MATHE 12:41 - Lacid Common Language Bible

⁴¹ Nineve" voo byu yi gi Yona kho" kyo" da" mungdang: yoomo:- nyangnu" da" yooboo mo nheigloem: thid lo ago". Houg: su" nghoid yoomo nyangnu" gi Tarha" dang: kho' da" bidnyid moo He: pyaid mo byu yi yo" to lo wigi nanu" ri yooboo foin: boem wa zi nghoid. Ngoo nanu" ri tid ba- akhid" he: khyi moo Yona tho' moo je gyi: su: dayug ju" nyid bye.

MATHE 12:41 ပူးပေါင်းရင်းမြစ်များ

ESAIA 54:17

Nghoid loug we' nang ri ce: gyi jonu" wigi we' dam ayo" tab wa. Nang ri yooboo zhug da" bang: dangain" ri phug tid wa dang: nang yo" loo wa. Ngoo gi nga" dei zoo: yiri goem loem byid: wigi Nyangnu" ri oung: doid nhang: wa» ga: tid Aseing tid bye:.

YEREMIA 3:11

Hau: thang: Aseing gi ngoo ri Israela gi nyang: mo lheing: phug loo" nghoid loug nyang: gi jhug azug da" Yuda tho' je ge shi" khyoo: ri ci: shug da:.

YONA 1:2

Nyang: tid zigi «Gyi: sheung: da" Nineve voomoo" khyoo: yhe: lho houg: bang: khayhi' akhyeing" ashoeb da" khyoo: ri ngoo si' bye: khyoo: ri yhe: tid kyoo" we'» ga: tid.

YONA 3:4

Houg: lang" Yona gi Nineve voomoo" khyoo: yhe: lo" wigi danyid" so" gyoem thang: ri nyang: gi bidnyid myid: xi: nyid" lang" Nineve voomoo" gi byo, yoin" loo" wa bye:» ga: tid fu" lo.

MATHE 12:39

Aseing Yesu gi «Akhyeing" ziyo' Mangsoo: abo da" he: pyaid mo byu yi gi mau" pho" alhoo: again ri se' mho' boem nhung: lha". Lapi: Yona da" alhoo: again tho moo gootu: ce: alhoo: again we nanu" myang zi anghoid.

MATHE 12:42

Moug: thang: mo, Sheba: khokham" myhi, gi-Khokham" Sholumon da" Phajhi" dang: ri gyo: yu wa shed re" gye" ve: da" moug mo ju" lo. Houg: su" nghoid yoomo tarha" dang: khoo, da" bidnyid moo nyang: gi he: pyaid mo byu yi yo" to lo wigi nyangnu" ri yooboo foin: wa zi nghoid. Yu" ge' akhid" he: khyi moo Sholumon tho' je gyi: su: dayug ju" nyid bye:- ga: wigi tid.

MATHE 12:45

Houg: lang" gi nya: tho mo yoem: je gyi: da:- akhyeing" da" yu nyhed yug ri doem khe: loung: lho: wigi hau: yhoem: moo vang zhoung: jo, boem bye. Hau: yu vang to" su: da" asam" aved gi xang: shid" tho re" je akhyeing" ashoeb bue" loo bye. He: da" pyaid mo akhyeing" da" byu yi moo we' houg: yo" dakhyoo" ti" bue" loo wa» ga: tid.

MATHE 12:6

Ngoo nanu" ri tid ba- He: joyoo moo Kyu" mho' yhoem: mo" tho' je gyi: su: nyid nyid.

MATHE 16:4

He: da" pyaid mo byu yi gi gye" akhyeing" ashoeb' zi nghoid lho: Mangsoo yo" kha: yhi' ve: gang: nyid boem bye: nhung: lha". Nanu" gi ngoori alhoo: again mho' go" la". Nghoidloug we' Yona da" alhoo: again mo gootu: ce" alhoo: again we nanu" myang wa zi anghoid» ga: wigi tid. Houg: lang" Yesu gi houg: bang: jang" mo thu' loo" bye.

MATHE 17:17

Aseing Yesu gi «nanu" gi loem" jeung" nheigloem: abo zi yo" shoid vhang: nyid boem nhung: lha". Ngoo gi nanu" yo' dage" kha: myhang ju" sho' nyid ca" la". kha: myhang ju" sho nanu" ri kham: zheung: nyid wa. Hau: zooshang: ri nga" jhang khe: shu" ri" ge'» ga: tid.

MATHE 23:36

Hid: yhangti" suid" shoin: pyam mo, dangain" mo, shid re" he: da" pyaid mo byu yi da" tho' moo yooboo dam shau" kham: zoo: wa ein:- nanu" ri ngoo deung" deung tid bye.

LUKA 11:32

Nineve voo byu yi gi Yona kho" kyo" mungdang: joem yoomo nyangnu" yooboo joem mo nheigloem: thid' boem da. Akhid" hid: moo Yona tho' je gyi: zi ju" nyid bye. Tarha" dang: kho" da" bidnyid moo Nineve voo byu yi gi to' lo lho: He: da" byu yi ri yooboo foin: dang: kho" wa zi nghoid ga: tid.

YOHAN 3:31

Mougkhung: tho' mo gyoo" lo da" su: gi dangain" tho' moo je gyi. Mougmyid: mo nyid ri" su: gi mougmyid: byu te: nghoid yoomo mougmyid yo" sen: da" khyoo: ri te: se' tid. Nghoidloug we' mougkhung: tho' mo gyoo" lo da" su gi dangain" tho' moo nyid: su: nghoid.

YOHAN 4:12

He: gyid thung" gi phoug" Yaku ngoonu" ri byid: to" zi nghoid. Nyang: we' nya: zoo: yi we' Yang joem Nu: joem gi he: gyid thung" mo shug led loo" bye. Nang Yaku tho' je gyi: la".

Roma 2:27

Nang gi lhid" cab' wim lhid" to" da" sho" yid thang: yham" da" khyoo: ri cang loug we'. tarha" ri shoid' nyid. Houg: yoomo tungbau byumyu" yi gi - nanu" Yuda byumyu" yiri tarha" dang: phyed boem wa nghoid.Nyanu" gi gungshoo" yo" sen: da" sho" yid thang: yham" zi akham: boem nghoid loug we' tarha" rigi cang boem.

HEBRE 11:7

Ju" loo wa da" ayo, moo bue" loo wa da" amyang yu" shi" da" zi joem yo' sen: lho: wigi Mangsoo tid poin" nyid ziri No- a shau" gyo: zigi nyang: loem" jeung" nyid yoomo nghoid. Nyang: gi Mangso dang: ri tam" gyo: wigi Sang phoo lhid' daloem: ri zhug lho: nya: yhoem: ikoin deungkhu: ri yo" khyoid yu abye:. Hougsu" nghoid yoomo mougmyid ri nyang: dang: phyed' wigi No-a gi loem" jeung" khyoo: yo' sen: da" deingmain" da" agyid asoo: riyo" kham: yu abye:.