MATHE 11:5 - Lacid Common Language Bible

⁵ Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

MATHE 11:5 ပူးပေါင်းရင်းမြစ်များ

2 KHOKHAM 5:14

Houg: yoomo Naman gi Yodan gyid lang khyoo: gyoo" yhe: lho: Elisha tid ziyo' dakhyo" nya: gung ri nyhed lheing: yhe: joem da:. Houg: lang" nyang: gi bain sho' ge lo" byug da:. Nya: shoo" gi teing re" wigi zooshang: dayug yhang: ti" yang" zain: re" da:.

2 KHOKHAM 5:7

Israela khokham hau: mougsoug" ri bain nghab lang" nyang: gi gyoug dain ziyo' nya: byimi ri lang: ceig pyam lho: «Khasu" yoomo Suri khokham gi byu he: yug ri ngoo wigi yo" byang" gi byid: wa myid loem lug la". Nyang: gi ngoo ri kangso' dei ziyo' shid: nhang: da" yoem: so' yo" da" Mangsoo ga: ngoo ri jho: nyid la'. He: zigi ngoo ri mobyo, sho: nyid zi bang bang nyang: nghoid da» ga: tid da:.

COUNG" NGHEI 146:8

Myo, jed su: ri myo, myang loo nhang:- nyang: gi: leung jo, mo, ri lang: tu: kaid lho: nya: deing byeung byu yiri jheddab nyid.

COUNG" NGHEI 22:26

Sho" jhen mo, gi gyi" gyi: shoug" zo: boem wa. Aseing jhang khyoo: yu: tain" ri" mo, gi nyang: ri coung" ngei boem wa zi nghoid. Houg: bang: gi khanham we' yoo" zoo: yo" shoug nyid boem baja".

THU' LO" MOUGSOUG" 4:11

Aseing gi nyang: ri «Byu da" nhoid ri hang" byid: to" lha". Nu: jed ziyo' koo" su:- myo, myang ziyo' myo, jed ri hang" phain" so: to" lha". Ngoo Aseing phain" so: to" zi nghoid.

ESAIA 29:18

Hau: bidnyid ju" loo lang" nu: jed bang: gi mougsoug" pug ri thui: gyi: yo' nghab ziri shoug" gyoo: wa. Moug: coid khoug: mo nyid nyid da" myo, jed gi nyangnu" myo, bang" lo wigi myang loo goo" wa.

ESAIA 29:19

Myung bang: yo' nheigloem: nyhoem: khyo' bang: gi Israela da" gyeung" shang: da" Aseing Mangso wigi byid: da" ngei pyo: ziri doem shoug" yu loo wa.

ESAIA 43:8

Mangsoo tid zigi «Nga" byumyu" yiri tarha" yung" khyoo: zheing" yu bye:. Nyangnu" gi myojid" dab nghoid loug we' yang nu" myo, jid, nghoid ago". nyangnu" gi nukhyab dab nghoid loug we' nyangnu" nujid, nghoid ago".

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

ZEKHARIA 11:7

Yang ri said lho: ung" wa mo, gi ngoo ri vhu" kung: lhung: to". Houg: yoomo said pyam' wa da" yang joem ri zung" da" yang zung" su: bue" loo bye:. Houg: yoomo ngoo gi lhamdung: eig khaid ci: lho: dakhaid rigi «je"Ju"»- dakhaid rigi «sham: shoin"» ein: myheing too" byid: bye:. Houg: yoomo yang phung: ri ngoo bo zung" bye:.

MATHE 10:8

No nyid mo, ri ze gi byid: ge'. shid: jo, bye: mo ri doem dei to' loo nhang: ge'. Manggam: dab mo, ri gyeungshang: loo" nhang: ge'. Yu deizoo: joem ri we' khaid thu' pyam' byid: ge'. Nanu" gi ce: phoug" agyoo" loo:- Jeju" ri yo" kham: yu bye: yoomo aphoug" ayu loo: gam byid: ge'.

MATHE 11:4

Yesu gi «Nanu" myang yu" da" khyoo: shoug" gyo: yu" bye da" khyoo: dangain" ri Yohan ri lo" tid kyoo" ge'.

