MATHE 11:28 - Lacid Common Language Bible

²⁸ «Yoolid: voin myung: dau nyid mo, dangain" bang: we"- Nga" jhang khyoo loo ge'. Ngoo nanu" ri doug noo: nhang: wa.

MATHE 11:28 ပူးပေါင်းရင်းမြစ်များ

YOBA 14:1

Ngoonu" dangain" gi yoem: neing: ziyo' khu: re" lho: nghe: khoug: jang: ayoo". Nyangnu" gi kangso' leung" lho: yau: khi" shau" da:.

YOBA 5:7

Nghoid nyang: anghoid- myi: mo myijhen" zain dang: lo" yhang: ti" nyang: gi nyang: nya: gung moo yau: khi" kaid yu da:.

COUNG" NGHEI 116:7

Nga" da" emyed we' Aseing gi nga" da" atho' moo ge da" jeju" ri toin" shed byid: bye: yoomo loem khed" nheugshid: nyid we'.

COUNG" NGHEI 32:4

Aseing we"- nang gi ngoo ri nyid" ri myen" ri yooboo dam kaid nyid. Zain' vang khoem" mo bid so, gi ngei" ri lhab' kyoug pyam yhang: ti" nga" yoem: so' we' bain sho' kyoug kain" loo" bye:.

COUNG" NGHEI 38:4

Ngoo gi ngoonya: da" yooboo gyid ji: zoo" moo bo noeb lo" nyid bye:. hau: khyoo: joem gi atho' oung: kham' sho' lid: da" yoolid: daloem: nghoid nyid.

COUNG" NGHEI 94:13

Aseing gi nya: byumyu" yiri she: pyam, too" wa zi anghoid- nyang: seung: ci: da" byumyu" yiri du" pyam, too" wa zi anghoid.

PHAJHI" DANG: 1:14

Ngoo gi he: mougmyid gyab moo koid lo zi dangain" ziri shau" myang loo bye:. Houg: lho: ngo wigi nanu" ri tid kyoo" ba. Hau: gu: dangain" gi akoem: za: danghoid ago". Hau: zigi lid ri khaid myheig ziyo' du da:.

PHAJHI" DANG: 1:8

Ja: khang" moo" gi ngheing" wa khyoo: za: nghoid da:. Dang: khoin" khyo" atho' tid loo: sho' ngheing" wa khyoo: bue" da:. Ngoonu" da" myojid" joem gi khanham we' yu" noug athang bue"- ngoonu" da" nukhyab joem gi khanham we' gyoo: noug athang bue" nyid.

PHAJHI" DANG: 4:8

Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

ESAIA 1:4

Yooboo koid da" byumyu" byo, yoin" ziyo' akhyeing" da" byumyu" nanu" we"- nanu" gi joem: byug abye:. Nanu" yooboo joem gi nanu" ri she: khyoid khyo' pyam abye:. Nanu" gi Israela da" gyeung" shang: da" Aseing Mangsoo ri ngeug he: pyam lho: nanu" gi nyang: ri nungthang phug pyam abye: go".

ESAIA 11:10

David khokham kung mo khokham aseig gi byumyu" yi da" asoo" bui" wa ayo, ju" re" nyid bye:. Nyangnu" gi nya: khokham voomoo" moo zeing: foem: nyid wigi nyang: ri ngi: shab byid: loo goo" wa.

ESAIA 28:12

Nyang: gi nanu" dangain" bang: ri dougno: khyoo: yo' nheig teing khyoo: byid: da:. Nghoid loug we' nanu" nyang: ri atam" gyoo: loo: he: pyam ago".

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

YEREMIA 31:25

Myung: bang: ri ngoo yoem: doem lung: byid: wa. Zoo yoid bang: yugkhang" moo" ri zoo: noem wigi nheugdeug nhang: wa.

YEREMIA 35:16

Yonadab da" amyed ashen yigi nyangnu" da" phoug" phyid" yi wigi nyangnu" ri byid: too" kho' da" amyeing" dang: ri tam" gyo: cang yhe: abye: go". Nghoid loug we' byumyu" yi nanu" gi nga" dang ri atam" gyo: acang yhi: nghoid ago".

YEREMIA 6:16

Aseing gi nya: byumyu" yiri «Khyoo: kang" moo yab jo, wigi yu" kaid we'. Goonham' mo khyoo: ri myid: yu" wigi khyoo: khakhaid je ge thang ziri myid: yu" we'. Hau: khyoo: khyo" soo" ge' houg: lang" nanu" gi yug yo myenjham" ziyo yo" nyid goo" wa» ga: tid da:. Nghoid loug we' nyangnu" gi «Anghoid- ngoonu" asoo"» ga: tid boem.

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

MATHE 23:4

Nyangnu" nyang: gi gye" led: lho: voin yau: da" yoovoin ri subi" ri soin' foin: boem. Nyangnu" nyang: gi hau: yoovoin ri bo voin wa shid re" lo, da nyhoug" yo, we' anau tu: yu" boem.

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.

YOHAN 7:37

Hau: pui" zeing: da" lo" thang ziyo'- yhoug gyen: tang da" bidnyid moo Aseing: Yesu gi yab jo, lho: nyang tid zigi Gyid shed' su: hang" nghoid loug we' nga" jang" mo re" shug yu ge'.

ACTS 15:10

Houg: su" danghoid rigi ngoonu" da" phoug" phyid" yi we' -ngoonu" nyang: we' ayo" voin, da" yoovoin, ri loem" jeing" bang: da" atho' moo foin: byid: bye- akhid" ciwim wigi ngoonu" Mangsoo ri leig yu jham" ca: yu" noug go" la".

ACTS 20:35

Ngoonu" gi moo" zei: yoem: kaid' lho: wigi yoem: neing: bang: ri pang" thung ca" ein: da" khyoo: ri nanu" we' gyeing" nyang: hougsu" koid lo yu" boem bye. Houg: lang" Aseing Yesu nyang: tid zigi kham: yu tho' moo gam byid: zigi je" ngilho- ga: tid khare" dang: ri myed boin: ge" ga: tid.

GALATI 5:1

Khristu gi ngoonu" ri join, bue" jo, jang" mo lhoid, kaid' bye: nghoid yoomo nyhang" gi loid byoin yoo" bang: nghoid boem bye houg: yoomo loid byoin, yoo" bye: bang: yhang: ti" yab, jo, ge'- join, da" dabu" khoug: moo adoem vang loo" goo".

2 THESALONI 1:7

Nyang: gi kyi" khyeug jam jau shau" nyid da" nanu" yo' dage" ngoonu" ri we' dajhi' dathang: khyam: sa khyoo: ri shau" yu nhang: wa zi nghoid- nyang: gi yoem: moo" bo da" mau: lagyoo; yi yo" dage" myiyham: doem yo' moug: khung: mo thu re" da" uri.

HEBRE 4:1

Akhid" Mangsoo gi ngoonu" ri ngei bu doug shau" no: khyoo: ri kham: yu nhang: wa ga: wigi byid: to" da" dang: theing khoin" jo, bye. Hau: dang: theung to" da" ngei bu doug noo: joyoo ri nanu" mo dayug we' ayo" yu mo, abui" goo" baja"- ngoonung" gung youg yau nyid boem.

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.