MATHE 11:3 - Lacid Common Language Bible

³ Houg: su" anghoid lang" gi goo" yug ri lang" nyid shi" wa la"» ga: myed kaid.

MATHE 11:3 ပူးပေါင်းရင်းမြစ်များ

APOEM AYANG: 12:3

Nang ri mainkaid dang: sang: mo, ri ngoo we' mainkaid byid: wa. Nghoid loug we' nang ri nheing" mo, ri ngoo we' nheing" wa. Houg: lho: nang yoomo ngoo gi byumyu" dangain" bang: ri mainkaid byid: wa» ga: tid.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

COUNG" NGHEI 118:26

Aseing da" myeing khyang" yo' ju" ri" su: gi Mangsoo mainkaid byid: baja" Aseing da" Noku Yhoem: Moo" mo wigi ngoonu" nang ri mainkaid byid: boem.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

OBEDIA 1:21

Yerusalem mo meing: zain: oung: loo" mo, gi Edom ri zain: oung: lho: vhoebkhang" nyid boem wa zi nghoid. Hau: lho: Aseing nyang: gi khokham bue" loo wa zi nghoid.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

HAGI 2:7

Byumyu" yi dangain" ri tu: mhug khyo' pyam lho: nyangnu" da" jonu" dangain" gi hid: moo ci: ju" lo boem wigi Noku Yhoem: Moo" moo byeung" shoin: loo" wa zi nghoid nyid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

GYUNG: SOO" 24:17

Ngoo gi ju" loo wa da" ayo, khyoo: yu" kaid ri Israela byumyu" yiri myang. Bang da" kyi: yhang: ti" khokham dayug hau: byumyu" akhoug: mo nyid thu loo wa. Nyang: gi kyi: yo' dakhyo" Israela mo nyid thu wa. Nyang: gi Moba vhujhung: yiri khaid zain: loo wa. Houg: lho: Shed mo byu dangain" ri baid khyo' pyam ri" wa myang.

MATHE 11:10

Jhoem: mungdang: moo bo zigi Yu" ge' nang yhi: wa da" khyoo: ri yo" soin' nyheing da" nga" lagyoo: ri re" da" shid moo ngoo nhang: kaid- ga: da" dang: khoin" gi Yohan ri tid nau zi nghoid.

MATHE 11:4

Yesu gi «Nanu" myang yu" da" khyoo: shoug" gyo: yu" bye da" khyoo: dangain" ri Yohan ri lo" tid kyoo" ge'.

MATHE 21:5

Hau: da" Lape: dang: gi «Zion voo zeing: ri tid kyoo" ge' Yu" ge' re" da" khokham" gi Nu" nham da" nheigloem: yo' loozei: zoo: dang: khung: moo zhoung: wigi Nghoidbye: loozei: nya: myhi' da" nya: zoo: dang: moo zhoung wigi Re" jhang juri" bye:» ga: tid to.

MATHE 21:9

Yesu da" shid' khyoo: thang: khyoo: cang lo da" byu myoo" sho' mo, gi «David nya: zoo: myonhoo: ngeilang: ri coung" byid: ge". Aseing da" myeing yo' ju" ri" su: gi ngi lho, nyid baja". Mangsoo ri coung" ge'» ga: tid boem.

MARKU 11:9

Yesu da" shid vhu" mo mung" byu yi yo' thang: moo cang lo da" mung" byu yi gi nyho: yoid boem wigi Hosana myeing yo' ju" ri" su: ri Mang" So: nyang: ri main' kadi' byid: baja" o" Mangsoo: ri coung" boem.

LUKA 19:38

Nyangnu" coung" nghei thui: gi Aseung: myeing yo" jure" da" khokham" phoo gi ngilho' dang: khab nyid baja" o"- Mougkhung: mougdi moo Mangsoo phung" yoeb myonhoo: yo, myenjham" nyid baja" o".

YOHAN 11:27

Martha gi loem" bye: Aseing: we"- He: mougmyid moo gyoo" loo wa ga: da" Mangso: nya: zoo: Meshia nghoid ziri ngoo loem" bye: ga: tid.

YOHAN 12:13

Zhainlun seig kyang joem ri khyau" ci: wigi thu' lo" boem lho: Mangso da" myonhoo: phung" yoeb' ri coung" byid: ge' Mangso: da" myeing yo" gyoo" ri" su: gi ngi lho, nyid: baja"- Israela da" khokham" ri Mangsoo: mainkaid byid: baja" o"- ga: yoid' nyho: da" thui: yo"- Aseing Yesu ri lhoem: tau yu boem.

YOHAN 16:14

Nyang: gi ngoo tid dang ri gyo: ci. lho: nanu" ri doem tid kyoo" wa nghoid yoomo nga" da" myonhoo: phung" yoeb' ri doug bang loo nhang: wa zi nghoid.

YOHAN 4:21

Yesu gi myiyi: zoo: nang we"- nga" dang: ri loem" jeing" we' he: boem tho' moo we' Yerusalem voo moo we' phoo Mangsoo ri anoku lo: da" ayo, gi ju" loo wam bye.

YOHAN 6:14

Hid: su" Yesu zei: shug da" mau" pho" moozoo" ri myang mo, gi He: yug gi moug myid moo gyoo" loo wa ga: da" Lapi: amain" yang: nghoid bye ga: tid boem.

YOHAN 7:31

Meing: byu yi da" akhoug: mo Nyang: ri loem" jeing" mo, myoo" sho' gi Meshia gyoo" lo da" uri he: youg tho' moo mau" pho" khyoo: je yo" koid; shug wa la"» ga: myid: ago".

HEBRE 10:37

Khasu" wim gari jhoem: mungdang: moo " daso' ri ju" ri" wa su: gi ayo, daso' lang" ju" ri" wam: bye- Nyang: gi no: nyid theung: nyid wa zi anghoid.