MATHE 16:16 - Lacid Common Language Bible

¹⁶ Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.

MATHE 16:16 ပူးပေါင်းရင်းမြစ်များ

COUNG" NGHEI 2:7

Khokham phoo ri «Aseing khasu" ga: tid nyid da" khyoo: ri ngoo tid fu" byid: wa zi nghoid» ga: tid. Hau: lho: nyang: gi ngoo ri ‹nang gi nga" zoo: nghoid nyid da:. Akhid" nyid" ngoo gi re" phoo bue" nyid bye:.

COUNG" NGHEI 42:2

Dadei nyid da" Mangsoo we"- ngoo nang ri gyid su' shed nyid. Ngoo gi re" da" shidkhoin" moo khanham ri she' yo" ju" re" wigi yo" coung" pid nyid wa lha".

DANIELA 6:26

Ngoo gi yugkhang" moo" wigi Daniela da" Mangsoo ri gyoug lho: phau" myang: wa shid re" nga" mungdain: goem: sho' amyeing" khyo' kaid da:. Nyang: gi kangso' dei nyid da" Mangsoo nghoid wigi nyang: gi apyaid atoo: moo vhoebkhang" wa. Nya: da" mungdain: gi khanham we' phyo' shoin' pyam zi shoug" wa zi anghoid. Houg: lho: nya: yoem: so' gi khanham we' thang wa zi anghoid.

MATHE 1:16

Yaku gi Mari da" yhoem: seing: phoo Yoseb ri khu: kaid bye. Mari gi Khristu ein: da" Yesu ri khu: kaid bye.

MATHE 14:33

Houg: lang" lhid' khoug: moo nyid da" cangzoo: yigi «Nang gi Mangso da" nya: zoo: gyeung" nyang nghoid bye:» ga: Nyang: ri noku boem ago".

MATHE 16:15

Yesu gi «houg ri Nanu" gi ngoori hang" nghoid ein: jhoo: go"» ga: nyangnu" ri myed.

MATHE 26:63

Nghoidloug we' Aseing Yesu gi sam" zoo: tam" to" khainjung agyi moo" gi da" dei nyid da" Mangso myeing yo" nang ri myid: yu" ba"- nang Mangso nya: zoo: Meshia nghoid. la". Ngoonu" ri tid kyoo" we' ga: myid: yu.

MATHE 27:54

Dab vhoib zoug: phoo yo" dage" Yesu ri zung" nyid mo, gyizoo: yi gi myid leig leig zi we bue" lo khyoo: aja: ja: ri myang lang" gi gye" gyoug dain boem ziyo' «he: yug gi gyeing" gyeing" nyang: Mangso da" nya: zoo: nghoid» ga: tid boem

MATHE 4:3

Hau: uri jhu' phyo' su: yu satan: ju" re" wigi «Nang Mangso da" nya: zoo: nghoid deung rigi he: lugzeing ri zooyho' bue" loo we' ein: tid we'» ga: tid.

MARKU 14:61

Nghoid loug we-Yesu gi dakhoin" we' atu" loo sam" zoo: nyid Houg: lang" khainjung moo" gi-nyang: ri nang gi ngi lho, da" Mangso nya zoo Meshia nghoid la"» ga: doem myid.

LUKA 2:11

David da" voogung moo Aseing: Khristu ga: da" khyoid yu Aseing: gi Nanu" shid' re akhid" nyid" khu: loo bye.

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

YOHAN 11:27

Martha gi loem" bye: Aseing: we"- He: mougmyid moo gyoo" loo wa ga: da" Mangso: nya: zoo: Meshia nghoid ziri ngoo loem" bye: ga: tid.

YOHAN 20:31

Nghoidsho' loug we' Yesu gi Mangso da" nya: zoo: Meshia nghoid da" khyoo: ri nanu" loem" jeing" loo wa ziyo' nanu" nyang ri loem" jeing" lho: kang so' yoo" wa shid re" he khyoo: joem ri lhid" to" zi nghoid.

