MARKU 7:2 - Lacid Common Language Bible

² Nyangnu" gi nya: da" cangzoo: yi dayham" lo, acid" pyam loo:- asan da" lo. Wigi vhoem: zo: nyid ziri zang" myang ago". Houg: yoo mo pharishe" gi hau: khyoo: byu mung" byu yi ri tid kyo".

MARKU 7:2 ပူးပေါင်းရင်းမြစ်များ

MATHE 15:2

«Goonham mo phoug" phyid" yi jhau" to" da" khoin" thui: ri Re" cangzoo: yi gi ci: wim acang go" lha". nyangnu" gi ngoonu" thung" yo' dakhyoo" ti"- voem: azoo: shi" ri lo, acid" boem» ga: Yesu ri tid.

MARKU 7:5

Pharishe" yo' tarha" sara yi gi Yesu ri myid: zigi re" cangzoo: yi gi ciwim ngoo nu" phoug" phyed" thung" ri acang loo:- asan asen" da" lo, wigi lab, zo: nyid goo" lha".

LUKA 11:38

Nyang: gi hau: youg yhoem: moo yhe: lho: zoobue" moo zhoung: jo. Voem: azoo: shi" da" uri Yesu gi lo, acid" ziri pharishe myang lang" gye" mau" nyid ago".

ACTS 10:28

Petru nyangnu" ri tid zigi Yuda byu dayug gi tungbau byu yi yo' age zoem" goo" - dage" age nyid ga: ziri nya: noku thung" khyo" toung: to" zigi nanu" nyang: voin: tang: si' gu nghoid bye. Nghoid loug we' hang" ri nghoid loug we' Noku thung" khyo" agyeing" ashang: yung" alhoo, ein: wigi hang" ri we' ngoo age myed lo: khyoo: ri Mangsoo gi ngoori toin" shid' too" bye.

ACTS 11:8

Nghoid sho' loug we' ngoo gi " Aseing: we" da jhi, we' age bui"- hau: aco' ajhoid ja: anghoid lang" gi agyeing" ashang: da" zoo: noem, ri ngoo khanham we' azo: yu" - ein: phoug tu.

Roma 14:14

Ce: ja: zoo: noem ri we' phain" to" zi yo" dakhyoo" ti" aco' ajhoid' anghoid da" khyoo: ri ngoonu" gi Khristu yo" dadeing: daloem: nghoid khyo" yo" boem nghoid loug we' zoo: noem daja: ja: gi aco' ajhoid' nghoid ga: myid su: shid' re" gi aco' ajhoid' nghoid.

HEBRE 10:29

Houg: su" nghoid rigi Mangso da" nya: zoo: ri aphoug" akhyoid' koid su: gi ngoonu" gi nyang: ri youg: noo yooboo mo ced" gyeing ced" shang: yu da" Mangso dang: theing khoin" yo' sen: da" suid" ri ci: asoin: cishu: anhang: su: gi jeju" byid: nyid da' Venyi ri aphoug" zoo: wa da" shid: gyoin, noo gyoin gi khayhi' je" no, wa lha". damyid yu" ge'.

Pang Shug 21:27

Nghoid loug we' anyhoin: athoung" khyoo:- asho' ashid: da" moo" zei: mo, mhoug zoo: fain" zoo: bang: hang" we' hau: voogung khyoo: khanham we' yo" vang loo" goo" wa zi anghoid. Yang nu" da" kang: so' mougsoug" pug moo myeing boo mo, za: date: yo" vang loo" wa nghoid.