MATHE 1:1 - Lacid Common Language Bible

¹ He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

MATHE 1:1 ပူးပေါင်းရင်းမြစ်များ

APOEM AYANG: 12:3

Nang ri mainkaid dang: sang: mo, ri ngoo we' mainkaid byid: wa. Nghoid loug we' nang ri nheing" mo, ri ngoo we' nheing" wa. Houg: lho: nang yoomo ngoo gi byumyu" dangain" bang: ri mainkaid byid: wa» ga: tid.

APOEM AYANG: 2:4

He: zigi mougkhung: myidjang ri khasu" phain" so: to" da" khyoo: nghoid. Aseing Mangsoo gi mougkhung: myidjang ri phain" so: uri

APOEM AYANG: 22:18

Ngoo gi re" amyed ashen yiri mainkaid byid: yhang: ti" byumyu" bain sho' bang: we' nyangnu" ri mainkaid byid: wa shid re" ngoo ri mho' loo wa nghoid. Khasu" wim gari nang gi dang: ri tam" gyoo: yoomo nghoid bye:» ga: tid.

APOEM AYANG: 5:1

He: zigi Adam da" amyed ashen lhid" xoem" nghoid. Mangsoo gi xangsu: byu ri phain" so: uri nyang: gi nyang: yhang: te" da" xangsu: byu phain" so: too" bye:.

COUNG" NGHEI 132:11

nang gi David ri geung: teung dangsoo" khoin" byid: too" bye:- dangsoo khoin" ri: nang doem yoeb yu wa zi anghoid- hau: dangsoo" khoin" gi ngoo gi re" zoo: yi mo dayug ri khokham bui" nhang: lho: nyang: gi re" thang: moo: khoo" zhung: wa zi nghoid.

COUNG" NGHEI 89:3

nang tid to" zigi" ngoo khyen: too" su: yo' ngoo dang: theing too" bye: nga" dei zoo- David ri dang: theing byid: too" bye: ziyo' dakhyoo" ti

COUNG" NGHEI 89:36

Nya: da" amyed ashen yigi xo' loo: xo' danyid nyid boem wa zi nghoid bidbang dajo, jo, gi ngoo nya: mungdain: ri dazoung" yu" nyid wa zi nghoid.

ESAIA 11:1

David da" khokham kung: gi thug lheing: pyam bye: da" seiggam yhang: ti" nghoid da:. Nghoid loug we' seig ngoid mo seig bu: aseig to re" ziyo' dakhyo" David da" amyed ashen yi mo khokham aseig dayug doem thu loo wa.

ESAIA 53:8

Nyang: gi myheig yu shau" wigi dang: phyed lho: shid: wa jang" khyoo: shu" thu lo" ago". Nya: da" vhu" pi: lo, kyo' ri hang" we' ayo" myang byid: nghoid da:. Ngoonu" byumyu" yi da" yooboo shid re" nyang: said pyam zi shau" da:.

YEREMIA 23:5

Aseing tid zigi «David da" amyed ashen mo deingmain" da" byu dayug ri khokham khyo" khyen: yu wa ayo, ju" lo nyid bye:. Hau: khokham gi phajhi" boo boo za: vhoeb wigi mungdain: goin" moo jo ziyo' tarha" deing byeung" zi koid loo wa.

YEREMIA 33:26

Ngoo tid su" gyeing" nyang: koid bye: ziyo' dayhang: ti"- Yaku da" amyed ashen yi yo' nga" dei zoo: David yo' koid to" da" nga" dang: theing ri ngoo zoem: ci: wa. Abraham- Isag- Yaku bang: da" amyed ashen yiri vhoeb wa shid re" David da" amyed ashen yi' mo dayug ri ngoo khyen: yu wa. Nga" byumyu" yiri ngoo nheig khyeug shoo" myen: wigi nyangnu" ri doem nyid ge yab gi nhang: wa.

AMO 9:11

Aseing tid zigi byo, yoin" loo" bye: da" yhoem: yo' du da" David mungdain: ri ngoo doem tu: to' kaid wa da" bidnyid gi ju" loo bye:. Hau: voogung vang khyam: joem ri ngoo doem nyheung pho: lho: doem tu: to" wa. Ngoo gi hau: ziri doem zhug to" lho: goonham' yo' dakhyoo" ti" koid wa nghoid.

ZEKHARIA 12:8

Hau: ayo, moo Aseing gi Yerusalem moo nyid mo, ri lhoug zung" lho: wigi nyangnu" khoug: mo yoem: neing: thang loug we' David yhang: ti" yoem: bo loo wa. David da" nya: myid: nya: zoo: yigi nyangnu" rilang" gi Aseing da" lagyoo: yhang: ti" Mangsoo nyang: yhang: ti" David nya: myid: nya: zo: wigi shu" vhu" shi: wa zi nghoid.

