MATHE 15:31 - Lacid Common Language Bible

³¹ Houg: yoomo dang: ase tid mo, gi dang: se tid lo:- Gung yoin" mo, gi yangzain: lo- khyid: gyoug: mo, gi khyoo: yo" so" zi myo, amyang lo: mo, gi myo, doem myang ziyo'- Israela da" Mangsoo ri coung" byid: boem yoomo byu phung: moo" yi gi gye" yu" mau" nyid boem.

MATHE 15:31 ပူးပေါင်းရင်းမြစ်များ

APOEM AYANG: 32:28

Yuggi phoo gi «Re" myeing Yaku anghoid loo wa. Nang gi Mangsoo yo' we' byu yo' we' thougtheung loo bye: wigi nang oung: abye:. Houg: yoomo re" myeing gi Israela nghoid bye:» ga: tid.

APOEM AYANG: 33:20

Nyang: gi houg: moo phoin: daloem: zhug lho: hau: joyoo ri Israela da" Mangsoo El- ga: wigi myeing myheing bye:.

COUNG" NGHEI 50:15

Yau: khe" zi shoug" nyid uri nang ngoo ri yoid we' ngoo gi nang ri khyoid khyu: yu wa zi nghoid. Houg: lang" nang gi ngoo ri coung" nghei byid: wa anghoid ga: tid.

COUNG" NGHEI 50:23

Jeju" boin: so" khyoo: joem gi ngoo ri phoug" tab, ngi: shab xoin" nghoid. Nga" da" dang: tam" gyoo: bang: dangain" mo, ri ngoo gi gyeing" gyeing" nyang: khyoid yu wa zi nghoid.

THU' LO" MOUGSOUG" 24:10

Nyangnu" gi Israela byumyu" yi da" Mangsoo ri myang ago". Nya: khyid: vhoo: moo gi mougnyoug yhang: te" da" Nila lug nyoug myhu" to" da:.

MATHE 15:30

Byu phung: moo" gi nya: jang" moo ju" re" boem ri khyid: yoin" mo myo, amyang mo dang: ase tid mo gootu: noophyoo" aja: ja: shau" mo ri shu" ju" re" boem wigi Yesu da" khyid: yang: moo nyhed: to" ago". Yesu gi hau: noophyoo" shau" mo, ri zheung: ge loo" nhang: kaid.

MATHE 18:8

«Re" da" khyid: nghoid loug- lo, nghoid loug re" da" loem" jeung" nheigloem: ri lhu: phyo' nghoid rigi Hau: khyid: yo" lo, ri kho" pyam we'. Khyid: lo, joeb' joeb' yo"- apyaid ato: da" myi: thoem" moo davang loo" wa tho' rigi gungdu: ajoeb' byeung" lo: zi apyaid ato: kangso' yo" yu zigi je ge nyid.

MATHE 21:14

Mangso yhoem: moo" moo myo, amyang mo, yo"- khyid: agi mo, ge:- Aseing jang" moo ju" re" boem. Aseing gi nyangnu" da" noophyoo" ri ge loo" nhang.

MATHE 8:10

Hau: dang: ri Yesu shau" gyoo: lang" gi nyang: gyo: mau" lho: nya: thang: cang mo, ri «nanu" ri ngoo jhug jhug tid ba- Israela amyu" moo lang" houg: yhi' loem" jeung" da" byu gi ngoo amyang yu" shi.

MATHE 9:32

Hau: eig yug thu' lo" lho: ri byu dayham" gi yu dab lho: ko" ase' meing su: dayug ri Aseing jang" moo shu" re" boem.

MATHE 9:33

Hau: yu ri khaid thu' pyam' byid: lang" nhoid jed su: gi dang: se' tid lo. Houg: su" yoomo mung" byu yi gi dajha" mau" lo wigi «Israela byumyu" moo he: yug te" zi gi khanham we' myang yu».

MATHE 9:8

Hau: khyoo: ri myang da" mung" byu yi gi gyoug phau" nyid boem wigi xangsu: byu yi ri hid yhangte" da" akhang" byid: da" Mangsoo ri vho: ngei nyid boem.

MARKU 2:12

Houg: lang" jang: nyang to' lo wigi na: yhoeb yoo koid: vu, lho: nyangnu" da" shid' khoin" mo myab phang: thu' loo" khare". Houg: lang" nyangnu" dangain" mo, mau" hang" to" boem wigi Mangsoo ri coung" nghei zoore"- ngoonu" gi hid: te" gyeing" moug" phau" khyoo: kha" nham we' amyang yu" shi" ga: tid boem.

MARKU 7:37

Hau: ludang: ri shau" gyo: mo, dangain"- atho' tid loo sho' gyo: mau" pyam boem - nyang: gi ja: khang" moo" ri shoeb shoeb za: koid da:- nujed mo, ri we' nu: gyoo: nhang: lho: nhoid jed' mo, ri we-dang: tid nhang:- ga: tid ago".

MARKU 9:43

Re" lo, wigi re" loem" jeung" khyoo: ri ze" phyo' byid: nghoid rigi hau: lo, ri phyed pyam we'. lo, eig lo, goin" yo' myi: khanham we' ashid: ashoem: lo" da" myi mi: thoem" moo gyoo" loo" wa tho moo lo, dashoid adab lo: zi kangso. dei shoid khyoo: vang loo" wa zigi re" shid re" je ge'.

LUKA 14:13

Houg: yoomo zoo: pui" shug pui" khe: nghoid rigi sho" jhen: mo, yuid mo, gang: mo, khyid: agi mo, myo, amyang mo, ri lhoung: khi: ge'.

LUKA 14:21

Hau: byu khi: nhang: da" dei zoo: phoo gi nya: jang" moo doem lo lho: houg: bang: tid khyo" dangain" lo tid kyo. Houg: lang" yhoem: seing: gi gyi" sho' nheig yo: lo wigi fu" moo" khyoo yo"- khyoo: zoo: khaid khang" moo" khyoo: thu' loo" nhang: lho: ashug" ajhen: bang:- khyid: gyoug myo, jid mo, -byu yoin byugang: yi dangain" ri myab khe: shu" loo ge" ga: dei zoo: yi ri doem nhang: kaid.

LUKA 18:43

Houg: jang: nyang: myo, myang lo lho: Mangso da" jeju" ri coung" zoore" Yesu da" thang: moo cang lo. Hau: da" khyoo: ri myang da" byu phung: yi: gi Mangso da" jeju" ri dangain" mo, coung" nghei nyid boem.

LUKA 7:16

Nyang: nu" dangain" mo, gi gyoug phau" lho: Mang" soo: ri caung" boem ngoonu" moo lapi: zeung dayug thu' loo: bye" ga: Mangsoo gi nya: da" byu phung: ri khyoid yu wa ju" ri" bye ga: tid boem.

YOHAN 9:24

Pharishe yi gi myo, amyang wim led: lo yu" su: ri eig lheing: ga: lheing: doem khe: lho: Mangso da" shid' khoin" moo nghoid main" da" dang: ri tid we' jham' tang: we' nang ri myo, myang loo nhang: su: gi yooboo dab, su nghoid zi ngoonu" se' bye: ga: doem tid boem.