MATHE 12:44 - Lacid Common Language Bible

⁴⁴ Houg: lang" nyang: gi ngoo gi khasu" nghoid loug- akhang: yhoem: xoug" moo doem loo" wa" ga: tid nyid. Hau: da" yhoem: moo doem tau" lo" yu" rigi zhen" kain: yung" yung" shoem" san to" zi lo" myang.

MATHE 12:44 ပူးပေါင်းရင်းမြစ်များ

HOSEA 7:6

Nghoid- nyangnu" gi myikhyoem moo" mo myi: yo' dakhyo" nyangnu" da" khoug: lheing: lheing: da" moo" moo nge" nyid boem ago". Nyangnu" da" nheig yo: zigi damyen goin" myi oem" oem" bo" da:. Houg: lho: nab kyoo' re" ri myiyham: nge" dab thu re" da:.

MATHE 12:29

«Yoem: bo da" sarhi' phoo ri shi" amyheig tei" to" rigi nya: yhoem: moo ceug vang yhe: lho: nya: ziyoo ri hang se' yo" lhoid yu wa la".

MATHE 12:43

«Akhyeing" da" yu gi Byu da" yhoem: mo thu lo" lho:-kyug kyi ri da" joyoo moo so" lheing yen" wigi doug noo: wa da" joyoo ashau" shoo: loo.

MATHE 12:45

Houg: lang" gi nya: tho mo yoem: je gyi: da:- akhyeing" da" yu nyhed yug ri doem khe: loung: lho: wigi hau: yhoem: moo vang zhoung: jo, boem bye. Hau: yu vang to" su: da" asam" aved gi xang: shid" tho re" je akhyeing" ashoeb bue" loo bye. He: da" pyaid mo akhyeing" da" byu yi moo we' houg: yo" dakhyoo" ti" bue" loo wa» ga: tid.

LUKA 11:25

Houg: yoomo nyang: gi akhang: joyoo moo doem lo ri yung" yung" sain sain shoem" shoung: to" zi lo myang.

YOHAN 12:6

Nyang: gi thang: phyang" Yesu ri gyivoo yi da" lo, moo ab pyam wa su: nghoid. Nyang: hid: su" tid da" zigi shojhen: mo, ri nheig khyeig yoomo tid zi anghoid. Khoug" su: nghoid. Nyang: gi ngei thung: voin su: nghoid yoomo ngei ri lhoung gau" khau" yhung: nyid.

YOHAN 13:2

Aseing Yesu yo' nya: cangzoo: yi gi myen" xoin: shoin" zo: nyid. Yu satan gi Simun Iskarud da" nya: zoo: Yuda da" nheig loem: moo vang lho: Yesu ri gyivoo yi da" lo, moo ab pyam' wa da" shid' re" phajhi" byid: too" gu nghoid bye.

YOHAN 13:27

Hau: zoo: yho' ri Yuda zo: kaid ziyo' dage" satan gi nya: nheigloem: khoug: moo vang loo" bye. Yesu gi nyang ri nang koid; wa da" moo" ri myab myab zei: we' ga: wigi tid.

1Korinthians 11:19

Houg: mo gam, thu' loo" mo, kha: phung: bang: gi jo shoid khyoo: yab, bang: nghoid ein: da"- deingmain" khyoo: gi bang bang nyang: myang loo wa shid re"- nanu" moo: kho' gam, gang: go" lo" zigi: nyid gu, nghoid.

Ephesu 2:2

Hau: da" ayo, moo nanu" gi mougmyid da" akhyeing" ashoeb khyoo: moo za: cang lo" boem wigi akhui" Mangsoo ri aphoug" akhyoid koid nyid da" byu yi ri vhoeb khang" nyid da" venyi gi moug: laid moug di ri vhoeb khang" lho: yoem: so' bo da" venyi joem jhang khyoo: nanu" cang lo" boem abye: go".

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.