MATHE 13:3 - Lacid Common Language Bible

³ Hau: uri dangtu' myoo" sho khyo" khyoo: myoo" sho' jhoug" byid: da" zigi «shid phyang" byu dayug gi myoug: shi" sain" wa shed re" thu' lo.

MATHE 13:3 ပူးပေါင်းရင်းမြစ်များ

COUNG" NGHEI 49:4

Ngoo gi phajhi" dang: moo nheigloem: kaid to" lho: hau: da" dang: joem ri teing baid thui: yo' phoid: sho' kyoo" wa nghoid.

COUNG" NGHEI 78:2

Ngoonu" da" nya: phoug" nya: pho, bi" ngoonu" ri tid kyoo" bye: yoomo ngoonu" se' too" bye: da" moo" zoo" jid: zoo" joem yo' lai loo bye: pyaid mo yhoem" to" da- mau" pho" khyoo: joem ri phajhi" dang: joem yo' nanu" ri ngoo tid kyeung kyoo" ba.

EZEKIEL 17:2

Nyang: tid zigi «shid: se' da" byu we"- Israela byumyu" yiri

EZEKIEL 20:49

Nghoid loug we' ngoo gi «Yoem: moo" bo Aseing we". Ngoo ri hau: ziri akoid nhang:. Ngoo khanham we' qeishoem joem khyo" tid ziri yugkhang" moo" gi se' gyo: gu nghoid boem ago" ein: tid ngeug he: kaid bye:.

MIKHA 2:4

Houg: ayo, ju" lang" byu yigi nanu" moo bue" lo khyoo: ri kyi" khyeug yau: khi" da" leig daloem: khyo" ci: yhoung: loo" goo" wa nghoid wigi nanu" thoung" shau" lo da" khyoo: joem ri hid: su" ga: nheig koug nheig nge da" lid jhoem" ri yhang: lo" boem wa nghoid. Ngoonu" gi bain sho' byo, yoin" loo" bye: Aseing gi ngoonu" da" mougmyid ri yu pyam byid: lho: Ngoonu" ri myheug tei" she: loo" mo, ri byid: pyam abye:» ga: tid to".

HABAKU 2:6

Nyangnu" zain: ung: yu shau" da" byumyu" yigi zain: ung: bang: ri juang" yi yooboo foin: lho: nyangnu" ri aphoug" akhyoid koid wa zi nghoid. Nyangnu" gi «Nanu" da" jonu" ziyoo anghoid ziri yo" lhoid yu nghoid loug we' nanu" gi byuxuid" vooyoem: zi shoug" goo" wa zi nghoid. Nanu" da" jhen: dab mo, ri agyoo" gyoo: jhen: xab nhang: khyo" khamyhang myang" sho' nyid gi nyid de nyid goo" wa lha"» ga: tid goo" wa.

MATHE 13:4

Ashi" ri sain" kaid da" uri dayham" gi khyoo: gung moo gyoo" loo" yoomo ngho' joem gi hau: ashi" ri koid: zo: pyam.

MATHE 13:53

Hau: dangtu' dangain" ri bain tid kyoo" lang" gi Aseing Yesu hau: joyoo mo thu' lo" wigi

MATHE 22:1

Aseing Yesu gi dangtu' to" lho: houg: bang: ri «

MATHE 24:32

«Lafoem gam mo he: akhyoo" daja: ri jhau" yu ge'. Hau: seig gam mo akung: ako'' nu" lo lho: afu' toid loo lang" gi zain vang khoem" ju" loo bye: ziri nanu" se' ago".

MARKU 12:1

Yesu gi dang tu, joem nyangnu" ri tid kyo" Byu dayug gi zabyid khyam: daloem: ri sho" nyheung to" lho: hau: ziri khyam: kyam, lheung to". zabyid pyeig wa duang: du: to" ziyo' joo zam daloem: ri we' nyham" to" lho: wigi khyam: koid zoo: mo, ri nghoo" byid: too" kho' lho: gyung: so" lo".

MARKU 12:12

Yuda vhu jhung: yi gi nyangnu" ri yeung lho: Yesu he: dangtu ri tid zi si yoomo nyangnu" gi Yesu ri myheig wa ga: soin'- nghoid loug we' byu phung: moo" ri gyoug nyid boem yoo mo nya: jang" mo gang: thu' lo" boem bye.

MARKU 3:23

Houg: lang" nyang: gi nyangnu" ri khe: yu lho: dang: tu' yo' satan gi satan ri khasu" se' khaid thu' wa lha".

MARKU 4:13

Houg: lang" Yesu gi nyangnu' ri he: dang: tu, ri nanu" ase' gyoo: boem rhe"- hougsu" nghoid ri dang: tu, gootu ri nanu" khasu" se' gyoo: goo" wa, lha"» ga: myed:.

MARKU 4:33

Hougsu" Yesu gi houg yhang te" dang: tu myoo sho' nyangnu" se' yo" gyoo sho' nya: mungdang kho" kho" kyo". Nyang: kho" kyo" ziyo' dakhyoo" nyangnu" se gyo: boem.

LUKA 12:41

Peteru gi Aseing: we"- he: dangtu' gi ngoonu" ri tid la". houg: su" anghoid lang" gi byu dangain" bang: shid' re" la"» ga: myid.

LUKA 8:10

Nyang: doem tid zigi Nanu" gi Mangsoo vhoeb khang" da" khyoo: mo no, thang da" khyoo: joem ri se' abye: go"- gootu: bang: gi yu" nyid lho: amyang- shau" gyo: lho: ase' gyoo: yoomo dangtu' khyo" kho" kyoo" ca" nyid.

YOHAN 16:25

He: da" khyoo: joem ri dangtu' ci: lho: ngoo tid bye. Hid: su" dangtu' aci: loo: Phoo Mangso da" khyoo: ri bang" bang tid kyo" loo wa da" ayo, gi ju" loo wa.