MATHE 11:23 - Lacid Common Language Bible

²³ Kaperna-um we"- nang we moug: moo thug sho tu: to zi shau" wa la". Houg: su" anghoid lang" moo vo moug ju" sho' khyo kaid zi nang shau" wa nghoid. Khasu" wim gari nang ri toin" shid' da" moozoo" zeing gi Sodom moo koid: nghoid rigi Hau: voo gi akhid" nyid" ju" sho' dageing: jo wa zi nghoid.

MATHE 11:23 ပူးပေါင်းရင်းမြစ်များ

APOEM AYANG: 13:13

Hau: voo mo byu yigi akhyeing" ziyo' Aseing ri thougtheung yooboo koid nyid mo, nghoid.

NGOUG JI: 2:1

Aseing gi nyang: nheig yo: wigi Ziun ri: ceig no, ziyo' nghoeb to". Nyang: gi mougkhung: mo gyi: sheung: reung: da" khyoo ri: byo, yoin" khyoo: bue" loo" nhang: bye:. Nyang: nheig joem: yo: lo da" bidnyid moo: nyang: gi nya: Noku Yhoem: Moo" rilang" she: pyam too" khari" bye:.

EZEKIEL 26:20

Ngoo gi nang ri goonham' gooco' pyaid mo nyid lid: loo bang: yo' lo" bo nyid wa shid re" shid: moug: khyoo: nhang: khyo' kaid wa. Nang ri ngoo gi myidgung khoug: mo apyaid atoo: moo byo, yoin" jo, da" mougmyid moo shid: mo, yo' lo" zoem" khoug: nyid nhang: wa. Hau: da" akyu" gi nang gi khanham we' byu adoem nyid da" joyoo bue" lho: dei nyid bang: da" mougmyid moo re" joyoo ayo" yu loo: wa.

EZEKIEL 31:14

Houg: lho: akhid" mo gi kha: seiggam nghoid loug we' khayhi' gyid nyeing" za: yoo" nghoid loug we' hau: seiggam yhi' adoem youg gyi: loo wa. Hau: seig phyoo" we' jhoemmoug" khyoo: ju" tain" loo" sho' adoem yo" myhang: loo wa. Hau: joem dangain" gi shid: se' da" byu yi yhang: ti" shid: joem: loo" wa. Moovo moug: khyoo: gyoo" loo" bang: yo' dage" shid: joem: loo" goo" wa» ga: tid.

EZEKIEL 32:18

Nyang: gi «Shid: se' da" byu we' Egutu mo byu myoo" sho' shid re" koug ngoug we'. Nyangnu" ri yoem: so' bo da" gootu: byumyu" yi yo' dage" moovo moug: khyoo: khyo' kaid we'.

EZEKIEL 32:24

«Elam gi hau: joyoo moo nya: gyizoo: yi da" loeb joem wigi lheing khoem to" jang" moo jo, jo, da:. Nyangnu" dangain" gi gyipui" moo said pyam shau" boem wigi nyangnu" gi shooyid thang: ayham" loo: za: moovo moug: khyoo: gyo" vang lo" abye: go". Dei nyid shi" uri nyangnu" gi joyoo khang" moo" kyug tain' lid: lo ago". Nghoid loug we' akhid" nyangnu" gi shid: leung jo, wigi ngi: yoem" jo, ago".

OBEDIA 1:4

Zoin bung: da" soid yo' dakhyoo" ti" myhang: joyoo moo re" yhoem: ri koid to" lho: hau: zigi kyi: joem da" agung moo jo, to" ti" du nyid nghoid loug we' ngoo gi nang ri she: khyo' pyam wa zi nghoid.

MATHE 10:15

Ngoo jhug" jhug tid ba- Tarha" dang: kho' da" bidnyid ri Sodom yo" Gomora voogoung tho' moo je kham: zoo: youg goo" wa.

MATHE 16:18

Petru we"- ngoo nang ri tid ba"- nang gi lung: moo" boem nghoid. He: da" lug moo" boem moo apoem ayang: koid: lho: Nga" da" phung: ri zhug too" wa. shid zoug: lang" hau: da" phung: ri ung: wa zi anghoid.

MATHE 17:24

Yesu yo" cangzoo: yi gi Kaperna-um voo moo ju" lo" da" uri Kyu" mho' yhoem: mo" shid re" kheing" khyu: mo ju" re" boem wigi Petru ri «re" sara: phoo gi-Kyu" mho' yhoem: mo" shid re" kheing" gi kaid nyid la"» ga: re" zheung: myid: boem.

MATHE 4:13

Nyang: gi Nazared voo moo anyid loo: za: Zebulon yo' Nabthali mung" mougkyoo"- Galile mung" yam mo Kapernaum Yesu da" voo moo lo" nyid nyid.

