MATHE 1:19 - Lacid Common Language Bible

¹⁹ Nya: yhoem: seing: phoo Yoseb koem gi deung main" su: nghoid yoo mo nya: yhoem: seing: myhi' ri sho' athu' nhang: noug yoo mo nyang: ri gau" nhang: kaid wa ga: soin: nyid.

MATHE 1:19 ပူးပေါင်းရင်းမြစ်များ

APOEM AYANG: 38:24

Lhammoo" soem" khyab myang" thang: ri subi" dayug Yuda ri «Re" dumoo" Thama gi shava myhi' te" koid bye: wigi akhid" zoonu" gung bue" jo, bye:» ga: tid kyo" boem ago". Yuda gi «Nyang: ri shu" thu yu lho: myi: yo' nghe' said pyam ge'» ga: amyeing" byid: kaid.

APOEM AYANG: 6:9

He: zigi Noa da" mhoomyid: nghoid. Nyang: gi Shem- Ham yo' Yaphed ein: da" yuggi zoo: soem" yug yo". Noa gi shoid vhang: khyoo: ajo, wigi nya: pyaid moo nyang: kyeing" za: byugi nghoid. Nyang: gi Mangsoo yo' tab did" nyid.

XOIN" NGEI" 19:20

«Join myhi' dayug gi yuggi phoo dayug da" dangcang: myhi' khyo" tu' to" wigi nyang: ri aphoug" byid: lho: anhang: kaid shi" uri nyang: yo' gootu: yuggi phoo dayug gung shoo" zoem" khau: nghoid rigi nya: tang: ri dam byid: wa zi nghoid. Nghoid loug we' nyang: gi join myhi' nghoid shi" yoomo said pyam shau" wa zi anghoid.

XOIN" NGEI" 20:10

Yuggi dayug gi nya: byencang" Israela byumyu" dayug da" yhoem: seing myhi' yo' gung shoo" zoem" khau: shoid nghoid rigi nyang: yo' myiyi: myhi eig tang: goin" said pyam zi shau" wa nghoid.

MARKU 10:4

Nyangnu" gi Moshe gi kang" pyam moug soug" byid: lho: nya: yoem: seing: myhi, ri kang" pyam wa akhang" byid: to"- ga" phoug tu" ago".

MARKU 6:20

Khasu" wim ga: ri Yohan gi deungmain" ziyo' gyeungshang: byu dayug nghoid ziri Herod se' lho: nyang: ri gyoug phau" ziyo' yu" goem byid: nyid. Yohan da" mungdang: shaug" gyoo: khang" moo"- nya: nheigloem: moo gyi" sho' nheigloem: amyen nghoid loug ri we' nya: mungdang: ri ngeibu: tung" za: tam" gyoo: nau nyid.

LUKA 2:25

Hau: uri Yerusalem voo moo Simun ga: da: byu dayug nyid. Hau: yug gi Mangso da" tarha" ri cang- loem" jeing" da" deung main" su: dayug nghoid.

ACTS 10:22

Nyang: ri" tid zigi ngoonu" ri gyizoug: phoo koneli wigi nhang: kaid' zi nghoid, nyang: gi byugi dayug nghoid lho: wigi Mangsoo ri coung" nghei nyid su: dayug we' nghoid ziyo' - Yuda byu yi dangain" mo, coem phau" myang: nyid su: nghoid. Re" da" mungdang: ri nyang: shau" tam" gyo: yu wa shid re-mau: lagyoo: dayug gi nang ri nya: yhoem: khyoo: khe: yu wa shid re" nyang: re" tid bye.

ACTS 27:39

Moug: bo" myo, myang loo lang" gi gyid sangphoo' ku" mo, gi nyangnu" kha: khyi, moo ju" nyid bye: ziri asi nghoid ago". nghoid loug we' nyangnu" gi mid' doem: daloem: ri shau" myang boem wigi ge, bue" nghoid rigi hau" joyoo khyoo: sangphoo' gu: dab, yhi: wa shid re" yoem: gye" kaid' nyid boem ago".

2~KORINTHU 1:15

He: khyoo: ri nheig shid: nheig deug ziyo: -nanu" eig lheung: mo da" jeju" yo" yu goo" baja"- nanu" jang" moo shi" ju" ri" wa ein:- xang: shid" ri ngoo nheig byu nyid.

TARHA" TID POIN" 22:20

«Nghoid loug we' yooboo zhug zi jo wigi hau: myiyi: nu" zoomyi: gyeing" nghoid ziri sagse: ajo, nghoid rigi