YOHAN 6:57

Dadei nyid da" nga" phoo gi ngoori nhang: kaid bye. Nyang: yoomo ngoo kangso' dadei nyid. Houg: yo' dakhyoo" ti"-- ngoori zo: shug su: we' ngoo yoomo kangso' yo" dei nyid wa zi nghoid.

YOHAN 6:68

Simun Petru gi Aseing: we" ngoonu" gi hang" jhang khyoo: se' loo" wa Aseing: dayug kyeing" za: apyaid' ato: kangso' yo" sen: da" khyoo: ri dakho" kyo.

YOHAN 6:69

Hau: tho' mo gootu: Aseing: gi Phoo Mangso jang" mo gyoo" lo da" gyeungshang: Aseing: nyang: nghoid bye: da" khyoo: ri akhid" ngoonu" gi yu" myang loem" jeing boem bye: ga: phougtu.

ACTS 14:15

Byu yi nanu" we"- khasu" wim wigi hid: su" koid' go" lha". Nga" eig yug gi nanu" yo' dakhyoo" te" da" xang: su: byu za: danghoid. Houg: ce: akyu" abo ja: ri coung" nghei byid: wa shid re" gi moug: khung: yo' myed jang: panglai yo' hau: akhoug: moo nyid ja- jo, moo jo, dangain" ri phain" so: too" su- dei nyid da" Mangso shoid khyoo: - phoug loo" wa shid re" ludang: seig nanu" ri tid kyoo" byid: wa shid re" nga" eig yug gi hid: moo ju" re" zi nghoid.

ACTS 8:36

Nya: eig yug gi hougsu" so" gyo" lo" da" uri gyid jo, da" joyoo moo ju" lo" ago". Houg: lang" zoug: phoo gi yu" we' hidmoo gyid yau, da- ngoo babtisma kham: yu wa shid re" toem, too" cang ce: noem bo la"» ga: myed: yu".

ACTS 8:37

Philib, gi nyang: ri nang gi re" da" nheigloem: ung: khoug: dangain"- Yesu khristu ri loem" jeing" bye: la". loem" jeing" bye: nghoid rigi nang babtisma ge, kham: yu bye- Houg: lang" hau: zoug: phoo gi Yesu Khristu gi Mangso nya: zoo nghoid ziri ngoo loem" jeing" bye" ga: tid. (Loem, ge" da" Grid" jhoem: mougsoug" " xoug" dayham" moo he: da" axeing zoo: gi aboo.)

ACTS 9:20

Nyang: gi Yuda tarha" jung joem khyoo: dain: yhe: lo" lho: Yesu gi Mangso nya: zoo: nghoid- ga: khyoo: ri kho" kyoo" byid: bye.

Roma 1:4

Mangsoo: gung khyoo" gi - Mangso: da" nya: zoo nghoid da" khyoo: ri thu bang shug wa shid' re" Mangsoo: gi agoin athang da" yoem: moo" khyo" - hau: Aseing ri shid: jang" mo doem dei to' loo nhang: bye.

2~KORINTHU 1:19

Khasu" wim gari nanu" ri ngoo yo' Sila eig yug Timothi kho" kyo" da" Mangso nya: zoo: Yesu Khristu gi nghoid ziyo' anghoid ziri lhu: lheug da" alhu: alheug su: anghoid. Gyeung" nyang: ga: ri nyang: gi Mangsoo da" myid vho" khyoo: ri" nghoid ga: tid byid: da' Aseing: nghoid nyid.

2~KORINTHU 3:3

Hau: lhid" cab ri Khristu nyang: nyang lhid" lho: ngoonu" ri foin: kaid zigi bang bang nyang nghoid nyid. Hau: moug soig" ri mhug yeung yo' alhid" loo: za: Dei nyid da" Mangso Venyi yo' hau: lug yho' joem moo anghoid loo: za: Xangsu: byu yi da" nheigloem: emyid khoug: moo lhid" yoin" to.

