MATHE 12:32 - Lacid Common Language Bible

³² Hang" nghoid loug we' Byu da" nya: zoo: ri nhoid yo" tid shoid da" yooboo gi yo" khyoid pyam byid:. Nghoidloug we' gyeungshang: da" Venyi: ri nhoid tid shoid da" yooboo rigi he: pyaid ri we' thang: phyang" pyaid ri we' yo" khyoid pyam byid: zi anghoid.

MATHE 12:32 ပူးပေါင်းရင်းမြစ်များ

YOBA 36:13

Mangsoo ayoo" bang: gi xo' wigi nheig yo: nyid ago". Houg: lho: yooboo dam byid: zi shoug" rilang" nyangnu" gi pang" yu wa shid re" akyu" amho' nghoid ago".

MATHE 11:19

Byu da" nya: zoo: gi zo: shug lho: re" ri we ‹Yu" ge, he: yug gi zo: myo, no su:- zabyidd" shug lid: su: nghoid- Kheing" khyu: zoo: mo, yo' yooboo yoo" mo, da" bidnoem phoo nghoid› ga: doem tid ago". Nghoidsho' loug Mangso da" phajhi"- deung main" khyoo: rigi Hau: phajhi" zei: thu' lo da:- nya: ashi" yo" sagsi: toin" shid' nyid» ga: tid.

MATHE 12:31

Houg: yoomo ngoo tid da" zigi shoid vhang: da" yooboo- tid shoid sang: shoid da" yooboo- ce: ja: ri nghoid loug we' yo" khyoid pyam byid: wa da" akhyoo" jo,. Houg: su" nghoid loug we' gyeungshang: Venyi: ri age khyo" tid shoid su: gi yooboo yo" khyoid byid: wa khyoo: aboo loo.

MATHE 12:8

Khasu" wim gari Byu da" nya: zoo: gi Dougno: Bidnyid da" Aseing nyang: nghoid bye.»

MATHE 13:22

Ju: byab moo gyoo" lo" da" myoug: shi" gi Tarha" mungdang: ri shau" gyo: lho: Mougmyid tho' mo myid myoo: ung: loug khyoo: yo' ziyoo jonu" ri myo, no, vhoo: bo khyoo: yoomo mungdang: tarha" myoug: shi" ri nghoeb zeig pyam lho: wigi ashi" ayo" zei: dakhyoo: ri tid nau zi nghoid.

MATHE 13:39

Soo" yo myo, shi" ri re" sain" da" gyivoo gi yu satan: nghoid. Gug yed nam" gi he: mougmyid thang loo" yo' nghoid. Gug yed mo, gi Mouglagyoo: yi nghoid.

MATHE 13:40

Myo, gam ri khyen: yham" lho: myi moo nghe pyam yhangti"- he: da" mougmyid lo" thang da" bidnyid moo we' houg: yo" dakhyoo" bue" loo wa.

MATHE 13:55

«Hid: yhangte" da" mau" pho" alhoo: again joem gi khasu" wim yo" koid shug la'. nyang: gi lagsama nya: zoo: anghoid la'. Nya: myhi' myeing gi Mari ga: zi anghoid goo" rhe"- nya: nhung" we' Yaku Yoseb Simon Yuda ga: bang: anghoid goo" la".

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

MARKU 10:30

He: da" pyaid moo shen" yhen ziyo' dage" yhoem: yoo- mangnhung"- nham" moo"- myhi, phoo zoo: du joemmoo- azhang dashoo: yo" kham: yu boem wa nghoid- thang: pyaid rigi apyaid ato: kang: so' yo" yu wa zi nghoid.

MARKU 3:28

Ngoo nanu ri deing" deing tid zigi Xang: su byu yi gi nyang: nu shoid da" yooboo dangain" yo' akhyeung" da" dang: aja: ja: tid da yooboo ri yo" khyoid pyam byid:.

MARKU 3:29

Nghoid loug we gyeungshang: da" Wenyi: ri akhyeung" dang: tid shoid su: gi khanham we yooboo khyoid pyam byid: zi shau" loo: wa anghoid. Khasu" wim ga: ri nyang gi apyaid atoo: mo yooboo ri shoid loo" su: nghoid.

LUKA 12:10

Byu da" nya: zoo: ri nhoid wigi shoid su: ri yooboo yo" khyoid pyam byid: nghoid loug we' gyeungshang: da" Venyi: ri tid shoid su: ri koem gi yooboo yo" khyoid pyam byid: loo: wa zi anghoid.

LUKA 16:8

Hid: yhangti" yeug dakhyo" koid: da" adeung amain" khyo" koid: da" moo" pyeing" su: ri Aseing: gi coung" byid. Khasu" wim lha"» ga: ri Moug: myed byu yi gi Moug: myed moozoo" zei: jang" moo- bidbang zoo: yi da" tho' moo je yeug yoomo nghoid.

