MARKU 7:4 - Lacid Common Language Bible

⁴ Hau: lho: kid" mo qei ci: lo da" zi dangain" ri we' cid" shi" acid" sain pyam zi nyangnu" azo: yu" boem nghoid da. Hau: tho' moo gootu: goem-oug" yo' gyid goem- yhoeb, joyoo: ri ced" san da' thung" ri myoo" sho' ja: ri we' nyang nung yo" yu ziyo' dakhyo" lhoung cang nyid boem zi nghoid.

MARKU 7:4 ပူးပေါင်းရင်းမြစ်များ

COUNG" NGHEI 26:6

Aseing we" ngoo gi ce" yooboo adab, khyoo: ri toin" shed wa shid re" Ngoo gi ngoo: nya: lo, ri ced" pyam lho: re" da" xoin" ngei" phoin: loem: lheing khab, moo: lo coung" nghei.

ESAIA 1:16

Nanu" nya: gung ri sain' sho' koid pyam ge'. Nanu" koid nyid ziri ngoo myang da" he: akhyeing" da" moo" dangain" ri theing: pyam ge'. Nghoid bye:- akhyeing" da" moo" ri theing: pyam lho:

YEREMIA 35:5

Hau: thang: khu joem yo' zabyid yhid: byeung" sho' bo da" koem: joem ri Rekhab byu yi da" shidkhoin" moo too" byid: wigi nyangnu" ri «Zabyid yhid: dajhi' shug ge'» ein: tid.

YEREMIA 4:14

Yerusalem we" nang khyoid yu shoug" wa shid re" re" da" nheigloem: khoug: mo akhyeing" ziri cid" pyam we'. Nang gi khamyhang myang" sho' yooboo moo" ri xo' myid nyid wa la".

MATHE 23:25

«Akug void tarha" sara: yi yo" Pharishe yi we"- nanu" gi joem: lo" abye: go. Nanu" gi khu, bain ri atho' moo za: te: cid" lho: nghoid loug we' nheigloem: ung: khoug: moo gi myo, no, vhoo: bo- akhyeing" ashoeb- khoug" zo: mhoug zo: da" ziyo' byeung" jozi gi nanu" shid' re" khayhi' gyoug phoo" nghoid.

MATHE 23:26

Myo, jed da" Pharishe yi we" nanu" da" khu, bain joem ri akhoug: moo shi" ced" san pyam ge'. Houg: su" koid: lang" adang shoid' moo we yung" lho' loo wa zi nghoid.

MATHE 27:24

Hau uri Pilai gi khasu' ase' xo' tid loo khasu" we' ase koid: lol. Meing: byu yi lu: fu: loo wa ziri za: myang yoomo gyid khu, yu lho: «he: yug shid: lo" da" khyoo: gi nga" yooboo anghoid. Nanu" da" moo' za: danghoid wa» ga: byu yi da" shid khoin" moo nya: lo, ced.

MARKU 7:8

Nanu" gi Mangso da" amyeung" dang: ri to" pyam kho' lho: byu yi jhoug" byid: thung" ri joem ri phau" cang nyid ago"» ga: tid.

YOHAN 2:6

Hau: joyoo moo galain eigsoem" xi: koo: vang da" yam: zeing: khyug loem: jo. Yuda byumyu" yi da" loem khau : khyoo: yo' dakhyoo" ti"-- cid" sain wa shid' re" to" da" yam: joem nghoid.

YOHAN 3:25

Yohan da" cangzoo: yi dayham" bang: gi loem: hau khyoo: moo ced" shang: khyoo: yo" sen: lho: Yuda byu dayug yo" ngeig go" nyid.

HEBRE 9:10

Hau: gu: gi zoo: noem, shug phoo" yo' ced" yung" ced" lho, da" thung" aja: ja: yo' sen: lho: wigi zei: da" khyoo: za: nghoid nyid. Hau: gu: giMangso wigi aseig dioem nyheung so' da" apyaid' aju" shi" uri byam, koid to" da" atho' pyam: yo' sen: da" cang yhe: loo" wa tarha" thung" ri nghoid nyid.

YAKU 4:8

Mangso jhang yu: tain" ri" ge'. houg: lang" Mangsoo we' nanu" jhang khyoo: yu: tain" loo wa yooboo yoo" bang: we" nanu" da" lo, ri cid" pyam' ge' nheigloem: eigkoo, boo mo, we"- nanu" da" nheigloem: ri cid" shang: pyam ge'.

1YOHAN 1:7

Nghoid loug- nyang: gi bidbang moo nyid nyid yhang: ti"- ngoonu" we' bidbang moo kangso' dei so" yen" boem nghoid rigi ngoonu" dayug yo' dayug nyang: cang"- zoem" khau: nyid mo, nghoid boem ziyo' nya: zoo: Yesu da" suid" gi ngoonu" mo youg: noo yooboo dangain" ziri yo" cid" yung" cid" shang: pyam' byid: bye.