MATHE 13:19 - Lacid Common Language Bible

¹⁹ Khyoo: gung moo gyo" da" myoug: shi" da" khyoo: gi Mungdain: da" tarha" mungdang: ri shau" gyoo: nghoid loug we' ase' gyoo: su: yo" du. Akhyeing" su: ju" re" lho: nheigloem: khoug: moo sain" kaid to" da" myoug: shi" ri yu pyam byid: ga: tid.

MATHE 13:19 ပူးပေါင်းရင်းမြစ်များ

DANG: ZHOEM 1:7

Nang gi lasi phajhi" yo" yu wa shid re" xang: shed" moo: Aseing ri gyoug phau" nheigloem boo ca" nyid. Byugang: yigi phajhi" ri ce" aphoug" ase' tab boem ziyo'-hau: ziri jhau" yu wa khyoo: ri ngeug pyam nyid boem.

DANG: ZHOEM 17:16

Koopyoid ri phajhi" jhau" byid: wa shid re" ngei yhoung: zigi ce" akyu" we' aboo. Khasu" wim ga: ri nyang: moo: se' myid yu" da" vhu" nug aboo yoomo nghoid.

EZEKIEL 31:18

«Hau: seiggam gi Egutu khokham yo' nya: da" mung" byu yi dangain" bang: nghoid ago". Eden mo seiggam joem lang" houg: yhi' amung"- houg: yhi' amyhang: nghoid ago". Nghoid loug we' akhid" koem' gi Eden mo seiggam joem yhang: ti" hau: zigi moovo moug: khyoo: gyoo" lo" lho: Mangsoo asi' bang: yo' meing: zain: pui" moo shid: loo" bang: jang lo" shoin" boem goo" wa. Ngoo yoem: moo" bo Aseing tid bye:.

MATHE 12:26

Houg: yoomo yu satan: da" mungdain: moo we' nyang: cang" nyang: dasaid go" nyid nghoid rigi hau: satan: da" mungdain: gi khasu" se' geing: teing jo, wa lha"

MATHE 13:20

Lug phoug tho' moo sain" khyo da" myoug: shi" gi mungdang: ri shau" gyoo: lang" gau yi nheigloem: yo" dalheing: dam lhoem: yu bang: ri tid nau zi nghoid.

MATHE 13:38

Yoo thung" gi he: da" mougmyid nghoid ge da" myoug: shi" gi Mungdain: da" nya: zoo: yi ri tid nau zi nghoid. Myo, gam gi akhyeing" su: da" nya: zoo: yi ri tid nau zi nghoid.

MATHE 4:23

Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

MATHE 5:37

Re" da" dang: gi «nghoid» ga: lang" gi nghoid bye anghoid ga: lang" gi anghoid baja". Hau: tho' mo jain" tid da" dang: gi hau: age su: yo' dasen: nyid.

MARKU 4:15

Byu dayham" gi khyoo: cang gung moo gyo" lo" da" myoug: shi": yo' du nyid boem da. Mangso mungdang: ri shaug" gyoo: lang" - satan ju" re" wigi nyangnu" moo sain" to" da" hau: mungdang: ri yu pyam' byid.

LUKA 10:9

Hau: voo moo noo phyoo" shau" nyid mo, ri ze: gi byid: ge'. Hau: thang: ri nyangnu" jang" moo Mangso da" mungdain: ju wa zi jhang bye: da" khyoo: ri tid kyoo" ge'.

LUKA 9:2

Hau: thang: ri nyang: gi nyangnu" ri tid zigi Mangso mungdain da" akhyoo" ri yhe: kho" kyoo" wa ziyo' noo phyoo" shau" mo, ri yhe: gi, byid: wa shid re" nhang: kaid' boem bye.

YOHAN 18:38

Pilaid khokham" gi deung main" ga: zigi ce: noem nghoid lha"» ga: myid. Hau: thang: ri Pilaid khokham" gi byu yi jhang khyoo: thu' re" lho: wigi he: yug ri said pyam wa yi, da" yooboo gi ngoo ci: amyang ga: tid.

