MARKU 5:14 - Lacid Common Language Bible

¹⁴ Vu, zung" mo, gi tang" phang: lo" lho: hau: khyoo: ri voomoo" khoug: moo" we' khyam: yoo joem khyoo we lo" tid fu" kaid ago". Houg: lang" mung" byu yi gi bue" lid loo bye: da" khyoo: ri yu" wa shid mo hau: joyoo kkyoo: thu' yhe: lo" boem ago".

MARKU 5:14 ပူးပေါင်းရင်းမြစ်များ

MATHE 7:6

«Gyeungshang: da" ziri lakhuid" joem ri abyid: goo. Nanu" da" vhu" shid ri vu, joem da" shid khoin" moo ashe: pyam' too" goo"- houg: su" anghoid lang" vu, joem gi nang: nhe" pyam' wa. Lakhuid" joem gi lo tau" ngaid boem wa.

MATHE 8:33

Vu, zung" mo, koem gi hau: voogung moo phang: vang lo" boem lho: bue" lo khyoo: dangain" yo' yu dab su: eig youg khyoo: ri lo" tid kyo.

MARKU 5:13

Yesu gi nyangnu" ri loo" wa akhang" byid: kaid da:- akhyeng" da" yu joem gi hau: youg khyoug: mo thu' lo" wigi vu, joem moo yhe: bye. Houg: lang" eig khyeung" koo: bo da" vu, joem dangain" gi - dung" bung nhoid mo gyid thoem" khyoo: gei vang lo" boem wigi noeb se" shid: pyam.

MARKU 5:15

Nyang: nu" gi Yesu jang" moo ju" lang" yu phung myoo" sho' zhoug: da" byu gi byimi nyeung" za: void ci: lho: wigi nheg gyeing" gyeing: za: zhoung: jo, ziri yhe: myang boem yoomo nyangnu" gyoug nyid ago".

LUKA 8:34

Hid: su" bue" da" khyoo: ri vu, zung" mo, myang lang" phang: lo" boem. Nyangnu" gi voo moo" yo" soo" yo voo gung khyi khang" moo" moo he: da" ludang ri fu" lo" boem.