2~KORINTHU 6:16

Mangsoo da" noku yhoem: gi goug ngu shoolhoo joem yo' khasu" koid lho" e" myed se' zhung" goo" wa lha"., Khasu" wim gari ngoonu" gi dadei nyid da" Mangso noku yhoem: moo" joem nghoid nyid boem. Mangsoo nyang: tid zigi-Ngoo gi nga" byumyu" yi moo nga" yhoem: koid wigi nyangnu" moo bo nyid wa zi nghoid. Ngoo gi nyangnu" da" Mangsoo bue" nyid a zi nghoid wigi nyangnu" gi nga" byumyu" yi bue" lo boem wa nghoid- ga: wigi tid nyid.

TARHA" TID POIN" 5:26

Kangso' dei Mangsoo gi myi: khoug: mo dang: ji ziri shau" gyo: thang: ri byu yugkhang" moo" gi kangso' yo" dei wa la".

1THESALONI 1:9

Nanu" jang" moo ngoonu" ju" re" da" uri nanu" gi kha: khyo" ngoonu" ri lhoem: tau yu boem bye: da" khyoo: ri we' nanu" gi dadei nyid ziyo' deingmain" nyid da" Mangsoo ri noku loem, khoug: wa shid' re" gug ngu soolhoo: joem rinung phoug pyam lho: Mangso jhang khyoo: khasu" phoug leung: lo boem khyoo: ri we'.

1 TIMOTHI 3:15

Nghoid loug we' ngoo to' myang" byug nghoid rigi dadei nyid Mangso phung: ein: da" hau: deingmain" apoem: ayang: nghoid da" Mangso yhoem: ikoin deungkhu: moo ngoonu" gi kha: yhang: te" da" avoid asam"- cang yhi: ca" khyoo: ri yo" se' yu baja"- ein: he: mougsoug" ri lhid" kaid' zi nghoid.

1 TIMOTHI 4:10

Xangsu" byu yi dangain" mo, yo,- je" wigi loem" jeing" mo, ca" khyoid yu Aseing: nghoid nyid da- dadei nyid da" Mangsoo gi ngoonu" da" myid yu" joyoo nghoid yoomo ngoonu" moo" zei: jid: ne: lo" da" jang" moo gye" yoem: kaid' nyid boem.

HEBRE 10:31

Dei nyid da" Mangso lo, moo gyo" vhang lo" ein: zigi atho' tid loo: sho' gyoug ca" da" khyoo: nghoid.

HEBRE 12:22

Nanu" koem gi Sina, boem da" gung khoo: - Zion boem yo' moug: lagyoo: yi moin, sen, nyid da" dadei nyid Mangso voogung ein: da" - moug: khung: mo Yerusalem moo ju" nyid boem abye: go.

HEBRE 3:12

Loem" jeung" nyid da" mang: nhung" yi we"- dei nyid da" Mangso jang" mo vhang: lam" loo" sho'-akhyeing" ashoeb da" loem, shoid nheigloem: boo da" byu- nanu" moo dayug we' aboo loo: sho' zed" nyid ge'.

HEBRE 9:14

Khristu da" suid" gi hau: tho' mo je" wigi yo" ced" yung" ced" lho, byid: zi anghoid goo" la". Khristu gi hau: apyaid' atoo: mo venyi yo' nya: da" gung du: ri ce" noo abo da" xoin" khyo" wigi Mangsoo ri ngei" byid: pyam bye. Dadei nyid da" Mangsoo ri ngoonu" yo" noku coung" nghei sho' Khristu da" suid" gi ngoonu" da" nheigloem: e" myed ri akyu" abo da" noku loem, khau: khyoo: moo cang lo" jang" mo yo" ced" yung" ced" shang: yu byid: bye.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

1YOHAN 5:5

Yesu gi Mangso nya zoo nghoid ga: loem" jeing" su: za: anghoid rigi mougmyid ri hang" su: yo" se' oung: loo" wa lha".

Pang Shug 7:2

Hau: thang: ri apyaid atoo: dei nyid da" Mangso dazid' ri ci: ri" su:- bidthu shoid mo moug: lagyoo: dayug ri ngoo myang- nyang: gi moug myid yo' panglai ri yo" phyo' shoin pyam da" yoem: so'- Mangso wigi byid: to" zi shau" da" moug: lagyoo: myid: yug ri thui: zeing yo' nyho: yoid zigi