MATHE 1:12 - Lacid Common Language Bible

¹² Babelon moo thung: loung" thang: ri Yekhonia gi Salathila ri khu: kaid. Salathila gi Zerubabela ri khu: kaid bye.

MATHE 1:12 ပူးပေါင်းရင်းမြစ်များ

2 KHOKHAM 24:14

Nebukhadneza gi Yerusalem voobyu yi khokham kho" mo moo" voin ludaid dangain"- vhujhung: yi dangain" ri byu damoin ri thung: byu khyo" pyoung" shu" lo" da:. Nyang: gi lo, moo" jhang: bang: sham baid bang: dangain" ri we' pyoung" lo" da:. Yuda mung" mo gi myung shoo" da" bang: ri za: teing too" kho' da:.

2 KHOKHAM 25:27

Evilmerodag gi Babelon khokham bue" lo da" zain nyid moo nyang: gi Yuda khokham Yehoiakhin ri thung: mo nhang: kaid byid: da" khyo" nheig khyeug myid ci: shug byid: da:. He: zigi Yehoiakhin ri thung: byu khyo" myheig lo" thang: soem" xe: nyhed zain ein: zain lhammoo" daxe: eig khyab- eig xe: nyhed nyid" nyid" moo bue" zi nghoid da:.

1 KHOKHAM MHOOMYID: 3:17

Hid: bang: gi Babelon byu yi wigi thung: byu khyo" shu" nyhid: too" shau" su: khokham Yehoiakhin da" amyed ashen yi nghoid da:. Yehoiakhin gi yuggi zoo: nyhid yug yo" da:. Houg: bang: gi Shelatela-

EZRA 3:2

Yehozadag da" nya: zoo: Yeshua yo' nya: byencang" khainjung yi we' Shelatila da" nya: zoo: Zerubabela yo' nya: bidnoem yi we' wigi Mangso da" byu Moshe da" tarha" moo lhid" to" jhoug" shid khyoo: yo' dakhyoo" ti" nyangnu" myi: nghi' xoin" to' wa shid re" Israela byumyu" yi Mangso da" xoin" to' phoin: ri doem koid abye: go".

EZRA 5:2

Shelatila nya: zoo: Zerubabela yo' Yozadag nya: zoo: Yeshua gi nyang: tang: da" mungdang: ri shoug" gyoo: lang" nyangnu" gi Yerusalem mo Noku Yhoem: Moo" ri doem koid shid" loo" bye: ziyo' nyangnu" ri lapi: eig yug we' bo pang" ago".

NEHEMIA 12:1

Vhoo: mo zhayhen" gi Shealtiela da" yuggi zoo: Zerubabela yo' khainjung moo" Yoshu tang: yo' dage" pyoung" she: lo" jang" mo doem tau" lo da" khainjung yi yo' Levi byu yi da" zhayhen" nghoid da:. Seraia- Yeremia- Ezra- Amaria- Malug- Hatusha- Shekania- Rehum- Meremod- Ido- Ginethoi- Abiya- Miyamin- Madia- Bilga- Shemaia- Yoiarib- Yedaia- Salu- Amog- Hilkia yo' Yedaia bang: nghoid ago". He: yuggi yigi Yoshu pyaid moo nyangnu" khainjung byencang" yi moo vhujhung: bui" bang: nghoid ago". Vhoo: mo bang: gi jeju" boin: jikhoin" khoin" jang" moo yu" coung: bang: nghoid ago". Yeshua- Binui- Kadmiela- Sherebia- Yuda yo' Matania bang: nghoid ago".

YEREMIA 22:24

Aseing gi Yuda khokham Yehoiakim da" yuggi zoo: khokham Yehoiakhin ri «Ngoo gi kangso' dei da" Mangsoo gyeing" nyang: nghoid. Nang gi nga" lo, yo lo, mo dazid lo, pain" nghoid rilang" nang ri ngoo khyoid khyo, pyam wa.