MATHE 12:13

Houg: lang" Yesu gi hau: da" lo, shid: su: ri «Re" lo, dain: kaid we'» ga: tid lang" hau: yug nya: lo, ri dain: kaid ri dashoid mo lo, yhangti" nyang: doem ge lo.

MATHE 21:14

Mangso yhoem: moo" moo myo, amyang mo, yo"- khyid: agi mo, ge:- Aseing jang" moo ju" re" boem. Aseing gi nyangnu" da" noophyoo" ri ge loo" nhang.

MATHE 5:3

«Venyi: moo asho" ajhen: nghoid nyid mo, gi ngilho' boem wa. Khasu" wim gari Mougkhung: da" mungdain: gi nyangnu" shau" seing: boem wa zi nghoid.

MATHE 9:30

Houg: lang" nya: eig yug myo, myang lo. Yesu koem gi «he: khyoo: hang" we' asi baja" zid" ge'» ga: zau" too" nhang: da:.

MARKU 7:37

Hau: ludang: ri shau" gyo: mo, dangain"- atho' tid loo sho' gyo: mau" pyam boem - nyang: gi ja: khang" moo" ri shoeb shoeb za: koid da:- nujed mo, ri we' nu: gyoo: nhang: lho: nhoid jed' mo, ri we-dang: tid nhang:- ga: tid ago".

MARKU 9:25

Yesu gi mung" byu yi nya: jhang gei zeung: phoung lonyid ziri myang lang" hau: akhyeung" da" yu ri nhoid jed, nu jed da" yu we"- ngoo nang ri amyeung" byid: bye:- yuggi nu": jang" mo thu' loo, we' nyang: moo khanham we' adoem vang loo" loo:- ga: nheug yo: kaid.

LUKA 4:18

Mangso da" Venyi: gi nya: tho' moo ju" ri" bye. Sho" jhen: mo, ri lu dang: gi kho" kyoo" wa shid' re" ngoori khyen: yu bye. Thung loung" jo, mo, ri pyoin kaid wa ziyo'- myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'

YOHAN 10:25

Yesu gi nanu" ri ngoo tid kyoo" gu, nghoid bye:- nghoid loug we' nanu" gi aloem" jeung" boem. Phoo byid: da" amyeing" akhang" yo' dakhyoo ti"-- ngoo koid; shug da" moo" dangain" gi nga" da" khyoo: ri sagsi: kham: nyid zi nghoid.

YOHAN 10:38

Ngoo ci: voin vu nyid nghoid ri koem gi ngoori aloem" jeing" nghoid loug we' ngoo voin, vu, da" moozoo" ri loem" jeing" ge'. Houg: lang" ngoo zei: da" moozoo" moo Phoo gi nga" khoug: moo nyid nyid lho wigi ngoo we' phoo yo" dadeing: daloem: za: nyid ziri nanu" se' gyo: loo wa ga: tid kyo".

YOHAN 2:23

Yerusalem voo moo koid; da" lhed: kaid pui" moo Yesu zei: shug da" mau" pho" moo" ri zheung: shau" myang boem yoomo Byu myoo" sho' gi nyang: ri loem" jeing" vang lo boem.

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 5:36

Nghoidloug we' Yohan da" sagsi: kham: khyoo: tho' moo je gyi: da" sagsi: ngoo moo daja: jo. Phoo Mangsoo ngoori ab byid: to" wigi akhid" ngoo koid; nyid da" moozoo" joem gi ngoori phoo Mangsoo nhang: kaid da" khyoo: ri sagsi: kham: nyid zi nghoid.

YOHAN 9:7

Loo" we' Silon gyid thoem" moo myo, lo" cid" we' ga: tid kaid. (Silon ga: dangkang: gi nhang: kaid shau" bye: ga: zi nghoid.) Hau: yug we' lo" wigi myo, lo" cid" lho: myo, myang lo ziyo' doem tau" lo.

ACTS 2:22

Israela mang: nhung" yi we' He: da" dang: ri tam" gyo: yu" ge'- Nazared voobyu Yesu gi-Mangso phung" yoem: vhoo" khyo" nghoid ziri Yesu da" lo, khyo" mau" pho" alhoo: again yo' mau" pho" moozoo" joem ri zei: shug abye:. He: khyoo: gi nanu" nya: da" phung: moo bue" lid lo ziri nanu" nyang: myang se' boem bye.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.