MATHE 1:18

Akhid" Yesu Khristu khu: lo da" khyoo: gi hid: su" nghoid. Nya: myhi' Mari gi Yoseb dang: myed: too" bye: nghoid loug we' nya: eig yug gi dage" azoem" nyid shi" ri Mari gi gyeungshang: Venyi: khyo" zoonu" gung bue" loo bye.

MATHE 1:2

Abraham gi Isag ri khu: kaid. Isag gi Yaku ri khu: kaid. Yaku gi Yuda yo' nya: mang: nya: nhung" yi ri khu: kaid.

MATHE 15:22

Hau: moug mo Khanan myiyi: myhi, dayug gi nya: jang" moo re" lho: «David da" nya: zoo: we"- ngoori nheig khyeig byid: we' nga" myiyi: zoo: ri yu vang wigi shen" yhen kyi" kyeig zi shau" nyid» ga: re" nyho: tid.

MATHE 3:16

Akhid" Yesu baptisma bain kham: yu lang" gyid thoem" mo to' thu' lo" da" uri yu" ge' mougkhoung: khoem" duang: bang" lo" lho: Mangso da" Venyi: gi pheing" kyoug" su" dang: gyoo" lo wigi nya: tho' moo zhoung: jo, zi nyang: myang.

MATHE 9:27

Yesu gi hau: joyoo mo doem so" lo" ri myo, amyang da" byu eig yug nya: jang" moo cang lo lho: «David da" nya: zoo: we"- nga" eig yug ri nheig khyeig yu shi" we' o"» ga: yoid tid ago".

LUKA 1:33

Nyang: gi Yaku da" Byumyu" ri byeing abyid: loo" vhoeb khang" wa. Nyang: zhoung: da" khokham" khoo" mo kha: nham we' gyoo" loo: wa zi anghoid ga: Mari ri tid.

YOHAN 7:42

Meshia gi David da" nya: myid nya: zoo: nghoid ca" ga: wigi we' David nyid khare" da" Bedlehem mo po" thu' loo wa ga: wigi we' Jhoem: dang: moo bo ga: wigi we' tid go" nyid boem da.

ACTS 2:30

Nyang: gi lapi: nghoid lho-Mangsoo gi nyang ri dang: soo" khoin" byid: to" ziri nyang: se' da. Mangsoo gi David khokham" yo' dakhyoo" ti" khokham" koid wa nya: da" akung: mo khokham" thu ri" nhang: wa ga- jham, tang: to.

Roma 1:3

Hau: ngeibu lu dang: ein: zigi - David akung: mo khu: lo lho: xang: su: byugung re" void da" Mangso nya: zoo: ngoonu" da" Aseing Yesu Khristu da" khyoo: nghoid.

Roma 4:13

Mangsoo: gi Abraham: yo' nya: zoo: yi ri mougmyid ri shau" seing: wa ga: dang: soo" byid: to" - hau: dangsoo" gi Abraham: Moshe tarha" ri cang nyid yoomo anghoid. Ciwim gari Mangsoo: ri loem" jeung" yoomo nyang: ri deingbyeing" su: nghoid ga: Mangsoo: soin: yu yoomo nghoid.

Roma 9:5

Ngoonu" gi Yuda byumyu" phoug" phyid" mo xo' gyoo" loo mo nghoid. Khristu we' - byuxeig khyo" ga: ri gi houg: bang: da" byukung: nghoid. Jo, moo jo, - nyid moo nyid ri vhoeb' khang" da: Mangsoo: gi - apyaid' atoo: moo myonhoo: phung yoeb dabo nyid baja" o" - Amen.

GALATI 3:16

Akhid" Mangsoo gi nya: da" dang: soo" khoin" gi Abraham yo' nya: myid: nya: zoo: yi ri byid: too" bye- jhoem: mougsoug" gi nya: myid: nya: zoo: myoo" sho' byu yug myoo" sho' ga: dang: ri aci- re" myid: zoo: ein: da" dayug ri kyeing" tid nyid wigi hau: zigi Khristu ri tid nyid zi nghoid.

1 TIMOTHI 2:5

Khasu" wim ga: ri Mangsoo gi dayug za: danghoid ziyo' byu yi ri tid nyheing tid feing" byid: su:- xang: su: byu re" bue" da" Khristu Yesu ein: zi we' dayug kyeing" danghoid.

2 TIMOTHI 2:8

Ngoo kho" kyo" da" ngei bu: lu dang: moo bo ziyo' dakhyoo" ti"- shid: byug bye: bang: mo doem, dei to'' lo da" David da" akung: ako'' nghoid nyid da" Khristu Yesu ri boin: so" nyid we'.

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.