MARKU 8:23 - Lacid Common Language Bible

²³ Yesu gi myo, jed su: ri vooyam, khyoo: shu" she: thu' lo"- Nya: myojid" moo shi" kain" bain teug byid: lang" Yesu gi hau: youg tho' moo lo, ki" byid: lho: daja: ja: ri nang myang la"» ga: nyang: ri myid: da:.

MARKU 8:23 ပူးပေါင်းရင်းမြစ်များ

ESAIA 44:2

Ngoo gi: nang ri phain" so: to" da" Aseing nghoid. Nang khu: lo da" ayo, mo ngoo nang ri pang" thoug byid: bye:. Agyug- nang gi nga" dei zoo: nang gi ngoo jheddab da" ngo wigi khyen: to" da" nga" byumyu" nghoid.

ESAIA 51:18

Nang ri shu" wa hang" anyid Re" byumyu" yi phung: moo nang ri lo wigi shu" shi: wa hang" anyid.

YEREMIA 31:32

Ngoo gi nyangnu" ri lo, mo she: wigi Egutu mung" mo shu" thu lo uri nyangnu" phoug" phyid" yi yo' ngoo koid to" da" dang: theing axoug" yo' adu wa. Ngoo nyangnu" ri yhoem: seing: phoo yhang: ti" koid sho' nghoid loug we' nyangnu" nga" dang: theing ri aphoug" cang nghoid ago".

MARKU 5:23

Nga" myiyi: nu: no shid: lo" - nyid nya: noo ge lo lho: dei nyid wa shid re" nya: tho' moo re" lo, re" ki" byid: we' ga: yoem: kaid re: mho' da.

MARKU 7:33

Houg: lang" Yesu gi mo, phung: mo nyang: ri za: gootu: dajhoin: khyoo: shu" thu lo" wigi hau: youg nukhyung: khyoug: moo nya: lo, nyhoug: thau" kaid byid: lho: nya: yhoo: moo lo, nyoug" moo shikaim" teug wigi thoug" byid:.

MARKU 8:24

Houg: lang" myo, jed su: gi tu" lho: «byu joem ri ngoo myang- nghoid loug we nyangnu" gi seig gam joem yhang: ti" so" yen" ago"» ga: tid kyo".

MARKU 8:26

Houg: lang" Yesu gi nyang: ri voogung khyoug: khyoo: avang loo: ga: amyeung" byid: lho: nya: yheom: khyoo: loo" nhang.

ACTS 23:19

Houg: lang" gyizoug: moo" gi nyang: ri lo, mo she: yu lho: gau: da" joyoo khyoo: shu" yhe: lho: nang ngoori ce: ja: tid kyoo" nau, lha"» ga: myed.

ACTS 9:8

Sholu gi myidjang: mo to' re" lho: nyang: myojid" ri phang kaid' nghoid loug we' - ci" we' amyang loo: nghoid da. Houg: yoomo Sholu ri nya: lo, mo she: lho: wigi Damasku voogung khyoo: shu" vang lo" boem ago".

HEBRE 8:9

He: da" dang: thang" cab, gi Nyang: nu" ri nga" lo, yo' she: yu wigi Egutu meing: mo shu" thu' lo da" uri nya: phoug" nya: pho, yo' too" go" da" dang: soo" khoin" yo' du, goo" loo: wa zi anghoid. Nyang: nu" gi ngoo nyangnu" yo' too" go" da" dang: soo" ri lhed: pyam' yoomoo- ngoo nyangnu" ri ayu" acoung: loo wa, ga: hau: Aseing: gi tid nyid.

Pang Shug 3:18

Houg: su" nghoid yoomo nang gi yo" loo de, loo wa shid re" sheing: gyeing" ri nga" jang" mo qei yu wa shid mo ngoo phajhi" byid - hau: tho' mo gootu: asho, ashid: da" shoo" cen: doem: moo goo wa shid re" yo' Nanyang: void wa shid re" phyu: gyeung" da" byimi ri nghoid loug we' nga" jang" mo qei yu we'.