MATHE 1:11 - Lacid Common Language Bible

¹¹ Yosia gi Babelon mung" moo thung: lo" lung" wa da" xeig moo Yekhonia yo' nya: mang: nya: nhoung" ri khu: kaid bye.

MATHE 1:11 ပူးပေါင်းရင်းမြစ်များ

2 KHOKHAM 23:31

Yoahaza gi Yuda khokham bue" lo uri apyaid eigxe: soem" zain nghoid bye:. Nyang: gi Yerusalem moo lhammoo" soem" khyab vhoeb da:. Nya: myhi' gi Libna voomoo" mo Yerimia da" myiyi: zoo: Hamutala nghoid da:.

2 KHOKHAM 24:14

Nebukhadneza gi Yerusalem voobyu yi khokham kho" mo moo" voin ludaid dangain"- vhujhung: yi dangain" ri byu damoin ri thung: byu khyo" pyoung" shu" lo" da:. Nyang: gi lo, moo" jhang: bang: sham baid bang: dangain" ri we' pyoung" lo" da:. Yuda mung" mo gi myung shoo" da" bang: ri za: teing too" kho' da:.

2 KHOKHAM 25:11

Hau: thang: Nebuzaradan gi voomoo" moo nyid deing jo, da" voobyu yi deing jo, da" lo, moo" jhang: bang:- Babelon byu yi jhang phang: dab lo" byug bang: ri Babelon khyoo: pyoung" shu" lo" da:.

2 KHOKHAM MHOOMYID: 36:10

Zain vang khoem" ju" lo lang" Nebukhadneza gi Yehoiakhin ri thung: byu khyo" Babelon khyoo: myheig shu" lo" lho: noku yhoem: jonu" joem ri de" lo" byug da:. Hau: thang: Nebukhadneza gi Yehoiakhin da" nya: goin Zedekia ri Yuda yo' Yerusalem da" khokham koid nhang: da:.

2 KHOKHAM MHOOMYID: 36:20

Nyang: gi nyid deing da" bang: dangain" ri Babelon khyoo: shu" lo" wigi houg: moo nyangnu" gi nyang: ri yo' nya: amyed ashen yiri Persi khosen to' lo da" ayo, ju" sho' join yi khyo" dei byid: ago".

ESAIA 13:1

He: zigi Amoz da" yuggi zoo: Esaia gi Mangso jang" mo kham: yu da" Babelon yo' sen: da" mungdang: nghoid da:.

YEREMIA 39:9

Lo" thang moo gyizoug: phoo Nebuzaradan gi nya: jhang lo phang: nyid boem da" bang: yo' dage" thung: byu khyo" Babelon khyoo: shu" lo" wa voogung moo nyid deing nyid da" bang: ri shu" lo" da:.

DANIELA 1:2

Aseing gi Khokham Yehoiakim ri myheig yu lho: Noku Yhoem: Moo" mo jonu" ziyoo dayham" ri shoem" yu wa akhang" nyang: ri byid: da:. Nyang: gi thung: byu dayham" ri Babelon mo nya: da" yu phara" joem noku yhoem: khyoo: shu" lo" lho: shoug" zheing" yu da" jonu" ziyoo joem ri noku yhoem: mo zi too" yab joem moo lo" to" to" da:.

MATHE 1:12

Babelon moo thung: loung" thang: ri Yekhonia gi Salathila ri khu: kaid. Salathila gi Zerubabela ri khu: kaid bye.

MATHE 1:17

Houg: su" wigi Abraham da" pyaid mo David da" pyaid ju" sho' daxe: myid: xeig- hau: lho: David da" pyaid mo Babelon mung" moo thung: loung" lo" da" ayo, ju" sho' daxe: myid: xeig- Babelon moo thung: loung" jang mo Khristu da" pyaid ju" sho' daxe: myid: xeig nghoid.