YOHAN 8:43

Ngoo tid ziri nanu" ci: wim ase' gyoo: go. Nanu" moo nga" da" mungdang: ri gyo: yu wa nheigloem: nyang: aboo yoomo nghoid boem ago".

ACTS 17:32

Nyang: nu" gi shid: jang" mo doem, dei to' lo da" khyoo: yo' sen: lho: Polu tid ziri shaug" gyoo: lang" nyangnu" dayham" bang: gi Polu tid da" dang: ri juang" yi pyam' byid: boem. Nghoid loug we' dayham" bang: gi he: khyoo: yo' sen: lho: nang tid ziri ngoonu" doem, gyoo: boem shi" ga: wa tid ago".

ACTS 18:15

Nghoid loug we' he: da" moozoo" gi myeing" dang: thui: yo' myeing: yo' sen: lho: wigi tid ngeig go" khyoo: za" nghoid yoomo wigi nanu" nyang: vho: da" tarha: ri nyheung yu ca" ago- hid: yhang: tr" moozoo" yoomoo nyang: ri ngoo gi tarha" agyi akoid wa ga: Yuda byu yi ri tid.

ACTS 20:25

Ngoo gi Mangso mungdain da" khyoo: nanu" jang" moo cang kho" kyo yen" bye. Akhid" gi nanu" mo hang" we' ngoori khanham we' doem, shau" myang loo: goo" zi anghoid khyoo: ri ngoo se.

ACTS 28:23

Houg: yoomo nyangnu" gi Polu yo' bidnyid deing go" ci: ago". deing go" to" da" bidnyid moo Polu nyid da" joyoo moo byu myoo" sho' zeung: ju" re" boem ago". Polu gi nab, kyoo mo zi moug: coid' sho' Mangso mungdain yo' sen: da" mungdang: joem nyangnu" ri phoid: sho' kyo" wigi Moshe tarha" yo' Lapi: yi da" jhoem: mungdang: ri gung: nhi" kaid' lho: Yesu ri nyangnu" gi loem" jeung" loo sho' kho" kyo".

Roma 1:28

Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

Roma 14:17

Ngoonu" ri Mangso: mungdain: ein: da" zi gi zoo: zoo: shug shug koid' khyoo: anghoid loo za: gyeungshang: Venyi: khyo" byid: da: deingbyeing" khyoo: - myenjham" yug yo khyoo: yo" gau yi ngei pyo: khyoo: nghoid nyid.

Roma 2:8

Nyang: nya: akyu" ri te: sho: lho: - jo, da" khyoo: ri she: pyam' wigi - shoid' da khyoo: moo cang loo" da" byu yi gi - Mangsoo: nheig khoo" yo: zi shau" boem wa.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

2 THESALONI 2:12

Hau: da" moo" thang: gi hau: deingmain" khyoo; ri aloem" jeing" wigi yoobo da" pyo: khyoo: moo cang loo" mo, dangain" gi tarha" dang: phyed, zi shau" boem wa nghoid.

HEBRE 2:1

Houg su" nghoid yoomo ngoonu" gi khyoo: avhang: loo" baja"-ngoonu" nyang: shaug" gyoo: bye: da" hau deungmain" da" khyoo: moo je" wigi gyed gyed pu" lhang" too' shang.

1YOHAN 3:12

Ngoonu" gi Ka-in yhang: ti" age koid- nyang: gi satan yu shoid mo byu bue" lo" lho: nya: nhung" Abela ri said' pyam bye Ka-in gi Abela ri ce: noem, koid said pyam lha". Nyang: zei: da" moozoo" gi shoid khyoo: nghoid nyid nya: nhung" zei: da" moozoo" gi jo nyid yoomo nghoid nyid.

1YOHAN 5:18

Mangso nya: zoo: nghoid bye: su: gi yooboo axo, koid lo: ziri ngoonu" se' nyid boem. Khasu" wim gari nyang: ri Mangso da" nya: zo: wigi zung" lhug nyid yoomo hau: akhyeing" su: gi nyang: moo ayo" tain" loo.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.