MATHE 10:5 - Lacid Common Language Bible

⁵ Hau: daxe: eig youg: da" cangzoo: yi ri Aseing Yesu nhang: kaid lho: Nanu" gootu: byumyu" yi nyid da" jang" moo ayhi: goo"- Samari voo gung joem moo we' avang goo.

MATHE 10:5 ပူးပေါင်းရင်းမြစ်များ

MATHE 22:3

Hau: khokham" phoo gi shid re khe: too" bye: mo, jhang khyoo: nya: dei zoo: yi ri doem khi: nhang: kaid. Nghoidloug we' nyangnu" gi nau re" boem nghoid ago".

MATHE 4:15

«Zebulon yo' Nabthali mung" moo gyid nung" yam- Yodan gyid lang thei: tab cang Tungbau byumyu" yi nyid da" Galile mung.

MARKU 6:7

Hau: lho nyang gi cangzoo: daxe: eig yug ri khe: yu lho: eig yug dazoem" zoem" koid lho: nhang: kaid da- yu joem ri oung" doid loo" wa da" amyeing" a: na nyangnu" ri byid: kaid.

LUKA 10:1

Hau: thang: ri Aseing: gi cangzoo: nyhedxe: eig yug ri khyen: thu' yu lho: eig yug dazoem" zoem"- Aseing: nyang: yhi: wa da" voogung- khyi khang" moo" khyoo:- yhe: loo" lang" wa shid' re" nhang: kaid.

LUKA 10:33

Nghoidloug we' Samari byu dayug gi gyung: so" lo" ri hau: da" byunoo jang" moo ju" loo" lang" hau: noo su: ri myang wigi nheig khyeig myid boo.

LUKA 17:16

Yesu da" khyid: yang: moo re" goeb pid lho: Aseing: ri jeju" so" nyid. Hau: yug gi Samari byumyu" nghoid.

LUKA 9:1

Yesu gi cangzoo: yi daxe: eig yug bang: ri khe: zheung" yu lho: yu joem ri yo" khaid thu' pyam' wa da" yoem: so' yo' noo phyoo" joem ri yo" ge, loo" nhang: wa da" yoem: so' yo' amyeing" a: na: ri byid.

LUKA 9:2

Hau: thang: ri nyang: gi nyangnu" ri tid zigi Mangso mungdain da" akhyoo" ri yhe: kho" kyoo" wa ziyo' noo phyoo" shau" mo, ri yhe: gi, byid: wa shid re" nhang: kaid' boem bye.

YOHAN 17:18

Nang gi ngoori he: mougmyid khyoo: nhang: kaid ziyo' dakhyoo" ti"-- ngoo we' nyangnu" ri he: mougmyid khyoo: nhang: kaid.

YOHAN 20:21

Hau: thang: ri we' dalheing:- Yesu gi nanu" moo myenjham" khyoo: dajo, jo, baja" ga: nga" phoo gi ngoori nhang: kaid ziyo' dakhyoo" ti"-- nanu" ri we' ngoo nhang: kaid ga: tid.

YOHAN 4:20

Nga" phoug" phyid" gi he: da" boem moo Mangsoo ri noku boem. Nanu" Yuda byumyu" yi gi Yerusalem voo moo da noku ga: tid boem›› ga: tid.

YOHAN 4:5

Samari mung" mo Sukha ga: da" voogung moo ju" lo. Hau: voo gi Yaku nya: zoo: Yoseb ri byid: to" da" mougmyid yo" athei" ve: da" joyoo nghoid.

YOHAN 4:9

Myiyi myhi, phougtu" zigi nang gi Yuda byumyu" dayug nghoid. Ngoo gi Samari byu dayug nghoid nga" jang" mo khasu" wim wigi shug gyid ri mho' lha". (Hid: su" myid: da" khyoo: gi Yuda byumyu" yi gi Samari byu yi oug" khu, alhoung poung" ci: yu" yoomo nghoid.)

YOHAN 7:35

Yuda zoug: myeing" ci: mo, gi ngoonu" ashau" shoo: sho' nyang: kha: moug: khyoo: loo" wa la'- Yuda byumyu" yi nyid da" Greed voo gung yi moo lo" lho: Greed byumyu" yi ri jhau" mhoo, byid: wa la".

YOHAN 8:48

Nyangnu" Yesu ri Nang gi Samari byumyu" dayug nghoid lho: yu vang ci: su: nghoid ga: wigi ngoonu" tid dang: shoid la"» ga: myid: boem.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

ACTS 10:45

Tungbau byumyu" yi da" atho' moo we' - Mangsoo gi nya: gyeungshang: da" venyi jhung: shug ri foid shoin" kaid: byid: bye: yoomo Yopa voo mo Petru yo' dage" ju" ri" mo, Yuda byumyu" yi mo loem" jeing" mo, gi mau" hang" to" boem ago".

ACTS 8:1

Sholu gi stephain ri said' wa zi myid bo veing" su: nghoid. Hau: bidnyid moo Yerusalem voomoo" moo nyid da- loem" jeung" phung byu yi gi dayam, dayoo: shen" yhen zi gyisho' shau" nyid boem bye. Lagyoo: yi mo we' je" wigi loem" jeing" mo, dangain" gi Yuda mung" yo' Samari mung" gyoo: khyoo: goem: sho' phang: byo, sain" lo" boem abye: go.

1THESALONI 2:16

Tung: bau byumyu" yi khyoid yu zi shau" wa shid re" houg: yo' sen: da" mungdang: ngoonu" dakho" kyo" ri lang" nyangnu" gi toung: nghoed, pyam wa shid re" yoem: kaid' lo boem ago- he: lid khyo" nyangnu" shoid vhang: lid lo yu" bye: da" yooboo joem ri joeb, sho' koid boem abye: go"- Houg: yoomo lo thang jang" moo gi Mangsoo nheig yo: da" khyoo: gi nyangnu" da" atho' moo ju" gyo" loo bye.