YEREMIA 22:28

Ngoo gi «Khokham Yehoiakhin gi she: pyam bye: wigi hang" avho: da" jhuang: go, yhang: ti" bui" bye: la". Hau: zigi nyang: yo' nya: zooshang: yi ci: ase' to" da" mung" khyoo: pyoung" shu" loo" shau" da" khyoo: nghoid la"» ein: tid.

YEREMIA 22:30

«He: byu Yehoiakhin yug gi zooshang: yi ci: phyug wa dang: phyed zi shoug" yug Khanham we' oung: doid khyoo: ashau" wa yug nghoid da:. Nyang: gi David da" khoo: moo khokham xo' koid bang: yhang: ti" Yuda mung" ri vhoeb wa bang: nghoid wa da amyed ashen yi ayoo" wa. Ngoo Aseing tid too" bye:» ga: tid da:.

HAGI 1:1

Persi mung" moo Dari gi Khokham khoo" zhoung: zi eig zain ein: zain lhammoo" khyug khyab xain" danyid" moo Aseing jang" mo mungdang: gi Lapi: Hagi khyo" wigi Shelati Yuda mung" zoug: Zerubabela yo' Yehozadag da" nya: zoo: khainjung moo" Yoshu eig yug shid re" ju" ri" bye:.

HAGI 1:12

Hau: uri Babelon mung" khyoo: pyoung" she: loo" shoug" jang" mo doem tau" lo da" Zerubabela- Yoshu yo' byumyu" yi dangain" gi Aseing Mangsoo nyangnu" ri koid nhang: da" moo" ri koid bye:. Nyangnu" gi Aseing lapi: Hagi ri gyoug boem ziyo' tam" gyo: nyid boem.

HAGI 1:14

Aseing gi yhoem: moo" ri doem koid wa shid re" pyoung" she: loo" shoug" jang" mo doem tau" lo da" Yuda mung" zoug: Zerubabela khainjung moo" Yoshu yo' mung" byu yi dangain" da" nheigloem: ri tid nhau" to' kaid. Nyangnu" gi Dari khokham khoo" zhung: da" eig zain ein: zain lhammoo" khyug khyab eig xe: myid: nyid" moo yoem: moo" bo da" Aseing nyangnu" da" Mangso da" yhoem: moo" ri aseig doem koid shid" lo" boem bye:.

HAGI 2:2

Yuda mung" zoug: Zerubabela yo' khainjung moo" Yoshu ri we' mung" byu yiri we' tid kyoo" we' ga: lapi: Hagi ri tid zigi

HAGI 2:23

Hau: bidnyid moo Shelati da" nya: zoo: nga" join Zerubabela nang ri ngoo shu" yu lho: nga" myeing ri ci: wigi yo" vhoebkhang" nyid wa shid re" nang ri gain khain" byid: too" wa. Nang gi ngoo khyen: yu too" su: nyang: nghoid ga: yoem: moo" bo da" Aseing tid nyid.

MATHE 1:11

Yosia gi Babelon mung" moo thung: lo" lung" wa da" xeig moo Yekhonia yo' nya: mang: nya: nhoung" ri khu: kaid bye.

MATHE 1:13

Zerubabela gi Abiu ri khu: kaid. Abiu gi Aliakim ri khu: kaid. Aliakim gi Azura ri khu: kaid.

MATHE 1:17

Houg: su" wigi Abraham da" pyaid mo David da" pyaid ju" sho' daxe: myid: xeig- hau: lho: David da" pyaid mo Babelon mung" moo thung: loung" lo" da" ayo, ju" sho' daxe: myid: xeig- Babelon moo thung: loung" jang mo Khristu da" pyaid ju" sho' daxe: myid: xeig nghoid.

LUKA 3:27

Yoda gi Yohan da" nya: zoo:- Yohan gi Resa da" nya: zoo:- Resa gi Zerubabela da" nya: zoo:- Zerubabela gi Salathila da" nya: zoo:- Salathila gi Neri da" nya: zoo: nghoid.