MATHE 1:8 - Lacid Common Language Bible

⁸ Yosaphaid gi Yoram ri khu: kaid. Yoram gi Uzia ri khu: kaid. Uzia gi Yotham ri khu: kaid bye.

MATHE 1:8 ပူးပေါင်းရင်းမြစ်များ

1 KHOKHAM 15:24

Asa shid: bye: ziyo' David voomoo" mo khokham loeb boug moo: myhoeb too" bye:. Nya: yuggi zoo: Yehoshaphad gi nya: joyoo moo: khokham doem koid nyid bye:.

2 KHOKHAM 14:21

Hau: thang: Yuda mung" byu yigi daxe: khyug zain za: danghoid shid" da" nya: yuggi zoo: Uzia ri khokham khyo" bidmug zhung" byid: ago".

2 KHOKHAM 3:1

Yuda khokham Yehoshaphad vhoeb zi daxe: shed zain ein: zain moo Ahab da" yuggi zoo: Yoram gi Israela khokham bue" lo da:. Nyang: gi Samari moo daxe: eig zain vhoeb nyid da:.

2 KHOKHAM 8:16

Ahab da" yuggi zoo: Yoram gi Israela khokham khyo" vhoeb zi wim: zain nghoid uri Yehoshaphad da" yuggi zoo: Yehoram gi Yuda khokham bue" lo da:.

1 KHOKHAM MHOOMYID: 3:11

Yehoram- Ahazia- Yosha-

2 KHOKHAM MHOOMYID: 21:1

Yehoshaphad shid: wigi David voomoo" mo khokham loeb yoo mo myhoeb pyam ago". Nya: yuggi zoo: Yehoram gi nya: khoo: moo khokham xo' koid da:.

MATHE 1:7

Sholumon gi Rehoboam ri khu: kaid bye. Rehoboam gi Abia ri khu: kaid. Abia gi Asab ri khu: kaid. Asab gi Yosaphaid ri khu: kaid.

MATHE 1:9

Yotham gi Ahaza ri khu: kaid. Ahaza gi Hezekia ri khu: kaid.