MARKU 7:5 - Lacid Common Language Bible

⁵ Pharishe" yo' tarha" sara yi gi Yesu ri myid: zigi re" cangzoo: yi gi ciwim ngoo nu" phoug" phyed" thung" ri acang loo:- asan asen" da" lo, wigi lab, zo: nyid goo" lha".

MARKU 7:5 ပူးပေါင်းရင်းမြစ်များ

MATHE 15:2

«Goonham mo phoug" phyid" yi jhau" to" da" khoin" thui: ri Re" cangzoo: yi gi ci: wim acang go" lha". nyangnu" gi ngoonu" thung" yo' dakhyoo" ti"- voem: azoo: shi" ri lo, acid" boem» ga: Yesu ri tid.

MARKU 7:13

Hidsu" nanu" da" phoug" phyid" thung" ri nanu" lo, lid jhoug" byid: ziyo' - Mangso mungdang: ri gi jang" pyam boem bye- hid: yhang: te" zi gootu: myoo" sho' ja: we' nanu" koid shi" ago".

MARKU 7:8

Nanu" gi Mangso da" amyeung" dang: ri to" pyam kho' lho: byu yi jhoug" byid: thung" ri joem ri phau" cang nyid ago"» ga: tid.

MARKU 7:9

Xo, lho: Yesu gi «Nanu" gi nanu" nya: da" thung" ri ri yo" phau" cang wa shid re" Mangso da" amyeung" dang: joem rigi gye" shoeb shoeb za: ngeug she: pyam boem abye:.

ACTS 21:21

Nang gi tungbau mungdain moo nyid da- Yuda byumyu" yi ri nyangnu" da" myed: zoo: yi ri athang: yham" khyoo: akoid wa ziyo' - Yuda thung" tarha" ri acang loo: wa shid re tid yoomo nghi: zain' mungdain moo nyid da" Yuda yi gi Moshe tarha" ri she: pyam' ca" da" khyoo: ri nang jhoug" byid: loo bye"- ga: tid ziri nyangnu" shau" gyo: ci: boem abye: go.

ACTS 21:24

Nyang: nu" ri shu" lo" lho: kyeung sain' da" khyoo: ri nyangnu" yo' dage" lo" koid we' Nyang: nu" gi vhu" dung: yo" doung: pyam' boem wa shid re" - nyangnu" kyeung sain da" khyoo: koid da" jang" moo gyoo" eung: da" aphoug" gi nang bo byid: we'. Hidsu" koid yoomo Re" khyoo: yo' sen: lho: nyangnu" shau" gyo: da" ludang: joem gi adeung nhung: ga: ziyo' - nanyang: we' Moshe da" tarha" ri phau" cang su nghoid nhung: ga: ziri we' - yug khang" moo" se' lo" boem wa zi nghoid.

Roma 4:12

Nyang: gi shooyid' thang: yham" mo da" nya: phoo we' nghoid. Dakhyo" ein: rigi nyang: gi shooyid thang: yham" zi kham: yu su: za: anghoid ngoonu" phoo Abraham: sho" yid thang: ayham" shi" mo Mangsoo: ri loem" jeung" lho: - kangso' dei so" yen" su: nghoid.

GALATI 1:14

Yuda noku thung" ri khyag cang zei: lo khyoo: moo ngoo gi nga" da" byumyu" mo, yam: cang" yi myoo: sho' bang: tho' moo jain" lho: wigi nheigloem: zug ci: ziyo' phoug" phyid" yi da" jhoug" myeing" joem ri cang pyeung lo yu" bye: zi nghoid.

2 THESALONI 3:11

Ngoonu" gi he: da" khyoo: ri ci: wim tid lha"» ga: rigi nanu" mo byu dayham" bang: gi nei" lho: kang: so' dei nyid boem wigi ce" moo" we' azei: boem loo; za: byu gooji da" moozoo" moo vang lhu: nhoung yen" bang: nyid se' boem ziri ngoonu" shau" gyo: nyid.

2 THESALONI 3:6

Mang nhung" yi we"- nei" zoore" kangso' dei nyid bang: dangain" yo' we' ngoonu" jhoug" byid: khyoo: ri acang lo" bang: yo" we' azoem" goo" loo- gootu: sain' sain' koid nyid wa shid re" we' Khristu da" myeing khyang" kyo" nanu" ri ngoonu' tid poin" kaid'.