MATHE 8:5

Akhid" Kaperna-um voogung khyoo vang lo" boem ri Roma gyizoug: moo" dayug ju" re" wigi

LUKA 10:15

O"- Kaperna-um voo we"- nang gi moug: gung moo ju" sho' tu: to ziri vho: nyid la". Ngarai mung" khyoo: nang ri du" khyo pyam zi shau" wa nghoid ga: tid.

LUKA 14:11

Houg: su" nghoid yoomo nyang: nya: gung ri coung" byid: mo, gi khyo, nyhoem: pyam byid: zi shau" wa. Nyang nya: gung ri khyo, nyhoem: su: gi phau" myang: tu: to' kaid zi shau" wa ga: tid.

LUKA 16:23

Nyang: gi moovo moug: moo gye" kyi" khyeug zi shau" nyid yoomo nyang: yu" kaid da" uri Abraham ri we' Abraham da" nam mo Lazaru ri we' myang kaid.

LUKA 4:23

Yesu gi-nanu" gi Doug Tha nang we' na nya: noo shi" bain sho' ze: ge pyam we' ga: da" dang: ri ci: lho: ngoori tid boem wa. Kaperna-um voo moo Yesu koid: shug ga: zi:- ngoonu" shaug" gyoo: da" khyoo: joem ri Na nya: moug: moo we' koid: shug we' ga: deung" deung tid boem wa.

ACTS 2:27

Khasu" wim gari Nang gi ngoori - shid: lo" da moovo, moug: moo she: pyam too" wa zi anghoid. Nang gi loemlug da re" deizoo: ri loeb duang: khoug: moo boeb, pyam nhang: wa zi anghoid ga: tid nyid.

ACTS 2:31

Doem ju" loo wa da" bidnyid moo Mangsoo gi ce: noem koid loo wa zari- David gi se' too" yoomo Meshia gi shid: jang" mo doem dei to'' loo wa da" khyoo: ri David tid zigi nyang: ri moovo, moug: moo she: pyam to" zi ashug" nghoid da- nya: gung du: ri loeb khoug: moo aboeb loo" nhang: nghoid da- ga: tid to.

YUDA 1:7

Sodom voo yo' Gomora voo eig loem: ri we' hau: eig vo da" ayam, aqei: moo jo, da" voogung joem ri we' myid; boin: yu" ge'. Hau: voo mo voobyu mung" byu yi koem gi akhang: tid da" moug: lagyoo: yi yhang: ti"- youg: shoo: go" lho: yug gi nyang: cang" we' aved, avhu; da" moo" ri koid nyid boem. nyangnu" gi apyaid' atoo: dadab nyid da" mi myi: khyoem, moo-yoobo dam ri shau" kham' zo: boem khyoo:- byu dangain" mo, ri bang bang nyang: zid" lhid' nhang: kaid.

Pang Shug 1:18

Ngoo gi dadei nyid su: we' nghoid- ngoo shid: bye: nghoid loug we' apyaid atoo: moo ngoo dadei nyid shid: loo" no lo" da" khyoo: yo' moo vo, mau: da" atho' moo we' vhoeb, wa amyeing" ngoo yo.

Pang Shug 11:8

Nya: eig youg da" mang gung gi nyangnu" da" Aseing: ri baid' jen" said' pyam da" voomoo" zeing mo fu" moo" khyoo: gung moo she: lheung: to" boem wa nghoid. Hau: voomoo" zeing gi-Sodam voo anghoid lang" gi Egutu ein: da" mung dang: ved, bo nyid.

Pang Shug 20:13

Houg: lang" nam mugdara gi nyang: moo bo da" byu shid: joem ri doem, toug" byid- shid: no khyoo: yo' moovo, moug we' nyang: tu: nyang: moo bo da" shid: mo, ri doem toug" byid: boem- byu dangain" bang: ginyang: nu" nyang: zei: loo bye: lo, moo" yo' dakhyoo" ti"- tarha" dang: phyed' zi shau" nyid boem.

Pang Shug 6:8

Ngoo lheung: yu" kaid da" uri shoem" shid: yed, da" myang: dadu ri ngoo myang- hau: tho' moo zhoung: jo, da" sarhi' pho myeing. gi shid: zoug: ga: zi nghoid- nya: da" thang: moo gi moovo, moug: cang lo nyid. nyang: gi mougmyid myid: boem mo daboem moo nyid da" byu yi ri meing: byo, gyi koid go" khyo" zooyoid phang" khoug zeing khyo" nooboug: phyoo" boug: zeing yo' myeung khuid" zeig ni zeing khyo" wigi shid: joem: no thang loo" nhang: wa da" yoem: so' yo" ci.