MATHE 13:8 - Lacid Common Language Bible

⁸ Myoug: shi" gootu: gi myidjang: gi moo gyo" yug yoomo azhang dashoo: azhang khyug xi:- azhang soem" xi: ashi" zei: myo: je: lo.»

MATHE 13:8 ပူးပေါင်းရင်းမြစ်များ

APOEM AYANG: 26:12

Isag gi hau: mung" moo yoo koid wigi hau: zain moo azhang dashoo: yo" yham" zheing" yu bye:. Khasu" wim ga: ri Aseing gi nyang: ri mainkaid byid: bye:.

MATHE 13:23

Myidjang: gi moo sain" khyo da" myoug: shi" gi mungdang: tarha" ri shau" gyo: lho: hau: ziri se' gyoo: su: yo" du nyid. Nyangnu" mo dayham" gi azhang dashoo:- dayham" gi azhang khyug xi:- dayham" gi azhang soem" xi:- myo: je lo da" ashi" ri yo" zei:» ga: tid.

MATHE 13:7

Ashi" dayham" gi zu: bang moo gyo" wigi yug ri" nghoid loug we' zu: bang gyi: ri" lang" te: foeb said pyam.

MARKU 4:20

Nghoid loug we' gootu: dayham" gi myid gi moo sain" kaid da" myoug: shi": yo' du nyid ago". Nyangnu" gi hau: mungdang: ri shaug" gyoo: lang" kham: yu lho: dayham" soem: xi: zhang - dayham" khyug xi" zhang- dayham" gi dashoo: zhang ashi" zei: lo boem.

MARKU 4:8

Nghoid loug we' myoug: shi" dayham" gi myidjang: ge jang" moo gyo" lo" lho: houg: gi youg gyi: lo wigi ashi" zei: lo ago"- dayham" soem: xi: zhang- dayham" khyug xi: zhang- dayham" gi dashoo: zhang myo; tham: lo ago".

LUKA 8:15

Jen" bo da" myidjang: gi moo gyoo" lo" da" amyoug koem gi Mungdang: ri shaug" gyoo: lang" tam" gyoo: nau da" nheigloem: yo"- geing: geing: teing teing kham: yu loem" jeing" wigi Ashi" zei: loo sho' koid: da" byu yi ri tid nau da" zi nghoid.

LUKA 8:8

Myoug shi" dayham" gi myidjang: gi moo gyoo" lo" wigi agam youg gyi: lo lho: dashoo: zhang ashi" myoo lo ga: wigi tid kyo. Hau: thang: ri Yesu gi nukhyab dab mo gi gyo: yu ge" ga: tid.

YOHAN 15:8

Nanu" gi ashi" myoo" sho' zei loo yoomo Mangso da" myonhoo: phung: yoeb' ri thu' loo nhang. Hid: khyo" nanu" gi nga" cangzoo: yi bue" lo boem.

Roma 7:18

Xangsu: byu nghoid da" ngoo moo ge da" moo" ri yo" zei: wa da" yoem: so' abo zi ngoo se'. Khasu" wim ga ri ngoo moo ge da" moo" ri zei wa da" amyeing" boo nghoid loug we' yo" zei: wa yoem: so' aboo.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.