MATHE 15:9 - Lacid Common Language Bible

⁹ Khasu" wim gari Byu koid: da" tarha" ri Nga" da" tarha" yhangti" jhoug" byid: nyid yoomo nyangnu" ngoori noku nyid da" zigi akoem: za danghoid»› ga: wigi Mangsoo tid.

MATHE 15:9 ပူးပေါင်းရင်းမြစ်များ

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

COUNG" NGHEI 73:13

Houg: yoomo nga" da" gung du: ri yooboo akoid loo: gyeung" shang: tung" yo" nyid zigi akoem: za: nghoid wa la".

THU' LO" MOUGSOUG" 20:7

Nga" myeing ri akhyeing" da" khyoo: moo yeing lho: aci: goo". Ciwim gari nga" myeing ri anghoid da" khyo" ci: su: hang" ri we' ngoo nanu" da" Aseing Mangsoo yooboo dam byid: wa.

ESAIA 29:13

Aseing tid zigi «He: byu yigi ngoo ri noku ga: tid ago". Nghoid loug we' nyangnu" da" dang: joem gi dang: kang: aboo nghoid ago". Nyangnu" nheigloem: gi gootu: moo nghoid nyid ago". Nyangnu" da" noku thung" gi akoem: nghoid da:. Nghoid loug we' nyangnu" yu" yu" za: myid boin: da" xangsu: byu tarha" yo' thung" ri: joem za: nghoid da:.

XOIN" NGEI" 26:16

ngoo nanu" ri yooboo dam byid: wa. Ngoo gi nanu" adang moo: kyi" khyeug khyoo:- ayo" byang" da" noo phyoo"- nanu ri myo, jid nhang: da" noobau: phyoobau: bue" wigi nanu" da" kangso' joem: loo" wa da" khyoo: ri bui" nhang: wa. Nanu" gi nanu" da" shivoo: shiloem ri sho" nghoid loug we' hau: joem ri agi nhang: wa. Ciwim gari: nanu" gyivoo yigi nanu" ri oung: pyam wigi nanu" sho" to" da" shivoo: shiloem joem ri zo: pyam boem wa.

XOIN" NGEI" 26:20

Nanu" yoem: kaid lho: koid to" da" moo" gi nanu" shid re" akyu" abyid: wa. Ciwim gari: nanu" mougmyid gi shivoo: shiloem athu ziyo' seiggam joem gi ashi" azei: wa.

MALAKHI 3:14

Apyaid ato: Mangso moo" zei: nghoid loug we' ce: akyu" aboo- nyang: byid: to" da" tarha" ri cang lho: yoem: moo" bo da" Aseing Mangso shid moo khyo' nyhoem: lho: zei: so' nyid yab nghoid loug we' ce: noem jeju" boo wa lha".

MATHE 15:10

Houg: lang" Yesu gi Byu phung: moo" ri khe: yu lho: «gyo: yu lho: si ge'.

MARKU 7:7

Nyangnu" gi byu yi da" jhoug" dang: ri Nga" tarha" nghoid khyo" jhoug" byid: nyid boem wigi nyangnu" gi akoem: moo za: goeb pid nyid boem" ga: lhid to" ziyo' dakhyoo" ti" nghoid nyid.

1Korinthians 15:2

Hau: ngei bu: lu dang: ein: zigi: ngoo nanu" ri kho" kyo" yu" bye: da" mungdang: nghoid. Nanu" gi hau: ngei bu: lu dang: moo: geung: geung: teing teing nghe: khau: nyid boem nghoid rigi- nanu" khyoid yu zi shau" boem wa nghoid. Hougsu" anghoid rigi- nanu" da" loem" jeung khyoo: gi amyed, afoo" loem" jeung" pyam zi za: danghoid wa.

TARHA" TID POIN" 12:32

Ngoo nanu" ri amyeing" byid: to" zi ja: khang" moo ” ri koid ge'. Houg: moo daja: ja: aloung: goo". Houg: mo daja: ja: ri we' ayu pyam go".

1 TIMOTHI 1:4

Gyeing" nyang: bue" yu" bye: da" mhoo: myid: shendam joem- phoug" phyid" yi da" byuxeig shab, da" khyoo: ri to" no: pyam boem wa shid re" nyangnu" ri tid poin" we'. Hau: khyoo: joem gi myeing" myoo: yhoo: she:- byo, goo" ngeig go" da" khyoo" riza: dabue" thu' loo nhang: nyid wigi loem" jeung" khyoo: khyo" za: dayo" se' da" Mangsoo nyheung soin' da" khyoo: ri ayo" bui" nhang: nghoid nyid da.

TITU 1:14

Yuda yi da" pyeing: dang: mhoo: myid: joem ri we' zei: zeung nghe: khau: khyoo: akoid' loo: wa ziyo' deingmain" khyoo: ri aloem: da" byu yi jang" mo thu' lo da" pyeung: to" dang: soo" khoin" joem ri loem" jeung" nghe: khoug: mo, jhoug" byid: ca" bye.

HEBRE 13:9

Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.

YAKU 2:20

Hau: tho' moo gootu: hang: su: we"- moozoo" abo da" loem" jeung" khyoo: gi akoem: za: danghoid ziri si' nau la".

Pang Shug 22:18

Ngoo Yohan gi he: da" mougsoug" mo lapi: dang: joem ri gyo: yu mo, dangain" ri jhug jhug tid poin" kaid zigi dang: he: gu: mo daja: ja: ri loung: kaid' su: hang" ri we' he: mougsoug" moo lhid" to" da" shen" yhen shid: gyoin, joem gi Mangso wigi nya: tho' moo lung: byid: loo wa.

1 SAMUELA 25:21

David gi he: dain" pyoid yoo moo: beingvoo da" jonu" ri ngoo ciwim yoomo lhoug zung" byid: nyid la". Nyang: seing: da" jonu" daloem: ri we' khau" pyam byid: zi angoid. He: zigi ngoo nyang: ri pang" byid: yoomo nyang: ngoo ri doem tau" byid: zi nghoid eung:.