" boem.

ACTS 1:9

Hid: su" ga: bain tid thang: ri lagyoo: yi yu" go" nyid uri nyang- Yesu gi moug: khung: khyoo: to' yu zi shau" bye- hau: thang: ri jhoem" moug" thei" gi nyang: nu da" myo, shid' ti: mo-Nyang: ri nghoeb ci: lho: do, lo" byug bye.

ACTS 7:37

Mangsoo gi ngoori nhang: kaid ziyo' dakhyoo" ti" Lapi: dayug ri nanu" jhang khyoo: nhang: kaid byid: wa nghoid. Nyang: gi nanu" byumyu" mo nghoid wa ga: tid su: gi Moshe nyang nghoid bye.

Ephesu 1:6

Nyang: jheddab da" nya: zoo: khyo" wigi aphoug" amho, loo: ngoonu" ri byid: da" jeju" jhung: shug yoomo phung" yoeb, bo da" nya: jeju" ri coung" nghei boem shang.

TARHA" TID POIN" 18:15

Hau: gungthid nyang: gi ngoo yhang: te" lapi: dayug ri nanu" nya: byu yi mo nhang: kaid byid: loo wa. Houg: lho: nanu" gi nya: dang: tam" gyoo: byid: ca" wa.

TARHA" TID POIN" 18:19

Nyang: gi nga" myeing khyo" dang: tid wigi nya: dang: tam" gyoo: wa ziri he: pyam su: hang" ri we' ngoo yooboo dam byid: wa zi nghoid.

TARHA" TID POIN" 5:22

«He: zigi nanu" boem moo zeing: foem: nyid uri nanu" dangain" bang: ri Aseing byid: da" Dang: theing khoin" joem nghoid da:. Nyang: gi jhoemmoug" pung khoug: myi: mo thui: moo" yo' nyang: dang: ji uri nyang: he: Dang: theing khoin" joem ri byid: bye:. Gootu: aboo nghoid da:. Hau: thang: nyang: gi hau: joem ri lug pyi" eig loem: adang moo lhid" wigi hau: joem ngoo ri byid: bye:.

KOLOSE 1:13

Mangsoo jeju" ri gau, yi ngei bu: coung" nghei nyid baja" o". Nyang: gi nyhang" ri akhyeing" ashoeb da" moug: coid' yoem: so' khoug: mo khyoid khyi: yu lho: nya: da" jheddab nya: zo: da" mungdain khyoo: fang kaid' bye.

HEBRE 5:9

Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid' ato: da" khyoid yu khyoo: mo apoem: ayang: bue" loo" bye.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".

Pang Shug 14:14

Ngoo doem yu" kaid ri jhoem: phyu: da thei" ri myang- hau" jhoem: phyu: thei" atho' moo byu yhang: te" zi dayug zhoung: jo. Nya: da" vhuloem moo gi sheing: bidmug zhoung" ci: lho: nya: lo, moo gi gye" tho' da" gyen: goem dacam" ri zhoeb, ci.