MATHE 14:9 - Lacid Common Language Bible

⁹ khokham" gi myid apyoo: loo: nghoid loug we' being" voo yi da" shid khoin" moo nheung" too" bye: yoomo hau: myiyi: zoo: mho' ziri byid: wa shed re" amyeing" khyo kaid bye.

MATHE 14:9 ပူးပေါင်းရင်းမြစ်များ

PHAJHI" DANG: 5:2

Nang dang: atid shi" ri nyheing" za: myid yu" we'. Houg: lho: Mangsoo ri ahain: akhyoid dangsoo" abyid:. Nyang: gi mougkhung: moo nyid wigi nang gi myidgung moo nyid da:. Houg: yoomo nang tid ca" zi mo lid wigi ajain" atid.

MATHE 14:1

Hau: uri Galile mung" ri vhoeb ci: su:- Herod khokham" gi Aseing Yesu da" khyoo: ri shau" gyoo: lang"

MATHE 14:10

Houg: yoomo byu nhang: kaid lho: Yohan da" vhuloem ri thung: khoug: moo kho" pyam bye.

MATHE 14:5

Herod gi Yohan ri said pyam noug nghoid loug we' Yuda byumyu" yi ri gyoug yoomo avoem" said, pyam. Khasu" wim gari houg: bang: gi Yohan ri Lapi: dayug ga: zheung: loem yoomo nghoid.

MATHE 14:8

Hau: da" myiyi: zoo: gi nya: myhi' joug jhoin" ziyo' dakhyoo" ti"- Baptisma sara: da" vhuloem ri he: da" bain moo akhid" kaid byid: we' ga: lo" mho'.

MARKU 6:14

Akhid" Yesu da" klhyoo: dangain" ri Herod khokham" shau" gyo:-Khasu" wim ga: ri Yesu myeing ri khyi khang" moo" moo sube" fu" gyi: lo nyid bye. Byu dayham" gi Baptisma byid: su:- Yohan doem dei to'' lo zi nghoid ga: houg yomo mau" pho" moo" yo" zei: ga: tid nyid boem.

MARKU 6:20

Khasu" wim ga: ri Yohan gi deungmain" ziyo' gyeungshang: byu dayug nghoid ziri Herod se' lho: nyang: ri gyoug phau" ziyo' yu" goem byid: nyid. Yohan da" mungdang: shaug" gyoo: khang" moo"- nya: nheigloem: moo gyi" sho' nheigloem: amyen nghoid loug ri we' nya: mungdang: ri ngeibu: tung" za: tam" gyoo: nau nyid.

MARKU 6:26

Khokham" -phoo gi nheigloem: gye" angei apyoo: loo: bue" lo". nghoid loug we' nya: being" vhoo yi da" shid khoin" moo nyang: jham, tang: lho: tid pyam bye: dang: khoin" yoomo myiyi: nu" ri ayo" he: pyam loo: nghoid da.

LUKA 13:32

Yesu gi «Ngoo gi akhid" nyid" yo' nab yo: nyid gi yu joem: ri khaid thu' lho: noophyoo" ri byang" gi byid: wa. Soem" nyid" nyid" gi nga" da" moo" thang: ri said pyam wa khyoo: ri hau: zeigni phoo ri tid kyoo" ge' ga: tid.

TARHA" AGYI 11:39

Lhammoo" eig khyab thang: ri nya: pho jhang doem tau" ju" lo da:. Yebtha gi Aseing ri nyang: dangsoo" byid: to" ziri koid bye:. Hau: myiyi: zoo: gi zoomyi: gyeing" khyo" nyid lo" da:. He: zigi Israela myiyi: yigi Gilead mo Yebtha da" myiyi: zoo: shid re" thu yhe: wigi zain khang" moo" myid: nyid" yhe: koug ngau yen" da" thung" ri: Israela byumyu" yi moo bue" thu re" da" khyoo: ajhung: nghoid da:.

TARHA" AGYI 21:1

Israela byumyu" yi Mizpa moo dage" zeing: foem: nyid boem uri nyangnu" gi Aseing ri «Ngoonu" mo hang" we' ngoonu" da" myiyi: zoo: yiri Benyamin byu yi yo' lo, axo' nhang: wa» ga: dangsoo" byid: ago".

1 SAMUELA 14:24

«Nga" da" goem lau gyi joem ri ngoo latoo: ayo" phug shi" ri akhanyid" da" bidnyid ri zoo: shug zoo: mo, hang" nghoid loug we' nheing" zi shoug" baja"» ga: Sholu jham' tang: wigi amyeing" byid: too" yoomo hau nyid" ri Israela byumyu" yi zooyoid wigi yoem: yoem" nyid boem. Hougsu" nghoid yoomo danyid" goin" hang" we' ciwe' azoo: loo nyid boem.

1 SAMUELA 14:28

Nghoid loug we' byu dayug gi nyang: ri «Ngoonu" dangain" mo, zooyoid wigi yoem: yoem" nyid zi nghoid nghoid loug we' re" phoo ngoonu" ri akhid" nyid" da" bidnyid ri zooshug zo: da" bang: dangain" nheing" zi shoug" wa» ga: tid ziri tid kyoo" bye:.

1 SAMUELA 25:22

Nab soin: aju" shi" da" ayo, ri he: byu joem mo lo" thang yug ri ngoo asaid loo: za: teing to" nghoid rigi Mangsoo wigi ngoo ri baid baja" o" ga: myid soin: yu" nyid da:.

1 SAMUELA 28:10

Hau: thang: Sholu gi deingbyeing" dangsoo" kham: yu lho: myiyi: myhi ri «He: zi koid yoomo nang ri dam kaid zi ashau" baja" kangso' Aseing jhang ngoo dangsoo" to" too" bye:» ga: tid.