MATHE 11:21 - Lacid Common Language Bible

²¹ «O" Kurazin we"- nang gi joem loo" wa O" Besaida we" nang joem: loo" wa. Khasu" wim ga ri re" eig yug ri toin" shid' da" moozoo" zeing joem ri Turu yo" Sidun eig voo moo toin" shid' nghoid rigi jid: moo" byi: ri gang" ci: lho: nheigloem: bain thid zi gye" myang wam: bye.

MATHE 11:21 ပူးပေါင်းရင်းမြစ်များ

YOBA 42:6

Houg: lho: ngoo gi ngoo tid lid: loo bye: gu: dangain" gang mo myid: sho' wigi pheilhoug: yo' myimoeb boem" moo nheigloem: thid pyam bye:.

YEREMIA 13:27

Nyang: gi nyang: ngheing" da" moo" zoo" joem ri nanu" koid boem ziri shau" myang byid: bye:. Nanu" gi yhoem: kyoo" cang" da" yhoem: seing: myhi' ri yu" mhain: da" yuggi yhang: ti" anghoid lang" myang: myhi' thang: khyoo: cang mhain: yab yen" da" myang: loo: yhang: ti" bouggung joem moo yo' janggyoin: cang jo, da" tungbau yu phara" joem thang: khyoo: cang yhe: lo" ziri nyang: shau" myang byid: bye:. Yerusalem voo byu yi we"- nanu" gi joem: lo" abye:. Nanu" gi khanham she' gyeung" shang: loo goo" wa la".

YOELA 3:4

Turu- Sidon yo' Philisti mung" byu yi dangain" bang: we"- nanu" gi ngoo ri ce: noem koid wa ein: soin' go" lha". Nanu" gi daja: ja: gungthid- ngoo ri latoo: phug wa ein: soin' go" la". Hougsu" koid wa nghoid rigi nanu" ri we' ngoo wigi myab, myab, latoo: phug loo wa nghoid.

AMO 1:9

Aseing tid zigi «Turu mung" byu yigi pug lho: pug lho: yooboo ri dakoid nyid boem yoomo ngoo gi nyangnu" ri gyeing" nyang: yooboo dam byid: wa. Nyangnu" gi mung" byu yi dangain" ri Edom mung" khyoo: pyoung" she: lo" ago". Houg: lho: nyangnu" koid to" da" myid veung" thang" cab ri we' acang nghoid ago".

MATHE 11:22

Houg: yoomo nanu" ri ngoo tid zi gi hau: Mangso da" dang: khoo' bidnyid moo Turu yo" Sidun kham: wa da" dam gi nanu" kham: wa dam tho' moo je soem" wa zi nghoid.

MATHE 15:21

Akhid" Yesu gi hau: joyoo mo doem thu' lo" lho: Turu yo" Sidun voo yo" jhang damoug moo ju" lo.

MATHE 18:7

Mougmyid moo loem" jeung" khyoo: ri lhu: phyo da" thei' leung jang: joyoo mo mougmyid gi joem: lo" nyid bye. Nheugloem: thei leung jang: gi gyeing" nyang: jo,- nghoid sho loug thei leung jang: koid thu' su: gi gyeing" nyang: joem: loo" wa zi nghoid.

MATHE 26:24

Jhoem: mungdang: moo nya: khyoo: ri tid to" ziyo' dakhyoo" ti"- shid: wa zi nghoid. Nghoid loug we' Byu nya: Zoo: ri ab pyam su: shid' re" khayhi' gyoug. Yuggi he: yug ri akhu: kaid nghoid rigi nya: shid re" je gi wa zi nghoid, ga: tid.

MARKU 3:8

Yerusalem voo mo mo, Idumia meing: mo mo,- Yodan gyung thei tab' mo mo, Turu yo' Sidun mo bang; we' ju" re. Hid: bang: dangain" Yesu jhang ciwim ju" re" boem gari nyang: koid da" moo" ri shoug" gyoo: yoomo nghoid.

MARKU 6:45

Yesu gi meing bu yi ri nhang: kaid zoore"- nya: cangzoo: yi ri we' myab, myab, lhid tho' moo do, zhoung: lho: thoem" thei: tab mo Bedsaida voo khyoo:- gu: dab loo" lang" wa shid re" nhang: kaid.

