MATHE 1:18 - Lacid Common Language Bible

¹⁸ Akhid" Yesu Khristu khu: lo da" khyoo: gi hid: su" nghoid. Nya: myhi' Mari gi Yoseb dang: myed: too" bye: nghoid loug we' nya: eig yug gi dage" azoem" nyid shi" ri Mari gi gyeungshang: Venyi: khyo" zoonu" gung bue" loo bye.

MATHE 1:18 ပူးပေါင်းရင်းမြစ်များ

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

YOBA 14:4

Byu yhang: ti" ayung" gyeing" su: mo yung" gyeing" zi daja: we' alhung yo" thu loo nghoid da:.

YOBA 15:14

Byu xangsu: dayug gi gyeing" nyang: yo" gyeung" shang: wa la". Byu dayug gi Mangsoo yo' yi" wa la"

MATHE 1:1

He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

MATHE 12:46

Yesu gi Byu phung: moo ri kho" kyo" nyid da" uri-nya: myhi' yo' nya: nhung" gi ju" re" boem. Nyang: yo" shau" doem goo" wa ga: nghe: shoid moo re" lang" nyid boem.

MATHE 2:11

Hau: yhoem: moo ju" vang lo" boem ri zoonu" yo' nya: myhi' Mari ri myang boem wigi poid thug thoug lho: nyang: ri zheung: noku boem. Nyang: tu: nya: da" sadeig ri phang lho: nyang: ri sheing:- myi: nghe' nam pyo: xu:- myi: anghe' ja: mu" ra: jhung: shug ri thoid' yu boem lho: nyang: ri to' byid: boem.

LUKA 1:25

Elisabed gi akhid" ngoori Mangsoo gi jeju" byid: bye. Ngoori subi" juang" yi doin: khyo, da" khyoo: ri Aseing: wigi byug loo" nhang: bye: ga: tid nyid.

TARHA" TID POIN" 22:23

«Yuggi dayug gi gootu: dayug yug wigi mho' too" bye: da" myiyi: nu" dayug yo' voogung daloem: moo gung shoo" zoem" nyid uri zang" myang ein: shang.

HEBRE 10:5

Hougsu" nghoid yoomo Khristu gi he: mougmyid mooju" ri" wa ga: soin' nyid da uri Mangsoo ri Nang gi xoin" du: joem yo' jhung: shug ri vho: ngei nyid zi anghoid, nga" shid re" gung du: ri nang nyheung too" byid: abye:.

HEBRE 7:26

Hougsu" wigi Aseing Yesu gi ngoonu" moo bue" nyid da" ca" vho: khyoo: joem ri pang" byid: thug byid: wa ngoonu" shid re" gye" yhoug: gyen: da" khainjung agyi moo" nyang nghoid bye. Nyang: gi gyeungshang: su: nghoid nyid wigi-nyang: moo shoid vhang: zi youg: noo yooboo ci" we' aboo. Nyang: gi yooboo yoo" mo, phung: moo aboo- gooki" led' da" moug: khung: moug di moo ju" sho' coung" nghei tu: to' kaid zi shau" su: nghoid.