MATHE 11:12 - Lacid Common Language Bible

¹² Baptisma sara: Yohan da" bidnyid mo wigi Akhid" nyid" ju" sho' Mougkhung: mungdain: gi agyoo: ayoid jhen" vang mo yo" zain: go" nyid yoomo yo" rhi, mo, za: hau mungdain: ri yo" yu sho' shakoid ago".

MATHE 11:12 ပူးပေါင်းရင်းမြစ်များ

MATHE 11:11

Ngoo jhug" jhug tid da" zigi Xangsu: mhoo: myid: moo Baptisma sara: Yohan tho' je gyi: da" zigi dayug we' abo yu" shi" nghoid loug mougkhoung: mungdain: moo nge thang yug gi Yohan tho' je gyi: su: nghoid.

MATHE 11:13

Khasu" wim gari Yohan da" ayo, ju" sho' Lapi: yi dangain" mo, da" tarha" moo Mangso da" Mungdain: khyoo ri tid too" bye.

MATHE 3:15

Houg: ri Yesu gi «akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:» ga: nyang: ri tid. Houg: lang" hau: moo" nyang: ri zei: byid: bye.

LUKA 13:24

Yesu gi Nanu" gi jhab' da" khoem" duang: moo vang wa yoem: kaid ge" byu myoo" sho' mo, we' hau: khoem" duang: moo vang wa ga: yoem: kaid boem wa. Yo" vang wa yoem: bo boem zi anghoid wigi ngoo nanu" ri tid.

LUKA 16:16

Babtisma sara: Yohan anyid shi" mo Moshe tarha" yo"- Lapi: yi gi amyeing" zeing khyo" jo: jo, bye. Yohan nyid lo jang" mo wigi Mangso: da" Mungdain: da" khyoo:- Ngeibu: lu: dang: gi ri tid loo bye. Byu yug khang" moo" we' hau: khyoo: moo shi, goo" shi, yang- vang lo" boem bye.

YOHAN 5:4

(Aseing: da" moug: lagyoo: yi gi daso' dadam gyid thoem" moo gyoo" lo lho: gyid ri lhu: nhoin, yoomo gyid thoem" noin" loo wa zi ri noo mo gi lang" nyid boem. Khasu" wim gari hau: gyid thoem" noin" lo da" uri xang" shid" gyid thoem" khoug: khyoo: yo" vang yhi: su: gi noo ge lo.)

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

PHILIPI 2:12

Houg: su" nghoid yoomo ngoo jheddab nyid bang: we"- nanu" yo' ngoo dage" nyid da" ayo, moo nanu" khanham we' nga" dang: ri tam" gyo: nyid boem yhang: ti"- akhid" nanu" yo' ngoo ve: gang: nyid da" ayo, moo we' nga" da" dang: ri tam" gyoo: wa zigi je" wigi yhoug: gyen: zeing nyang: nghoid nyid houg: yoomo nanu" da" khyoid yu khyoo: joeb, byeung" loo sho' gyoug nain" ziyo' cang pyeung nyid ge'.