MARKU 7:24

Houg lang" Yesu gi hau: joyoo mo to' lo" lho: Turu meing: ayam, khyoo: yhe: lo". Nyang: gi yhoem: daloem: moo yhe: theung: nyid. Hau: zi hang" ri we' asi nhang: noug nghoid da:- nghoid loug we' nyang: ayo" gau" jo, nghoid da:-

MARKU 7:31

Houg: lang" yesu gi Turu meing: mo doem tau" phang: lo uri Sidun meing: ri lid too kho' lho: Dekapoli meing: mo daxi: vo ri lid' kho' wigi Galile thoem" khyoo: ju" yhe: lo".

MARKU 8:22

Nyang: nu" gi-Bedsaida voogung moo re" yhe: ago". Hau joyoo moobyu dayham" gi myo, jed dayug ri Yesu jang" moo shu" re" wigi hau: yug ri tain" byid: wa shid mo nyang ri mho' ago".

LUKA 4:26

Israela byumyu" moo cougmoo" myoo" sho' nyid nghoid loug we' hang" jang" moo we' Mangsoo gi lapi: Elia ri anhang: kaid. Sidun mung" Zaredtha voo mo cougmoo" myhi, jang" moo za: date: nang: kaid.

LUKA 6:17

Aseing Yesu gi lagyoo: yi yo" dage" boem tho' mo gyoo" lo lho: janggyoin: moo ju" lo. Hau: joyoo moo cangzoo: yi phung: moo" daphoung: tho' moo gootu: Yuda mung" yo" Yerusalem voo mo we' Panglai gyid mung" yam moo jo, da" Turu yo" Sidon voo mo mo, we' ju" ri" mo, myoo" sho' nyid lang" boem.

LUKA 9:10

Lagyoo: yi gi doem tau" lo wigi nyangnu" zei: da" moozoo" dangain" Yesu ri tid kyo" zigi. Houg: lang" Yesu gi nyangnu" ri shu" lho: Bedsaida ga: da" voogung khyoo: yhe: lo" boem.

YOHAN 1:44

Philib gi Besaida voo mo nghoid. Besaida gi Andre yo" Petru eig yug nyid da" voogung nghoid.

YOHAN 12:21

Nyangnu" gi (Galile moug mo Besaida voo byu ) Philib jhang khyoo: yhe: lho: wigi Sara: we"- ngoonu" gi Aseing Yesu ri myang: nau- ga: yhe: tid boem.

ACTS 12:20

Herod khokham" gi Turu yo' Sidun voobyu yi gi gye" nheig yo. Houg: yoomo hau: eig voo, mo bang: gi daphung: za: koid lho: khokham" pho, jhang khyoo: yhe: lo" ago- Nyang: nu" gi Khokham" khoo" goin" ri vhoeb, su- Blastu gi nyangnu" ri, pang" yu wa shid re" xang: shed" yhe: mho' boem ago". hau: thang: ri nyangnu" gi khokham" pho, jhang khyoo: vang yhe: lho: ngei pyo: yug yo khyoo: ri mho' ago". khasu" wim gari nyangnu" da" mungdain gi Herod Khokham" mungdain mo zookhoo: ri shau" yu nyid boem yoomo nghoid ago".

ACTS 27:3

Hau: thang: nyid ri ngoonu" gi Sidon voogung khyoo: ju" yhe: lo" boem bye. Gyizoug: phoo Yuli gi Polu ri nheig yu" khyeug wigi Nya: da" bidnoem byen cang" yi jhang khyoo: yhe: shau" goo" nhang: lho: Nyang: moo ca" yo, da" khyoo: dangain" ziri yu" coung: wa da" akhang: byed.

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.

Pang Shug 11:3

Jid: moo" byimi void ci: da" nga" sagsi: eig yug ri ngoo nhang: kaid' wa Nya: eig yug gi bidnyid 1260 nyid agyoo: moo Mangso mungdang: ri lapi: dang: khyo" kho" kyoo" wa,, ga: tid.

Pang Shug 6:12

Hau: thang: ri yang nu" gi khyug loem: ein: da" dazid' ri doem, phang kaid uri ngoo myang zigi myid' leig gyi" sho' leug lo lho: bid moo" khyab, gi ceug no, da" kung: yid pain" su" no, loo" khare" wigi lham" moo" khyab, we' suid" su" ne, loo" khare".