MATHE 16:1 - Lacid Common Language Bible

¹ Pharishe yo" Saduke gi Yesu jang" moo re" ca, yu" zoore"- Apyaid atoo: mo da" Mangsoo gi Aseing ri nhang: kaid da" khyoo: deung zi si' wa shid re" alhoo: again ri pya shug we" ga: mho' boem.

MATHE 16:1 ပူးပေါင်းရင်းမြစ်များ

DANG: ZHOEM 26:5

Anghoid akhuang da" dang: myid: rigi anghoid akhuang khyo" phoug tu" we' hougsu" myid: nyid su: gi nyang: jho: yhang: ti" nyang: ayeug nhung: da: ziri boin: loo wa nghoid.

MATHE 12:14

Hau: thang ri Pharishe" zheung: thu' lo" wigi Yesu ri khasu" koid: said pyam wa khyoo: phajhi" khyoug" go" nyid boem.

MATHE 15:1

Hau: da" uri Yerusalem mo Pharishe yo" tarha" sara: ri gi Yesu jang" moo dang: re" myid: boem.

MATHE 16:6

Aseing Yesu gi Nanu" we' Pharishe yo" Saduke da" doocid" ri zid" ge" ga: tid.

MATHE 19:3

Pharishe dayham" gi Yesu jang" moo ju" re" lho: «Byu dayug yug gi ce: khyo" nghoid nghoid- nya: yhoem: seing: myhi' yo" ge gang: go" la"» ga: re" lheung myid: boem.

MATHE 22:15

Pharishe gi zeing foem lo boem lho: Yesu ri dang: myid: khyo" yooboo sho: wigi myheig wa ga: zheung: sham: go" lho: thu' lo" boem.

MATHE 22:18

Nghoidloug we' Yesu gi nyangnu" da" age khyo" lheing: myid: da" dang: khoin" nghoid ziri si byid: yoomo nyang gi «ayid void mo we"- nanu" gi ciwim ngoori myheig" wa shid' re" lu: go" la".

MATHE 22:23

Hau: bidnyid ri nyang: Saduke dayham" gi Yesu jang" moo ju" re" boem. Houg: bang: gi shid: jang" mo doem dei to'' loo wa ziri aloem" jeung" mo, nghoid ago".

MATHE 23:2

«Tarha" sara: yi yo"- Pharishe gi Moshe da" tarha" ri dangkang: phang shug wa shid re" amyeing" akhang" yo" jo, mo nghoid.

MATHE 27:62

Hau: thang: Dougno: Bidnyid doem ju" lo ri khainjung agyi yi yo" Pharishe" gi Pilaid zoug: pho jang" moo zheung: shau" go" boem.

MATHE 5:20

Khasu" wim gari ngoo nanu" ri tid da" zigi nanu" da" deung byeung" khyoo: ri toung: to" da" tarha" ri jhoug" byid: da" sara: yi yo' Pharishe yi da" deung byeung" tho' moo aje gyi: rigi Mougkhung: mungdain: moo nanu" deung" deung ayo" vang lo" boem wa.

MATHE 9:11

Pharishe yi gi hau: ziri myang lang" «nyangnu" gi kheing" khyu: zoo: mo, yooboo yoo" mo, yo" dage" ciwim wigi nanu" da" sara: gi voem: shoin" zo: lha"» ga: wigi nya: cangzoo: yi ri myed: boem.

MARKU 10:2

Pharishe" dayham" gi Yesu jang" moo re" lho: nyang: ri leug yu zoore"- byu dayug yug gi nya: yhoem: seing: myhi: ri Tarha" vang khyo" kang" pyam ge la". Ngoonu" ri" tid kyoo" we"- ga: myid boem.

MARKU 12:15

Ngoonu" byid: wa la". abyid: wa la"» ga: myid: ago". Yesu koem gi - nanu" ngoori cewim leig yu yu" go" nga" jhang" gei dakyab, ci: lo yu" ge' ngoo yu" yu" wa ga: tid.

MARKU 12:18

Hau: thang: ri doem dei to'' lo khyoo: ajo, ga: tid go" nyid da" Saduke dayham" Yesu jhang ju" re" lho: Sara we"- byu dayug yug nya: mang: gi zoo: du ayoo" loo: za: nya: yhoem: seing: myhi' rishid: cau" too" kho' nghoid rigi hau: youg nya: nhung" gi nya: mang" cougmoo" ri loxo' lho: nya: mang: yhoemkhung: xo' zoo: du khu: byid: ca"- ga: Moshi tarha" ngoonu" ri lhid" too" byid: khare".

LUKA 10:25

Tarha" sara: dayug gi Yesu jang" moo re" lho: Sara: we"- ngoo gi apyaid ato: kangso' khasu" koid ri yoo" wa lha"» ga: Yesu ri phajhi" ca: yu noug yoomo re" myid.

LUKA 11:16

Byu dayham" bang: gi Yesu ri ca: yu nau boem yoomo mau" pho" mo alhoo: again daja: pya shug we"- ga: mho' boem.

LUKA 20:23

Yesu gi houg: bang: da" nheigloem: guid" da" khyoo: ri se' yoomo

LUKA 20:27

Hau: thang: ri Saduke dayham" gi Yesu jang" moo tain" re" ago". Nyangnu" gi byu shid: jang" mo ayo" doem dei loo loo:- ga: loem" mo, nghoid. Nyangnu" re" tid zigi sara" we"- Byu dayug gi zoo: du ayoo" loo: za: nya: yhoem seing: myhi ri shid: cau too" loo" lang" gi cougmoo" myhi, ri nya: nhung" lo, doem xo' yu zi nghoid. Nya: mang: da" yhoemkhung: ri nya: nhung" doem nyid xo' yhi: ca" ga: ngoonu" ri Moshe Tarha" lhid" byid: to" bye.

YOHAN 8:6

Nyangnu" gi Yesu ri yooboo zhug lho: myheig wa shid' re. Pyi: sho: nyid boem. Nghoidloug we' Aseing Yesu gi goeb' ci: lho: myidjang: moo lo, nyhau" wigi thau" lhid" nyid.

ACTS 4:1

Petru yo' Yohan eig yug gi byu yi ri hougsu" dakho" kyo" nyid shi" uri khainjung yi dayham" gi noku yhoem: moo" mo goemloem pyada: zoug: yi yo' Saduke ju" re" lo boem.

ACTS 5:17

Houg: lang" khainjung zeing yo' nya: byen cang" yi nghoid da- Saduke phung bang: gi lagyoo: yi ri gye" anoug angei zi bue" lo wigi nyangnu" gi lagyoo: yi ri myheug wa khyo" soin' lo boem bye.

1Korinthians 1:22

Yuda byu yi gi sagsi: bui" nhang: wa shid re"- alhoo: again' ri vho: nyid ziyo'- Heleni byu yi gi lasi, laleig phajhi" ri sho: nyid boem ago".