MATHE 13:25 - Lacid Common Language Bible

²⁵ Nghoidloug we' myen" ri byu yhoeb' pyo: jo da" uri nya: gyivoo ju" re" wigi myo, shi" ri re" sain" kaid khare" lho: doem phang: lo" byug.

MATHE 13:25 ပူးပေါင်းရင်းမြစ်များ

1 KHOKHAM 3:20

Myen" ri ngoo yhoeb jo, uri nyang: gi to' lho: nga" zoo: ri nga" nam mo lo vu, lho: nya: yhoeb yoo khyoo: vu, lo" da:. Hau: thang: shid: bye: da" nya: zoo: ri nga" yhoeb yoo khoug: moo lo to" to" da:.

MATHE 13:24

Aseing Yesu nyangnu" ri dangtu' gootu: doem tid kyo" da" zigi «Mougkhung: mungdain: zeing gi khasu" nghoid. Byu dayug gi ge da" gug myoug: ri nya: yoo moo yhe: sain" to.

MATHE 13:26

Gug gam joem youg gyi: lo wigi anham: ashi" thu' lo da" uri myo, we' bo thu' lo.

MATHE 13:27

Houg: lang" hau: youg da" dei zoo: yi ju" re" wigi yoo seing: ri ‹yhoem: seing: we"- Gug gi myoug: ri re" yoo moo datei: anghoid la". nghoid loug we' he: myo, gam joem gi khayo, youg lo lha"› ga: zheung: myid: boem.

MATHE 13:29

Yoo seing: gi houg su" ‹akoid: goo" khasu" wim gari myo, gam phoin lang" gug gam ri bo zang" phoin wa nghoid.

MATHE 13:30

Gug yed nham" ju" sho' gug yo" myo, eig ja: goin" - dage" youg jo, lho: gyi: loo goo" baja". Houg: lang" gug yed mo, gi myo, gam joem ri xang: shid" yed deung: lho: myi: moo nghe pyam ge' hau: thang: gug rigi nga" da" jhi: moo zheung" kaid too" ge"› ein: wigi ngoo tid wa» ga: tid.

MATHE 13:39

Soo" yo myo, shi" ri re" sain" da" gyivoo gi yu satan: nghoid. Gug yed nam" gi he: mougmyid thang loo" yo' nghoid. Gug yed mo, gi Mouglagyoo: yi nghoid.

MATHE 25:5

Phooseig gi myab aju" ri" myang" nyid yoomo nyangnu" dangain" mo, yhoeb' nghui" nghoi" lho: yhoeb' myhid jo, boem bye

GALATI 2:4

Byu yi dayham" koem gi nyang: ri athang: yham" pyam' nhang: nau boem- houg: bang: gi Khristu Yesu yo' daloem: za: bue" wigi kangso dei nyid yoomo ngoonu" yo" yu bye: da" loid byoin akhang" ri kin-yu koid wa shid re" Khristain mang nhung bue" mhau' lho: yha" da" phung: moo bo gau" vang loo mo, nghoid boem ago- nyangnu" gi ngoonu" ri join, koid noug mo, nghoid nyid boem ago".

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.

2PETRU 2:1

Lai: lo" bye: da" ayo' moo byu yi jang" moo mhau' da" lapi: yi thu' lo boem ziyo' dakhyoo" ti"- nanu" jang" moo we' mhau' da" sara yi thu' loo boem nghoid. Nyangnu" gi lhu: phyo' lhu: shoin, khyoo: adeung amain" jhau" mho' da" khyoo: joem ri shu" vang lo wigi nyang: tu: nyang: ri khyien: yu bye: da" Aseing: ri ngeug pyam boem wa zi nghoid. Hougsu" koid yoomo nyangnu" gi nyangnu" da" atho' moo byo, yoin" lo" khyoo: gi myab myab, ju" loo nhang: boem wa zi nghoid.

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.

Pang Shug 13:14

Nyang: gi xang: shed" mo da" akhyeung" gougnyhoug shid khoin" moo mau" pho" alhoo: again joem rikoid shug lho: wigi mougmyid byu yi dangain" ri mhoid" fain" nyid lho: sham: dam tab' nghoid loug we' ashid: loo" loo: dei nyid da" hau" gougnyhoug riphoug" tab ngi shab, khyo" wigi nya: da" soolhoo: daloem: rikoid wa shid re" mougmyid byu yi ri tid kaid.

Pang Shug 2:20

Nghoid loug we' nang gi nya: jhoug" myeing" khyo" nga" cangzoo: yi ri avoid avhu: koid nhang: lho: soolhoo: ri teing: byid: da" zoo: noem zo: shug da" yooboo shoid sho' khyoo: shu" vhang: nhang: su:- myiyi: myhi, Yezebela ri nyid nhang: nyid shi" yoomo, nang ri yooboo foin: jang: jo.