MATHE 11:29 - Lacid Common Language Bible

²⁹ Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

MATHE 11:29 ပူးပေါင်းရင်းမြစ်များ

2 KHOKHAM MHOOMYID: 10:11

Nyangnu" ri tid we' ‹Nga" phoo gi nanu" atho' moo lid: da" yoovoin ri foin: too' bye:- ngoo hau: joem ri je" lid: sho' koid wa. Nyang: nanu" ri tei" voosi" yo' baid da:. Ngoo gi nanu" ri joto' zu: dab da" tei" voosi" yo' nhug wa zi nghoid› ein: tid wa» ga: tid.

COUNG" NGHEI 116:7

Nga" da" emyed we' Aseing gi nga" da" atho' moo ge da" jeju" ri toin" shed byid: bye: yoomo loem khed" nheugshid: nyid we'.

COUNG" NGHEI 131:1

Aseing we"- ngoo gi nga" phau: khuang da" nheigloem: ri she: pyam, lho: nga" da" nghoid boin: nheigloem: myhang: jang" mo lheung: loo bye:. gyi: myhang: da" moo" zoo" joem ri we' Ngoo gi myid aloem" loo.

DANG: ZHOEM 3:17

Phajhi" juyhi: gi re" da" kangso' dei khyoo: moo ngei pyoo: nhang: nyid ziyo' hau: khyoo: moo: nang ri goem loem byid: lho: shu" yhe: lo" nyid.

ESAIA 28:12

Nyang: gi nanu" dangain" bang: ri dougno: khyoo: yo' nheig teing khyoo: byid: da:. Nghoid loug we' nanu" nyang: ri atam" gyoo: loo: he: pyam ago".

ESAIA 29:19

Myung bang: yo' nheigloem: nyhoem: khyo' bang: gi Israela da" gyeung" shang: da" Aseing Mangso wigi byid: da" ngei pyo: ziri doem shoug" yu loo wa.

YEREMIA 6:16

Aseing gi nya: byumyu" yiri «Khyoo: kang" moo yab jo, wigi yu" kaid we'. Goonham' mo khyoo: ri myid: yu" wigi khyoo: khakhaid je ge thang ziri myid: yu" we'. Hau: khyoo: khyo" soo" ge' houg: lang" nanu" gi yug yo myenjham" ziyo yo" nyid goo" wa» ga: tid da:. Nghoid loug we' nyangnu" gi «Anghoid- ngoonu" asoo"» ga: tid boem.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

GYUNG: SOO" 12:3

Moshe gi nheigloem: nyhoem: khyoo' su: nghoid da:. Mougmyid tho' moo: gootu: bang: tho' je wigi nheigloem: nyhoem: khyoo' su: nghoid da:.)

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

MATHE 21:5

Hau: da" Lape: dang: gi «Zion voo zeing: ri tid kyoo" ge' Yu" ge' re" da" khokham" gi Nu" nham da" nheigloem: yo' loozei: zoo: dang: khung: moo zhoung: wigi Nghoidbye: loozei: nya: myhi' da" nya: zoo: dang: moo zhoung wigi Re" jhang juri" bye:» ga: tid to.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

MATHE 7:24

«Hid: nga" da" dang: ri shau" gyo: lho: cang zei: loo" mo, hang" nghoid loug we' nyang nya: da" yhoem: ri lugmoo" boem tho' moo zhug to" da" phajhi" boo su: yo" du nyid.

LUKA 8:35

Byu phung yi gi houg: su" bue" lo da" khyoo: ri yu" wa ga: zeing: re" lo boem ago". Yesu jang" moo ju" boem lang" gi yu joem phang: thu' loo" su: gi Yesu da" khyid: yang moo goo" nham yo' dakhyoo" ti"- byu gi doem bue" lho: zhoung: jo, ziri zheing: myang lang" yu" gyoug nyid boem.

YOHAN 13:15

Houg: yoomo nanu" nghoid loug we' nyang: cang" nyang: khyid: ri cid" byid: goo" lho,- nanu" ri ngoo koid; yhangti"- nanu" nyang: cang" we' houg: su" koid; wa khyo" akhyoo" ri ngoo shid' too" bye.

YOHAN 13:17

He: da" deung main" da" khyoo: ri akhid" nanu" se' boem bye. Houg: su" si' bye: ziyo' dakhyoo" ti"-- nanu" cang zei: lo" rigi ngi lho, boem wa.

ACTS 7:37

Mangsoo gi ngoori nhang: kaid ziyo' dakhyoo" ti" Lapi: dayug ri nanu" jhang khyoo: nhang: kaid byid: wa nghoid. Nyang: gi nanu" byumyu" mo nghoid wa ga: tid su: gi Moshe nyang nghoid bye.

1Korinthians 9:21

Houg: yo' dakhyoo" ti" tungbau byumyu" yi da" akhoug: moo- moo" zei: nyid uri- nyangnu" ri Khristu jhang khyoo: yo" shu" yu sho'- Yuda tarha" ri acang loo: za: tungbau byumyu" dayug yhang: ti" ngoo bue" nyid.Hidsu" tid ri- ngoo gi Mangso da" tarha" ri acang loo: ein: tid nyid zi anghoid gyeung" nyang: ga: ri- ngoo gi Khristu da" tarha" khoug: moo: nyid nyid su nghoid.

2~KORINTHU 10:1

Nanu" da" shid khoin" moo sam" dab nu: nham wigi nheigloem: khyo' nyhoem: khyoo: toin" shid' wigi nanu" yo' we: gang: loo" lang" asho, agyug nheigloem: toin" shid" su: nghoid ga: juang" yi shau" su: ngoo Polu nyang:- nanu" ri mho' tid kaid.

2~KORINTHU 10:5

Ngoonu" gi Mangsoo ri yo" se' koung lo da" phajhi" ri lhu: keug lhu: kyo' khyoo: dangain" ri zain: said lo" boem. ngoonu" gi byu yi myid soin: khyoo: dangain" ri myeug tei" to" wigi Khristu da" dang: ri tam" gyoo: nhang: nyid boem.

PHILIPI 2:5

Khristu Yesu moo bo da" nheigloem: nyang:- nanu" moo we' boo ge'.

1THESALONI 4:2

Khasu" wim ga: ri khate" da" khyoo" shed' dang: joem ri Aseing Yesu da" akho: akhang" yo' ngoonu" byid: too" bye: ziri gi nanu" nyang: se' nyid boem bye.

2 THESALONI 1:8

Mangsoo gi nyang: ri a lhoem: yu ziyo' ngeug pyam nyid bang: yo' yha" Aseing Yesu da" khyoo: ngei bu: lu dang: ri atam" gyoo: bang: ri shen" yhen wa zi nghoid.

HEBRE 5:9

Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid' ato: da" khyoid yu khyoo: mo apoem: ayang: bue" loo" bye.

1YOHAN 2:6

Khristu zei: so' kangso' dei lo yhang: ti"- zei: so' kang: so' dei su: za: Mangsoo yo' dadeing: daloem: za: bue" wigi kangso' dei nyid su: nghoid ein: dayo" tid.