MATHE 11:4 - Lacid Common Language Bible

⁴ Yesu gi «Nanu" myang yu" da" khyoo: shoug" gyo: yu" bye da" khyoo: dangain" ri Yohan ri lo" tid kyoo" ge'.

MATHE 11:4 ပူးပေါင်းရင်းမြစ်များ

MATHE 11:3

Houg: su" anghoid lang" gi goo" yug ri lang" nyid shi" wa la"» ga: myed kaid.

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

MATHE 15:30

Byu phung: moo" gi nya: jang" moo ju" re" boem ri khyid: yoin" mo myo, amyang mo dang: ase tid mo gootu: noophyoo" aja: ja: shau" mo ri shu" ju" re" boem wigi Yesu da" khyid: yang: moo nyhed: to" ago". Yesu gi hau: noophyoo" shau" mo, ri zheung: ge loo" nhang: kaid.

MATHE 21:14

Mangso yhoem: moo" moo myo, amyang mo, yo"- khyid: agi mo, ge:- Aseing jang" moo ju" re" boem. Aseing gi nyangnu" da" noophyoo" ri ge loo" nhang.

MATHE 8:3

Nyang: gi lo, tu: lho: nyang: ri zang" tain" wigi «ngoo nau- ge san loo" we'» ga: tid. Houg: lang" hau: youg da" manggam: noo gi ge lo" byug bye.

YOHAN 14:11

Ngoo gi phoo yo" dadeing: daloem za: nghoid wigi Phoo we' ngoo yo" dadeing: daloem: za: nghoid yoomo ngoo tid ziri loem" jeing" ge'. Houg: su" anghoid lang" gi ngoo koid; da" moozoo" ri yu" lho: loem" jeing" ge' ga: tid.

YOHAN 5:36

Nghoidloug we' Yohan da" sagsi: kham: khyoo: tho' moo je gyi: da" sagsi: ngoo moo daja: jo. Phoo Mangsoo ngoori ab byid: to" wigi akhid" ngoo koid; nyid da" moozoo" joem gi ngoori phoo Mangsoo nhang: kaid da" khyoo: ri sagsi: kham: nyid zi nghoid.