MATHE 11:18 - Lacid Common Language Bible

¹⁸ Khasu" wim gari Yohan gi azo: ashug loo re" ri nyangnu" gi ‹he: yug gi yu vang su: nghoid nhung:› ga: tid boem ago".

MATHE 11:18 ပူးပေါင်းရင်းမြစ်များ

2 KHOKHAM 9:11

Yehu gi nya: gyizoug: byencang" yi jhang tau" lo" wigi «Ci: aca" rhe"- hau: foin" su: nang: ri ciga: lha"» ga: lhoem: myid: ago". Yehu gi «Nyang: civho: ziri nanu" se' ago"» ga: phug tid da:.

YEREMIA 15:17

Ngoo gi subi" gootu: yo' yhe: ei". Pyo: ei" wigi ayo, anyid thang pyam. Ngoo gi re" da" amyeing" dang: ri phau" cang khyo" ngoo nyang: kyeing" nyid nyid lho: nheig yo: nyid.

YEREMIA 29:26

«Aseing gi Yehoiada da" khoo: moo nang ri khainjung koid nhang: wigi akhid" nang gi Noku Yhoem: Moo" mo vhujhung: moo" nghoid abye:. Lapi: nghoid goin koid wigi nya: leung zeung: moo jangcoo" yo' joto' leung kui" kaid wigi nyid da" byukoo" yugkhang" moo" ri yu" wa shid re" gi: re" moo" nghoid da:.

HOSEA 9:7

Yooboo dam byid: wa ayo, gi ju" loo bye:. Hau: byumyu" yi nyangnu" shoug" kham zoo: wa moin: yi" zi yo" yu wa ayo, ju" bye:. Hau: zi bue" lo uri Israela byumyu" yi hau: khyoo: ri si' goo" wa. Nanu" gi «He: Lapi: phoo gi koo" su: nghoid da:. He: Venyi yoem boo su: gi suid" byo, da» ga: tid ago". Byu nanu" gi nanu" da" yooboo sung gyi: yoomo ngoo ri ngheing" ago".

MATHE 10:25

Cangzoo: gi sara: yhangti"- deizoo:, phoo gi nya: yhoem: seing: yhangti"- nghoid nyid rigi myid je pyoo: wa. Nyangnu" nyang: gi Bezebula ga: nghoid rigi nya: yhoem: byu yi ri hau: tho' re" je tid go" wa anghoid goo la" ga: tid.

MATHE 11:17

‹Nanu" da" shid re" loxo' pui" khalhang ri khayhi' moid nghoid loug we' nanu" ago" boem nghoid da. Ngoonu" gi kougshu: ngau nyid nghoid loug we' Nanu" abo ngoug abo kougshu: nghoid ago"› ga: tid nyid da" zooshang: mi" yo" dadu nyid boem da.

MATHE 3:4

Hau: Yohan koem gi gola-ug moug" yo' yo, da" byimi void lho: shooyid bicu" cu" ci:- nya: da" zoo: noem gi siyoo mo jhen" khyeig nyoug yo' byoo: yhid: nghoid nyid.

MATHE 9:34

Pharishe bang: gi «yu joem da" zoug: ri loem lho: za: nyang: yu joem ri dayo" khaid pyam' da:» ga: tid boem.

MARKU 3:22

Hougsu" wigi Yesusalem mo gyoo" lo da" tarha" sara dayham ba tid zi gi Bezebula qi: nyang moo bo- hau yu zoug: phoo gi yu joem ri yo" khaid thu pyam wa Yoem nyang ri byid yoo mo nghoid ga: tid boem.

LUKA 1:15

Nyang: gi Mangso da" shid' khoin" moo gyi: sheung: su: nghoid wa. Nyang: gi zabyid yhid: yo' yed coid ja: yhid: ri shug wa su: anghoid.

YOHAN 10:20

Byu dayham" gi he: yug gi yu vang ci: da" foin" su: danghoid: ci: wim wigi nya: dang: ri nanu" tam" gyoo: go" ga: tid boem.

YOHAN 7:20

Meing: byu: yi gi nang gi yu vang ci: su: nghoid. Nang ri said wa ga: hang" su: se' soin nyid wa ga: tid boem.

YOHAN 8:48

Nyangnu" Yesu ri Nang gi Samari byumyu" dayug nghoid lho: yu vang ci: su: nghoid ga: wigi ngoonu" tid dang: shoid la"» ga: myid: boem.

YOHAN 8:52

Nyangnu" gi nang gi yu vang ci: su: dayug nghoid da" khyoo: ri akhid" ngoonu" yo" si' bye. Abraham gi shid: led: loo" bye:- Lapi: yi we' shid: led: loo" bye. Houg: su" danghoid ri nang gi nga" dang: tam" gyo: yu su: gi khanham we ashid: wa ga: tid.

ACTS 26:24

Polu gi hid: su" nya: gung ri tid ve, yu nyid uri Phestu gi Polu we" «Nang ko" abye:. Nang gi phajhi" sung jhau" ci: wigi ko" lo" byug bye: nhung:» ga: nyho: tid kaid.

1Korinthians 9:27

Ngoo gi byu gootu: ri gei shi, goo" wa pui" bain' khi: lang" gi nga" gungdu: sugab, amyhi: wigi- khyen: khyo' pyam zi ashoug" wa shid re" ca" jang" moo: yo" ci: yhung: wa shid re" ngoo nyang: ung ri ngoo- yoem: kaid thoung" nyid ziyo'- bain sho nyang: khang" zeung: ci: bye.