LUKA 18:30

He: pyaid moo za: atho' tid da" jeju" shau" kham: zoo: lho: doem ju" loo wa da" we' pyaid moo athang agoin da" kangso' yoo" wa".

LUKA 23:34

Yesu tid zigi O" nga" phoo we"- hid: bang: da" yooboo ri khyoid pyam byid: we'. Nyangnu" zei: da" moo" ri nyangnu" ase' boem ga: mho' tung" pain: byid. Byu yi gi nya: da" atho' byi: zeing ri me" lab lho: gam, go" boem.

LUKA 7:34

Byu da" nya: zoo: gi zo: lho: shug lho: ri" lang" yen gi nanu" gi yu" ge' he: yug gi zo: lid shug lid su: nghoid ga: kheing" khyu: zo: mo, yo"- Phung: thu' mo, ri bidnoem noem su: nghoid ga: tid ago".

YOHAN 7:12

Byu phung: moo" yi gi Yesu yo" sen: lho: so' so' ga: gau" doem go" nyid boem. Byu dayham" bang: gi he: yug gi byu gi nyang: danghoid ga: tid go" nyid boem. Dayham" tid nyid zigi byu gi anghoid mung" byu yi ri khyoo: shu" vhang: loo" su: danghoid ga: tid go" nyid.

YOHAN 7:39

Aseing Yesu hid: su" tid da" zigi Nyang: ri loem" jeing" mo, yo" yu wa da" gyeungshang: venyi da khyoo" ri tid zi nghoid. Nghoidsho' loug we' Yesu gi Myo, nhoo: phung" yoeb' ri ayo" yu shi"- houg yomoo gyeing shang Venyi: ri abyid: shi" zi nghoid.

YOHAN 7:52

Houg: bang: gi «Nang we' Galile mung" mo byu nghoid la". Jhoem: mungdang: moo nghab' yu" we' Galile mung" mo ce: lapi: dayug we' athu' lo yu" zigi nang si' ca"» ga: tid boem.

ACTS 3:19

Hougsu" nghoid yoomo nanu" nheugloem: ri thid' ge-Mangso jhang doem tau" loo ge'. Houg: lang" Nyang: gi nanu" da" yooboo joem ri khyoid pyam byid: wa zi nghoid.

Ephesu 1:21

Hau: joyoomoo Khristu gi moug: khung: moug di: ri vhoeb khang" nyid mo, amyeing" akhang" yoo" bang:- yoem: so' boo bang:- Aseing yi dangain" bang: tho' moo vhoeb khang" byid wigi nya: myonhoo: ngei lang: gi he: mougmyid yo' thang: phyang" pyaid ju" loo wa da" mougmyid tho' moo amyeing" akhang" yoo" bang: dangain" tho' moo je gyi: jo.

1 TIMOTHI 1:13

Ngoo koem' gi lid loo bye: da" ayo, moo Aseing: ri age khyo" yooboo foin:- juang" yi pyi: sho: shen" yhen ziyo' rue" lid lo yu" su: nghoid, nghoid loug we' Mangsoo gi ngoori nheig khyeug nyid shi"- Khasu" wim ga: ri ngoo moo loem" jeung da" myid, aboo shi" yoomo ngoo cikoid nyid ziri" ngoo nyang: asi.

1 TIMOTHI 1:15

Yooboo dab, mo, ri khyoid yu wa shid re" Yesu Khristu gi mougmyid' khyoo: ju" ri bye"- ga: da" dang: khoin" gi khyag nyang: kham: yu ge ziyo' loem, ge" da" dang: khoin" nyang: nghoid bye. Hau: yooboo dab, bang: moo ngoo gi gyi: thang da" yooboo dab, su: nghoid nyid.

1 TIMOTHI 4:8

Gung shoo" yo' sen: da" khyoo: moo zei: zhang: so' zhang: zigi akyu" dajhi' zoo: boo nghoid loug we' Venyi loem" jeung" khyoo: moo zei: zhang: so' zhang: da" khyoo: gi khyoo: khhaid' khang" moo" moo akyu" bo zi nghoid. Khasu" wim ga: ri hau: khyoo: gi he: da" pyaid yo' thang: phyang" pyaid shid re" dang: soo" bo nyid.

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

TITU 2:12

Ngoonu" gi ngoonu" nya: da- gyi: myhang: da" Mangsoo ein: da" khyoid yu Aseing Yesu Khristu da" myonhoo: phung yoeb, doug bang thu loo wa ngi lho, da" bidnyid ri dalang" nyid Tarha" ri aphau" cang nau da" nheigloem: yo" mougmyid ri vhoo: boo: myo, no, da" nheugloem: ri she: pyam' wa shid re" we' sam" dab, ri young" ziyo' phyoo: phyoo: nghoid nyid wa khyoo:- deingmain" wigi tarha" phau" cang da" kangso' dei khyoo: yo' he: da" mougmyid tho' moo shau" nyid wa shid re" we: hau: jeju" tarha" gi ngoonu" ri jhoug" byid: nyid.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.