MATHE 12:31 - Lacid Common Language Bible

³¹ Houg: yoomo ngoo tid da" zigi shoid vhang: da" yooboo- tid shoid sang: shoid da" yooboo- ce: ja: ri nghoid loug we' yo" khyoid pyam byid: wa da" akhyoo" jo,. Houg: su" nghoid loug we' gyeungshang: Venyi: ri age khyo" tid shoid su: gi yooboo yo" khyoid byid: wa khyoo: aboo loo.

MATHE 12:31 ပူးပေါင်းရင်းမြစ်များ

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

XOIN" NGEI" 24:16

said pyam zi shau" wa. Israela byu kha: yug nghoid nghoid- Israela akhoug: moo: nyid da" tungbau byu kha: yug nghoid nghoid Aseing ri nheing" su: rigi shava byu yi wigi lug boem yo' du" said wa zi nghoid.

LUKA 12:10

Byu da" nya: zoo: ri nhoid wigi shoid su: ri yooboo yo" khyoid pyam byid: nghoid loug we' gyeungshang: da" Venyi: ri tid shoid su: ri koem gi yooboo yo" khyoid pyam byid: loo: wa zi anghoid.

ACTS 7:51

Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".

HEBRE 10:26

Khasu" wim gari nyangnu" gi hau deingmain" khyoo: ri bain' se' gyo: kham: yu thang: ri yooboo ri zhoogyi: gyi: dadoem koid nyid boem nghoid rigi ngoonu" da" yoobo shid re" to' byid: wa da" xoin" gootu: jo, loo: wa zi anghoid.

HEBRE 10:29

Houg: su" nghoid rigi Mangso da" nya: zoo: ri aphoug" akhyoid' koid su: gi ngoonu" gi nyang: ri youg: noo yooboo mo ced" gyeing ced" shang: yu da" Mangso dang: theing khoin" yo' sen: da" suid" ri ci: asoin: cishu: anhang: su: gi jeju" byid: nyid da' Venyi ri aphoug" zoo: wa da" shid: gyoin, noo gyoin gi khayhi' je" no, wa lha". damyid yu" ge'.

HEBRE 6:4

Khasu" wim gari hau" loem" jeung" da" khyoo: mo dalheing: doem, phoug tau" loo" bye: bang: gi nheigloem: dalheing: doem thed' loo wa shid re" khasu" se' ge, bui" loo wa. Nyangnu" gi Mangso da" bidbang moo dalheing: nyid yu" bye: mo, nghoid wigi Moug: khung: mo jeju" jhung: shug ri da lheing: bain ca yu" bye: ziyo' hau: gyeungshang: da" Venyi ri dalheing: coem, kham: yu yu" bye: bang: nghoid nyid boem.

1YOHAN 1:9

Nghoid loug we' ngoonu" da" yooboo joem ri Mangso shid moo toin" shid' yhen: yu mho' tung" pain: boem nghoid rigi nyang: gi nya: da" dangsoo" khoin" ri ci: lho: wigi deingmain" da" moo" ri zei: nyid su: nghoid ziyo' dakhyoo" ti"- ngoonu" da" yooboo ri khyoid pyam byid: wa ziyo' shoid vhang: peig rhue, lo" khyoo: dangain" jang" mo ced" khyoid' ced" shang: yu byid: wa zi nghoid.

1YOHAN 5:16

Re" mang: re" nhung" dayug yug gi ashid: moin: da" yooboo daja: ja: zei: nyid nghoid rigi nang shau" myang nghoid ri nang gi nya: shid re" re" Mangso jhang akyu" bo mho' nyid ca"- Mangsoo gi nyang: ri apyaid ato: kangso' byid: wa zi nghoid. hau: zigi shid: moin: da" yooboo akoid mo, shid re" za: mho' byid: wa khyoo: nghoid. Nghoid loug we' shid: moin: da" yooboo ga: zigi jo, jo, wigi hau: shid re" Mangso jang" moo mho' yoid ge da" khyoo: ri ngoo atid noug.