MATHE 16:23 - Lacid Common Language Bible

²³ Yesu gi lheing: yu" lho: Petru ri «satan: yu we"- nga" jang" mo thu' loo" we' nang gi nga" shid mo thoem: tho: leung joyoo danghoid. Khasu" wim gari-re" da" nheigloem: gi Mangso shoid khyoo abo myid yu"- byu vho: khyo" za: te: myid yu"» ga: tid.

MATHE 16:23 ပူးပေါင်းရင်းမြစ်များ

APOEM AYANG: 3:17

Houg: lho: yuggi ri «Nang gi re" yhoem: seing: myhi' dang: ri tam" gyo: lho: ngoo nang ri azoo: ein: toung: to" da" shi" ri zo: abye:. Nang zei: shoid moo" yoomo myidjang we' nheing" khoin" zang" bye:. Nang gi re" da" shoug" zoo: shoug" shug wa shid re" re" da" pyaid goin" moo" zei yoem: kaid ca" wa nghoid.

2 SAMUELA 19:22

Nghoid loug we' David gi Abishai yo' nya: mang: Yoab ri «Re" tang: ri phajhi" byid: wa shid re" hang" lhoung: lha". Re" tang: ngoo ri yau: khi" byid: wa ein: koid go" rhe"- akhid" ngoo gi Israela byumyu" yi da" khokham dayug nghoid ziyo' akhid" nyid" Israela byumyu" yi dayug we' shid: shoug" wa zi anghoid» ga: tid.

1 KHOKHAM MHOOMYID: 21:1

Satan gi Israela byu yi dang moo yau: khe" kyi" khyeug bui" nhang: nau wigi nyang: gi byu zhayhen" koid: yu wa David ri myid phyed nhang: da:.

ESAIA 8:14

Nga" gyoug pho" gyeung" shang: zi yoomo byumyu" yi khyid: vhu" thung" leung boem da" lug boem yo' dayhang: ti" ngoo bue" nyid da:. Ngoo gi Yuda mung" byu yi Israela mung" byu yi yo' Yerusalem byu yi dangain" mo, myi" boem wa zi nghoid da" lhid' yo' dayhang: ti" bue" nyid da:.

MATHE 16:22

Petru gi Yesu ri khe: kang" yhe: lho: «Aseing we" nang tid da" khyoo: gi nang moo abue" loo baja"- Mangoo gi toem too" baja"- Aseing gi he: da" moo" khanham we ayo" bui" wa» ga: wigi gyikoid.

MATHE 18:7

Mougmyid moo loem" jeung" khyoo: ri lhu: phyo da" thei' leung jang: joyoo mo mougmyid gi joem: lo" nyid bye. Nheugloem: thei leung jang: gi gyeing" nyang: jo,- nghoid sho loug thei leung jang: koid thu' su: gi gyeing" nyang: joem: loo" wa zi nghoid.

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

MARKU 8:33

Nghoid loug we' Yesu gi cangzoo: yi ri lheung: yu" lho: Petru ri satan we"- nga" jang" mo gang loo" we' nang gi Mangso shoid khyo" amyid soin" yu"- byu shoid khyo" za: myid soin: ga: wigi Petru ri yooboo foin: dang: tid.

LUKA 4:8

Aseing Yesu gi nang loem: re" Mangsoo ri za: no" ca" ga: Jhoem: dang: moo bo ga: doem tid.

YOHAN 6:70

Yesu doem phougtu" zigi Ngoo gi cangzoo: daxe: eig yug ri khyen: yu lho: nyheing nhang: kaid to" anghoid la". nghoid loug we' nanu" moo yu satan vang ci: su: dayug bo nyid ga: tid.

Roma 14:13

Houg: yoomo ngoonu" gi nyang: cang" nyang: yooboo foin: go" da" khyoo: akoid' looza re" mang: nhung" phoo thoem: tho: leung jang: khyoo: kyoo" age kaid' byid. Houg su" anghoid lang" gi yu" shoid' wa da" akyang" daja: we' azei: shug wa shid' re" myid phyed' too" ge'.

Roma 14:21

Re" mang: nhung" ri datu: lheing: wa nghoid rigi - shoo" nghoid loug - yhid: ri nghoid loug goo tu: ce: ja: zoo: noem ri nghoid loug we' - jang" pyam' wa ge nyid.

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".

KOLOSE 3:2

Moug: myid tho' moo jo, da" zi joem ri anghoid loo: za: moug: khung: tho' moo jo, da" ziyoo joem moo nheigloem: zug jo, ge'.