MATHE 10:41 - Lacid Common Language Bible

⁴¹ Mangso lagyo: da" myonhoo: ri tu: lho: Mangso da" lagyoo: ri lhoem: kham: yu su: gi Mangso lagyoo: yo" da" aphoug" ri bo yoo" wa. Deung main" su: da" myonhoo: ri tu: lho: deung main" su: ri kham: yu su: gi deung main" su: yo" da" aphoug" ri bo yoo" wa.

MATHE 10:41 ပူးပေါင်းရင်းမြစ်များ

APOEM AYANG: 20:7

Myiyi: myhi' ri nya: yhoem: seing: pho jhang akhid" nyang: doem tau" byid: re. Nyang: gi lapi: nghoid. Nyang: gi nang ri ashid: loo sho" re" shid re" akyu" yo" mho' byid: wa nghoid. Nghoid loug we' nang adoem toug" byid: nghoid rigi nang gi shid: wa. Nang yo' re" mung" byu yi dangain" gi shid: wa nghoid ein: ziri ngoo nang ri tid poin" bye:».

ESAIA 3:10

Deingmain" bang: gi ngei pyo: loo goo” wa. Houg: lho: nyangnu" shid re" ja: khang" moo' ngei: lho' loo boem wa. Nyangnu" gi nyangnu" zei: da" moo" athang: pyoo: pyoo: shoug" kham zoo: wa.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 25:44

Houg: lang" houg: bang: gi ‹Aseing we"- Aseing zooyoid nyid zi gyid shid yen" ziri being" voo bue" yen" ziyo'- byimi avoid loo: nyid yen" ziri no, nyid da" ziyo'- thung: loung" jo, da" khyoo: ri ngoonu" khanham myang lho: wigi Aseing ri acoung: agoin loo: nyid boem lha"› ga: wigi phougtu" boem.

MATHE 25:45

Khokham" gi ngoo nanu" ri deung" deing tid ba"- nge thang da" hid bang: mo dayug yug ri ‹nanu" agoin acoung: da" zigi ngoori agoin acoung: zi nghoid› ga: tid wa.

MATHE 6:1

«Subi" myang baja" ga: nyangnu" shid khoin" moo nanu" myonhoo: sho: da" moo" ri azei: wa shid re" zed" nyid ge'. Houg: su" anghoid rigi Mougkhung: tho' moo nyid da" nanu" nya: pho, jang" mo aphoug" ri yo" yu goo" wa zi anghoid.

MATHE 6:18

Houg: gi byu shid moo anghoid- hang" we' amyang da" joyoo moo nyid nyid da:- Re" pho, shid khoin" moo za: nang zoo: noem zeung: da" khyoo: myang nyid wa nghoid wi gi hau: hang" amyang da" joyoo ri yo" myang da" re" phoo gi nang ri doem tau" byid: wa zi nghoid.

MATHE 6:4

Houg: su"- nang alu: byid: da" moozoo"- hang" amyang ase' jang moo nghoid nyid ri hang" amyang ase' da" joyoo ri myang se' da:- re" phoo gi nang ri doem tau" byid: wa zi nghoid.

MATHE 6:6

Nang akyu" mho' nghoid rigi re" da" khoug: lhung yab khyoo vang lo" lho: khoem" ri we' myhed" pyam' wigi hang" we' amyang da" joyoo moo re" phoo ri mho' we' hang" we' amyang da" joyoo ri yo" myang da" re" phoo gi nang mho' ziri byid: wa zi nghoid.

MATHE 7:8

Khasu" wim gari mho' mo, hang" we' yo" yu shoo: mo, we' shau" myang. Ko' nyid mo, ri we khoem" hpang byid.

ACTS 16:15

Nyang: yo' nya: yhoem: byu yi gi Babtisma bain kham: yu thang: ri Ludi tid zigi Ngoo gi Aseing: ri gi" gi, nyang: loem" jeung" zi nghoid bye" - ein: nanu" myed loem, bye: nghoid rigi nga" yhoem: moo re" beung" nyid yu" ge'. ga: ngoonu" ri lhoung: da- houg: su" wigi nyang: gi ngoonu" ri ngoug oung: yu da.

Roma 16:23

Ngoo ri being" di" su: - phung: byu yi akyu" mho' zeing: foem: nyid da" yhoem: seing: Ge u we' nanu" ri u" kaid' Hau: voomo ngei deig zoem: su: Erastu eig yug Kuartu we' nanu" ri u" kaid'.

1Korinthians 9:17

Ngoo he: da" moozoo" ri- nga" myid khyo" khyen: yu lho: dato' zei: nghoid rigi- la, ga, yoo" wa ziri: ge myid yu" nyid. Nghoid loug we' he: da" moozoo" gi Mangsoo myid loem wigi ab byid: to" moo" nghoid yoomo- zei: ca" da" yoovoin' daloem: nghoid ein: ngoo dazei: nyid.

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

2 Yohan 1:8

nghoid nyid Ngoonu" zei: to" da" moo" ri nanu" aci: phyug loo: za: nanu" da" vhu" kung: phoug" ri byeung" sho' shau" kham: yu goo" baja"-