MARKU 2:5 - Lacid Common Language Bible

⁵ Nyangnu" da" loem" jeung" e" myed ri Yesu shau" myang lang" nyang: gi gung joem: shid: su: ri nga" zoo: we"- re" yooboo ri khyoid pyam byid bye:- ga: tid da.

MARKU 2:5 ပူးပေါင်းရင်းမြစ်များ

APOEM AYANG: 22:12

«Zooshang: ri azang" thung"- nyang: ri ci: we' akoid» ga: tid thu lo lho: «Nang gi Mangsoo ri gyoug phau" myang nyid su: nghoid ziri akhid" ngoo si' bye:. Khasu" wim gari nang gi re" zooti" zoo: ri ngoo ri byid: wa ci: vhoo" abyed nghoid da:» ga: tid.

COUNG" NGHEI 103:3

Nyang: gi nga" yooboo dangain" khyoid pyam byid: bye:- Nga" noophyoo" dangain" ri we' noo ge loo nhang: bye:.

ESAIA 38:17

Nga" da" pyaid khoo" gi ngei pyo: yug yo zi bue" loo" wa. Nya" apyaid ri gyoug ca" ja: dangain" mo nang khyoid yu lho: Nga" yooboo joem dangain" ri nang khyoid byid: bye:.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

MATHE 9:2

Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.

MATHE 9:22

Yesu lheing: yu" lho: nyang ri myang lang" «nga" zoomyi: zoo: we"- nheig ange nyid re" da" loem" jhing" zigi nang ri ze: ge abye:» ga: tid. Hau: ayo, mo wigi hau: myiyi: zoo: ge loo" bye.

MATHE 9:5

Re" yooboo khyoid pyam' byid: bye- houg: su" anghoid lang" gi to so" loo" we' ein: tid wa da" dang: eig khoin" mo kha: khoin" je tid lei la".

MARKU 2:6

Houg: moo zhoung: jo, da" tarha" sara yi dayham" da" nheigloem: khoug: moo soin: nyid.-

MARKU 5:34

Yesu gi nyang: ri nga" zoo: we" re" loem" jeung" zigi nang ri gi byid: bye- yug yoo tung" loo" re'- nang kham, zo: nyid noo ge shang loo" baja"- ga: tid kaid.

LUKA 5:20

Yesu gi houg: bang: da" loem" jeing" khyoo: ri myang lang" gung joem: shid: su: ri byu nang we"- re" yooboo ri khyoid pyam byid: bye. ga: tid.

LUKA 8:48

Yesu gi nga" zoomyi: zoo: we"- re" da" loem" jeing" nheigloem: gi nang ri noo ge loo" nhang: bye. Myenjham" zoore" daloo" re, nyang: ri ga: tid kaid.

YOHAN 2:25

Yesu ri byu da" akhyoo" hang" wigi we' tid kyoo" anoo. Nyang: gi byu da" nheigloem: ung: khoug: moo ci: bo ziri dangain" si' gu nghoid bye.

YOHAN 5:14

Hau: thang: ri Yesu gi hau: yug ri no ku" yhoem moo" khoug: moo myang yoomo nang gi akhid" yangzain: bye. thang: ri yooboo ashoid loo. Houg: su: anghoid lang" gi nang he: tho' mo je yau: da" noo thoung" shau" shi" wa"- ga: tid.

ACTS 11:23

Barnaba gi Antioki voogung khyoo: ju" yhe: lho: mung" byu yi ri Mangsoo gi khasu" ga: mainkaid byid: to" da" khyoo: ri yhe: myang lang" yu" gau, lho: wigi Aseing: ri nyangnu" da" nheigloem: khoug: moo teing" teing zei: ci: lho: wigi voin: tang: za: phau" cang nyid boem wa shid mo nyangnu" dangain" mo, ri yoem: byid: joug jhoin"

ACTS 14:9

Nyang: gi Polu kho" kyo" da" mungdang: ri tam" gyo: nyid Polu we' nyang: ri jid" jid" yu" zhoug to" da" uri nooboug: byug loo" wa yhi'- nya: da" loem" jeung" khyoo: ri myang lang" gi

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

1Korinthians 11:30

Houg: yoomo nanu" moo: yoem: neung: lo" ziyo' noo phyoo" jamjau shau" lho: shid: lo" zi we' myoo" sho' mo, bo abye: go.

2~KORINTHU 2:10

Nanu" gi byu dayug yug ri nyang: shoid vhang: d" yooboo khyoid pyam byid: nghoid rigi_ - ngoo we' bo khyoid pyam byid wa. Khasu" wim gari daja: ja: byid" yoomo byu dayug yug ri yooboo khyoid byid: ca: lo da" uri ngoo gi nanu" da" myonhoo: ri tu: lho: Khristu da" shid khoin" moo nya yooboo ri khyoid pyam byid: zi nghoid.

Ephesu 2:8

Khasu" wim gari loem" jeung" khyoo: yoomo nanu" gi Mangso da" jeju" khyo" za: khyoid khyi: yu zi shau" khyoo: nghoid. Hau: zigi nanu" yoem: kaid' yoomo yo" yu da" akyu" anghoid - hang" we' phau: khuang jang: ajo, baja"- Mangso da" jeju" jhung: shug za: danghoid.

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.

YAKU 5:15

Loem" jeing" da" nheigloem: yo' akyu" mho' nyid su: da" dang: gi noo, su: ri yo" ge loo nhang: lho: Aseing: gi nyang: ri ge, loo" nhang: lho: nyang: shoid vhang da" yooboo joem ri we' khyoid pyam byid: zi shau" wa nghoid.