MATHE 17:20 - Lacid Common Language Bible

²⁰ Aseing Yesu gi «Nanu" moo loem" jeung" nheigloem: ngi, yoomo nghoid. Ngoo deung" deung nanu" ri tid zigi nanu" moo loem" jeung" nheigloem: nghang" shi" cab yhi' koo: bo nghoid rigi He: da" boem ri he: joyoo mo zi fo: joyoo khyoo yu: loo" we' ga: tid nghoid ri yu: loo" khari" wa loem" jeung" nheigloem: bo rigi nanu" ayo" koid: wa zi ci" we ajo.

MATHE 17:20 ပူးပေါင်းရင်းမြစ်များ

MATHE 13:31

Aseing Yesu dangtu' gootu: doem tid da" zigi «Mougkhung: mungdain: gi Byu dayug khyam: moo sain" da" nghang" shi" cab yo" du nyid.

MATHE 14:29

«Ri" we'» ga: Yesu tid. Houg: lang" Petru gi lhid' tho' mo gyo" lho: Yesu jhang khyoo gyid tho' khyo" so" yhe: lo.

MATHE 17:17

Aseing Yesu gi «nanu" gi loem" jeung" nheigloem: abo zi yo" shoid vhang: nyid boem nhung: lha". Ngoo gi nanu" yo' dage" kha: myhang ju" sho' nyid ca" la". kha: myhang ju" sho nanu" ri kham: zheung: nyid wa. Hau: zooshang: ri nga" jhang khe: shu" ri" ge'» ga: tid.

MATHE 17:19

Hau: thang: ri cangzoo: yi gi Yesu jang" moo sam" zoo: yu: yhe: lho: «ngoonu" gi hau: ngho' yu ri ci: wim ayo" khaid thu' pyam lha"» ga: zheung: myid: boem.

MATHE 17:9

Hau: thang: ri Aseing Yesu yo' nya: cangzoo: yi gi boem mo doem gyoo" lo ago". Houg: su" zheung: gyoo" lo da" uri Aseing Yesu gi «nanu" shau" myang bye: da" khyoo: joem ri Byu da" nya: zoo: shid: jang" mo doem dei to' lo da" bidnyid ju" sho' hang" ri we atid kyoo" goo"» ga: wigi cangzoo: yi ri toung: to".

MATHE 21:21

Yesu gi «gyeing" gyeing" nanu" ri ngoo tid ba. Nanu" we' loem" shoid zi aboo loo: loem" jeung" nheigloem: bo nghoid rigi he: lafoem gam ri ngoo koid: ti" yo" koid: boem wa. Houg: za: anghoid ‹he: boem ri Panglai gyid mung" khyoo: thoid loo" we'› ga: tid ri lang" houg: su" yo" bue" loo" goo" wa zi nghoid.

MATHE 8:26

Nyang: gi «ade: loem" jeung" mo, we" ciwim gyoug nyid go" lha"» ga: nyangnu" ri gyikoid houg: lang" nyang: to' lo lho: uglid yo" being: mhoid ri gyikoid. Houg: lang" uglid yo" being: mhoid gi atho' tid loo sho' sam" tam" to.

MARKU 11:22

Yesu gi phoug tu" lho: nyangnu" ri Mangsoo ri loem" jeung" myid ge".

MARKU 11:23

Ngoo nanu" ri deung" deung tid zigi nyang: nya: nheigloem: khoug: moo ug vho" zi aboo loo: za: tid zigi bui" wa, ga: loem" jeung" mo, hang" nghoid loug we' he: da" boem ri boem nang yu: loo" we' hau: lho: panglai khyoo: gyo" vang loo" we' ga: tid nghoid rigi hau: zigi nyang: tid ziyo' dakhyoo: bue" loo wa nghoid.

MARKU 4:31

Hau: zi gi nghang" shicab' yo' du nyid. nghang" shi" gi sain" kaid uri mougmyid hto' moo jo, da" ashi" jid" jo, moo jo, tho' moo je nge thang da" ajid" nghoid.

MARKU 9:23

Na nyang: nghoid bye: Yesu gi yo" bue" nghoid rigi loem" jeung" nheigloem: boo su: shid mo gi ja: khang" moo" yo" bue" zi nghoid ga: tid.

LUKA 1:37

Mangsoo ayo" koid: da" moo" daja: we' aboo" ga: re" tid kyo.

LUKA 17:6

Aseing: phoug: tid zigi nanu" moo loem" jeing" nheigloem: nghang" shi" cab yi koo: bo nghoid rigi he: da" tung sang" seig gam ri agyi: mo jhoid" boin" lo" lho: Panglai gyid thoem" thi" moo lo" youg jo, we' ein: tid ri hau: da" tung: sang" seig gam gi nanu" tid ziyo' dakhyoo" ti" tam" gyoo: zi nghoid.

LUKA 18:27

Yesu gi byu yi" ayo" koid: da" khyoo: ri Mangsoo gi yo" koid: ga: phougtid'.

YOHAN 11:40

Aseing Yesu tid zigi nang loem" jeing" nghoid rigi Mangso da" myonhoo: phung yoeb' ri shau" myang wa ein: ngoo tid bye: anghoid la"» ga: myid.

1Korinthians 12:9

Hau: lho: wigi- gootu: dayug rigi:- hau: Venyi wigi: loem" jeung" da" nheigloem: kaid byid: nyid. Gootu: dayug ri hau: Venyi: gi noo phyoo yo" byang" ge da" yoem: vhoo" kaid byid: nyid.

1Korinthians 13:2

Ngoo gi lapi: se' pe: ziyo'- no, da" dang: kang dangain" ziri- se' myab, thang da" phajhi" aja" ja: yo' joeb, byeung" lho: wigi- boem, ri yo" doin: shu" pyam sho' da"- loem" jeung" emyid, boo nghoid loug we'- jheddab da" nheigloem: abo rigi: ngoo ci" we' anghoid.

HEBRE 3:19

Nyang: nu" gi aloem" ajeung" boem yoomo hau: mung" khyoo: ayo" vang lo" boem ziri ngoonu" myang se' boem bye. .