MATHE 13:55 - Lacid Common Language Bible

⁵⁵ «Hid: yhangte" da" mau" pho" alhoo: again joem gi khasu" wim yo" koid shug la'. nyang: gi lagsama nya: zoo: anghoid la'. Nya: myhi' myeing gi Mari ga: zi anghoid goo" rhe"- nya: nhung" we' Yaku Yoseb Simon Yuda ga: bang: anghoid goo" la".

MATHE 13:55 ပူးပေါင်းရင်းမြစ်များ

COUNG" NGHEI 22:6

Nghoid loug we' ngoo gi byu dayug a nghoid loo. Tungsang" lugdung: danghoid lo- dangain" mo, gi ngoo ri aphoug" akhyoid she: pyam lho: ngheung" nyid boem bye:.

ESAIA 49:7

Israela da" gyeung" shang: Mangsoo yo' khyoid yu su: gi xoo: sho' aphoug" akhyoid koid zi shoug" su: byumyu" yi wigi ngheing" su: vhoebkhang" bang: da" dei zoo: ri «Nang loid nhang: kaid ziri khokham yi shau" myang lang" nyangnu" ri phau" myang: byid: wa shid re" to' yab loo wa. Khokham nu" yi we' hau: ziri myang wa lho: nyangnu" gi nang ri phau" myang: wigi goeb pid loo goo" wa» ga: tid. Aseing gi nya: dei zoo: ri khyen: too" bye: yoomo he: zigi bue" loo wa nghoid. Israela da" gyeung" shang: Mangsoo gi nya: dangsoo" joem ri zoem: su: nghoid da:.

MATHE 27:56

Nyangnu" moo Magadala Mari Yaku yo' Yoseb da" nya: myhi Mari yo' Zebedi da" yhoem seing: myhi, bang nghoid.

MARKU 15:40

Myiyi: yi dayham" we-vi" vi: mo yu" nyid boem ago"- houg: bang: phung: moo Magadala Mari Yaku tang: Yoseb da" nya: myhi' Mari yo' Salome we bo ago".

MARKU 15:47

Yesu ri myhoeb da" joyoo ri-Magadala Mari yo' Yoseb nya: myhi' Mari eig yug myang ago".

MARKU 6:3

Nyang: gi Mari da" nya: zoo:- Yaku Yoseb Yuda yo' Simn da" nya: mang:- Lagsama phoo anghoid la". nya nham mo we' hid: moo nyhang" yo" dage" nyid mo, anghoid goo" la"» ga: nyangnu" nyang ri ngeug he: boem.

LUKA 1:27

Hau: da" zoomyi: zoo: gi David khokham" mo xo' gyoo" lo da" Yoseb ga: da" yuggi zoo: yo" loxo' wa shid' re" dang: myid: too" su: nghoid. Hau: myiyi: zoo: da" myeing gi Mari ga: zi nghoid.

LUKA 24:10

Lagyoo: yi ri houg: su" lo" tid kyoo" mo, gi Magadala Mari- Yoana- Yaku da" nya: myhi, Mari yo"- gootu: myiyi: yi nghoid.

LUKA 3:23

Aseing Yesu gi moo" zei: shed" lo da" uri soem" xi: zain koo: nghoid bye. Subi" yu" myang soin: byid: nyid ziyo' dakhyoo"- Yesu gi Yoseb nya: zoo: nghoid Yoseb gi Heli nya: zoo:- Heli gi Mathaid nya: zoo:-

LUKA 4:22

Byu dangain" mo, gi Yesu ri coung" byid: dang: tid go" nyid boem. Yesu da" nhoid mo thu' da" dang: yi ri gyo: mau" boem lho: He: yug gi Yoseb da nya: zoo: anghoid la"» ga: myid: go" nyid boem.

LUKA 8:20

Byu dayug gi Re" myhi, yo" re" no, gi Aseing: yo" shau" goo" noug yoomo nghe: shid' moo re" nyid ago" ga: Yesu ri tid kyo.

YOHAN 19:25

Hau: da" uri Yesu da" nya: myhi' yo"- nya: myhi' da" nya: no gi Klopha da" yhoem: seing: myhi' Mari yo"- Magadala voo mo Mari we' Aseing Yesu da" pyang" zeing: yang moo yab jo, ago".

YOHAN 6:42

Nyangnu" tid da" zigi He: yug gi Yoseb da" nya: zoo: Yesu anghoid la". Nya: myhi' yo' nya: phoo ri ngoonu" se'- anghoid goo" la". Houg: su" nghoid ri ci: yoomo ngoo gi mougkhung: mo gyoo" lo ga: tid nyid lha"» ga: tid go" nyid boem.

YOHAN 9:29

Mangsoo gi Moshe ri dang: tid byid: zi ngoonu" se' nghoid loug - He: yug gi khayo thu' lo zi ngoonu" asi ga: tid boem.

GALATI 1:19

Hau: Aseing: da" nya: nhung" Yaku mo lid wigi gootu: lagyoo: yi ri ngoo amyang.

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.