MATHE 12:10 - Lacid Common Language Bible

¹⁰ Hau: tarha" jung moo lo, dalo, ajoem: shid: da" yuggi dayug nyid. Yesu ri yooboo foin noug mo, gi «Dougno: Bidnyid ri noo phyoo" ze: ge zigi Tarha" ri shoid zi anghoid la"» ga: myid: boem ago".

MATHE 12:10 ပူးပေါင်းရင်းမြစ်များ

ESAIA 32:6

Koo" su: gi akoo" adau: dang: tid lho: akhyeing" da" lo, moo" koid wa myid thu kaid da:. Nyang: koid ziyo' nyang: tid zigi Aseing ri rue" zi nghoid wigi nyang: gi zooyoid bang: ri khanham we' abyid: zhoo"- gyid shid bang: ri ci: we' abyid: jhug nghoid da:.

ESAIA 59:13

Ngoonu" gi nang ri thougtheung gyi koid- nang ri ngeug he: pyam'- re" thang: cang wa he: pyam' boem bye:. Ngoonu" gi subi" ri zeig zo: wigi nang mo phug lo" boem bye:. Ngoonu" myid soin: khyoo: joem gi shoid. Ngoonu" tid dang: khoin" joem gi mhoug zi danghoid.

ESAIA 59:4

Nanu" tarha" yung" khyoo: yhe: ago". Nghoid loug we' nanu" shoid moo tarha" deungmain" zi ayo" yu nghoid da:. Nanu" moo" ri ung: wa shid re" mhoug da" dang: joem ri nanu" nghe: ago". Subi" gootu: ri doem tab wa nanu" soin' to" da" moo" joem ri zei: thu kaid da:.

ZEKHARIA 11:17

Hau: akhyeing" da" yang zung" su: gi byo, yoin" loo" wa. Nyang: gi nya: yang phung: ri she: pyam' abye:. Gyipui" gi nya: yoem: so' ri bain sho' phyo' shoin' pyam' wa. Nya: lo, yoem: gi shid: kyung: loo" wa. Nya: lo, yo shoid myo, jed" gi jed loo" wa nghoid.

MATHE 12:2

Pharishe" yi myang lang" «yu" ge' Yesu da" cangzoo: yi gi Dougno: Bidnyid ri akoid: eung: da" moo" re zheung: koid: boem bye» Ga: nyang: ri zheung: tid boem.

MATHE 19:3

Pharishe dayham" gi Yesu jang" moo ju" re" lho: «Byu dayug yug gi ce: khyo" nghoid nghoid- nya: yhoem: seing: myhi' yo" ge gang: go" la"» ga: re" lheung myid: boem.

MARKU 3:2

Meingbyu yi dayham" gi Dougno: Bidnyid moo hau: yug ri nyang: gi, byid: la"- agi byid: la". Yesu ri yooboo zhug wa ga: jang" mo zheung: yu" nyid boem.

LUKA 11:54

Nyang: ri yo" kuang myheig wa da" dang: thu' ri" sho' khyoo: aja: ja: khyo" pyi: sho: nyid boem.

LUKA 13:14

Hau: uri Hau: Dougno: Bidnyid moo Aseing Yesu wigi noophyoo" ri ge loo" nhang: yoomo Tarha" jung vhoeb phoo gi nheig yo: zoore"- moo" ge zei: da" bidnyid khyug nyid" bo- hau: bidnyid moo noophyoo" re" ze: yu ge'. Labain nyid" rigi noo are" zi: goo" ga: wigi Byu phung: yi ri tid kaid.

LUKA 20:22

Ngoonu" gi Roma khokham" ri khaug" dug kaid ri yha" tarha" ri thougtheung zi nghoid wa la". Houg: su" anghoid lang" akaid loo: nyid wa la". ngoonu" ri tid kyoo" we'.

LUKA 23:14

Hau: thang: ri He: yug gi mung" byu yi ri khyoo: shu" vhang; su: nghoid nyang: ri nga" jhang khyoo: khe: shu" re. Nanu" da" shid' moo ngoo cid" kyeing yu" bye. Nghoidloug we' nanu" tid ziyo' dakhyoo ti"- hau: yug ri yooboo foin: wa khyoo: daja: we' ngoo amyang.

LUKA 23:2

Hau: thang: ri nyangnu" gi he: yug gi byu phung: yi ri khyoo: vhang: nhang: wa shid' re" Ketha khokham" ri khang" dug ayo" kaid ga: tid khyoo: ri we' ngoonu" nyang: myang boem bye: ga: tid - Hau: lho:» ga: tid yoomo ngoonu" nyang;r i: myheig lho: nyang: ri yooboo foin boem.

YOHAN 5:10

Houg: yoomo Yuda zoug: yi gi noo ge loo su: ri akhid" nyid" gi labain nyid nghoid. re" myhu" lu ri dang lo zigi tung: to" tarha" ri shoid da" zi nghoid. ga: gyikoid boem.

YOHAN 5:3

Hau: vang wa khyoo: moo gi myo, amyang mo, khyoo: ayo" soo" mo gung joem: shid: mo, noophyoo" shau" mo, myoo" sho' leung yoin" to.

YOHAN 7:23

Houg: su" nghoid lang" gi zooshang: dayug yug ri Dougno: Bidnyid moo shooyid thang: yham" byid: ri Moshe da" tarha" ri ashoid ga: nanu" myid: ago". Houg: yo' dakhyoo" ti"-- Ngoo gi labain nyid" ri byu dayug yug ri akhang: yhangti" doem yang" zain: loo nhang: lang" ci: wim wigi ngoori nheig yo: nyid go" lha".

YOHAN 8:6

Nyangnu" gi Yesu ri yooboo zhug lho: myheig wa shid' re. Pyi: sho: nyid boem. Nghoidloug we' Aseing Yesu gi goeb' ci: lho: myidjang: moo lo, nyhau" wigi thau" lhid" nyid.

YOHAN 9:16

Pharishe dayham" gi hau: yug Dougno: Bidnyid tarha" ri acang yoomo Mangso jang" mo gyoo" loo su: age bui" ga: tid ago". Gootu: dayham" gi Yooboo dashoid vhang: nyid su: gi khasu" wim wigi hid: yhang: ti" tid boem. Hid: su" nghoid yoomo houg: bang: gi myid azhung" goo" loo: nyid boem.