MATHE 13:22 - Lacid Common Language Bible

²² Ju: byab moo gyoo" lo" da" myoug: shi" gi Tarha" mungdang: ri shau" gyo: lho: Mougmyid tho' mo myid myoo: ung: loug khyoo: yo' ziyoo jonu" ri myo, no, vhoo: bo khyoo: yoomo mungdang: tarha" myoug: shi" ri nghoeb zeig pyam lho: wigi ashi" ayo" zei: dakhyoo: ri tid nau zi nghoid.

MATHE 13:22 ပူးပေါင်းရင်းမြစ်များ

COUNG" NGHEI 52:7

Yu" ge' nyang: gau: nyu: wa shid re" Mangsoo ri aloem loo za: hau: gungkhoo: nya: da" myo: tham: jonu" yo' akhyeing" ashoeb khyoo: moo gau: nyu: khyoo: sho: nyid da" byu dayug hid: moo: nyid" ga: wigi tid.

COUNG" NGHEI 62:10

Athoug" akhyoug: khyoo ri nanu" anghe: khau: nyid goo- lhoid zoo: lhoid shoug khyo" yo" yu da" zi ce: ja: ri we' nheug myid abyu nyid goo". Nanu" yo" loo de loo nghoid loug we' hau: ziri nheug anhei: nyid goo".

DANG: ZHOEM 11:28

Nyang: tu: nya: da" jonu" ri za: nheig nhei: too" mo, gi xung" gung mo seig fu' joem yhang: ti"- shu: gyo" lo" byug wa. Deing: byeung" bang: koem gi zain vang khoem" mo seig fu' joem yhang: ti" nyau, young" lo boem wa nghoid.

DANG: ZHOEM 23:5

Re" da: ngei sheing: gi dung dab, lo wigi dang: phang: lo" da" zoin, bung: yo' dakhyoo" ti" myo, damyeug moo: za: thang byug se' nyid.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

YEREMIA 4:3

Aseing gi Yuda yo' Yerusalem voobyu yiri tid zigi «To" lham' to" da" nanu" da" yoothung" joem ri phug pyam we'. Nanu" da" shivoo myoug: shi" joem ri zu kyen: gam gyoo: cang ashoo" goo".

MATHE 12:32

Hang" nghoid loug we' Byu da" nya: zoo: ri nhoid yo" tid shoid da" yooboo gi yo" khyoid pyam byid:. Nghoidloug we' gyeungshang: da" Venyi: ri nhoid tid shoid da" yooboo rigi he: pyaid ri we' thang: phyang" pyaid ri we' yo" khyoid pyam byid: zi anghoid.

MATHE 13:39

Soo" yo myo, shi" ri re" sain" da" gyivoo gi yu satan: nghoid. Gug yed nam" gi he: mougmyid thang loo" yo' nghoid. Gug yed mo, gi Mouglagyoo: yi nghoid.

MATHE 13:40

Myo, gam ri khyen: yham" lho: myi moo nghe pyam yhangti"- he: da" mougmyid lo" thang da" bidnyid moo we' houg: yo" dakhyoo" bue" loo wa.

MATHE 13:7

Ashi" dayham" gi zu: bang moo gyo" wigi yug ri" nghoid loug we' zu: bang gyi: ri" lang" te: foeb said pyam.

LUKA 12:15

Hau: thang: ri vhoo: bo myo, no, da" khyoo: aja: ja: ri zed" pyam ge'. Byu da" kangso' gi ziyoo jonu" moo geing: zug jo, zi anghoid ga: tid.

LUKA 12:21

Nyang: nya: shid' re" ziyoo jonu" khamyhoo young: too" nghoid loug we' Mangso da" shid' khoin" moo ayoo" ajo, su: gi hau: da" sathe" phoo yo" dadu nyid ga: tid.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

LUKA 8:14

Zu: kyen: byab moo gyoo" lo" da" myoug shi" gi Mungdang: ri shau" gyo: lho: myid myoo: ungloug da" khyoo:- yoo" zoo: yoo" shug da" khyoo:- gung shoo" nyam khyo: ze wigi nghoeb foeb pyam yoomo mo, da" ashi" ayo" zei:- mo, ri tid nau zi nghoid.

ACTS 8:18

Lagyo: eig youg da" lo, nyangnu" da" atho' moo ki" byid: lang" loem" jeing" mo, gi gyeungshang: da" Venyi ri yo" kham: yu boem ziri Simun shau" myang lang" nyang: gi Petru yo' Yohan eig yug ri ngei byed, lho: wigi

Roma 12:2

Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.

1Korinthians 1:20

Houg: su" nghoid yoomo- lasi, laleig phajhi" boo su: ga: zigi: khayoo: nyid lha" Mougsoug" lhid" da" sara: ga: zi khayoo: nyid lha" He: mougmyid tho' moo: dang: yo" tid shi, goo" su: ga: zi- khayoo: nyid la" Mangsoo gi he: da" mougmyid tho' mo phajhi" juyi: ri- akoo" afang: anyhoin: athung" zi bue" loo" nhang: bye: anghoid la"

1Korinthians 2:6

Nghoid loug we' ngoo gi Venyi: moo: nheig boo ung: gyeing: bye: bang: rigi- phajhi" mungdang: yo' tid kyo". Nghoid loug we' hau: zigi: he: moug: myid yo' sen: da" phajhi" anghoid. Moug: myid tho' mo zau: ludaid' yi da" lasi, laleig gi bei: lo" koung" nyid bye.

1Korinthians 2:8

Moug: myid tho' mo zoug: khokham yi hang" nghoid loug we'- he: da" lasi, laleig ri yo" se' zi anghoid. Dato, se' boem nghoid rigi- myonhoo: phung" yoeb, bo da" Aseing ri- nyangnu" gi pyang" zeing tho' moo: baid' jen" said pyam wa zi anghoid.

1Korinthians 3:18

Hang" nghoid loug we'- nyang: gung nyang: ri amhau, nyid goo- nanu" mo byu dayug yug gi he: moug: myid da" zhang khyo" soin: lho: nyang: nya: gung ri phajhi" boo su: nghoid ga- si' boin" nyid nghoid rigi- gyeing" nyang: phajhi" boo su: bui" wa shid re" akoo" apyoid da" byu bui" ca" nyid.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.

GALATI 1:4

He: da" pyaid mo akhyeing" ashoeb khyoo: mo ngoonu" ri yo" khyoid yu baja"- ngoonu" da" Phoo Mangsoo myid vho: ziyo' dakhyoo" tam" gyo: zoore"- ngoonu" da" youg: noo yoobo shid mo Khristu gi nya: gung du: nyan: ab, byid: pyam' bye.

Ephesu 2:2

Hau: da" ayo, moo nanu" gi mougmyid da" akhyeing" ashoeb khyoo: moo za: cang lo" boem wigi akhui" Mangsoo ri aphoug" akhyoid koid nyid da" byu yi ri vhoeb khang" nyid da" venyi gi moug: laid moug di ri vhoeb khang" lho: yoem: so' bo da" venyi joem jhang khyoo: nanu" cang lo" boem abye: go".

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.