MALAKHI 3:3 - Lacid Common Language Bible

³ Nyang: gi ngei gyeung" ri kyeing su: kyeing yhang: ti" dang: phyed loo wa zi nghoid. Ngei yo' sheing: ri nghe' kyeung yu yhang: ti" Aseing lagyoo: gi khainjung yiri kyeung loo wa zi nghoid. Hougsu" koid lang" she' Aseing jhang khyoo: deingmain" da" xoin" ri ci: re" boem wa zi nghoid.

MALAKHI 3:3 ပူးပေါင်းရင်းမြစ်များ

COUNG" NGHEI 116:17

Jeju" boin: da" xoin" yo' ngoo nang ri shug byid: wa nghoid. Nga" akyu" mho' da" dang: thui: yo' nang byid: wa nghoid.

COUNG" NGHEI 4:5

Aseing ri ce: noo dam abo da" xoin" ri to' byid: lho: nyang: ri loem khau: nyid ge'.

COUNG" NGHEI 4:6

«Aseing we" ngoo ri jeju" je" wigi byid: nyid we'. Nheig khyeug shoomyen: ziyo' ngoonu" ri goem byid: coung: byid: we'» ga: byu yi myoo" sho' mo, akyu" mho' nyid boem.

COUNG" NGHEI 50:14

Jeju" boin: coung" ngei zigi Mangsoo ri: nghei" byid: da" re" xoin" nghoid baja". nang dangsoo" byid: to" zi dangain- gyi: myhang: Mangsoo ri byid: pyam we'.

COUNG" NGHEI 50:23

Jeju" boin: so" khyoo: joem gi ngoo ri phoug" tab, ngi: shab xoin" nghoid. Nga" da" dang: tam" gyoo: bang: dangain" mo, ri ngoo gi gyeing" gyeing" nyang: khyoid yu wa zi nghoid.

COUNG" NGHEI 51:19

Houg: lang" nang gi ce" noo abo da" xoin" du: joem yo' ngoonu" da" myi: nghi, xoin" joem ri vho: ngei loo wa zi nghoid nyid. Re" da" phoin: tho' moo: we' nujung loo: joem ri xoin" to' byid: lo boem wa zi nghoid.

COUNG" NGHEI 66:10

Mangsoo we"- nang gi myid: wigi ngei ri shau, kyeung yu" yhang: ti" ngoonu" ri kyeung yu" nyid da- nang gi ngoonu" ri hougsu" bain kyeung yu" abye:.

DANG: ZHOEM 17:3

Sheing: yo' ngei ri myi: moo: phoid kyeung yu" yhang: ti" byu dayug da" nheigloem: rigi Aseing wigi jham" ca yu" nyid.

DANG: ZHOEM 25:4

Meing: sa: gi ngei joem: ri agyeung" ziri kyeung pyam lho: young" da" jonu" joem ri yo" koid thu' byid: nyid.

ESAIA 1:25

Ngoo gi nang ri thougtheung dang: phyed byid: wa. Ngoo gi joto' ri kyeing sain' yhang: ti" nang ri we' kyeing sain' lho: re" da" ayung" alho' ziri khyoid pyam byid: wa.

ESAIA 48:10

Ngei ri myikhyoem' moo kyeung sain' pyam yhang: ti" kyi" khyeug kham zo: da" myi: moo ngoo nang ri jham" ca: too" bye:. Nghoid loug we' nang ce: phoug" adab ziri ngoo myang bye:.

ESAIA 61:6

Houglho: nanu" gi Aseing da" khainjung yi khyo" we' Ngoonu" Mangso da" dei zoo: yi khyo" we' myeing fu" loo goo" wa. Nanu" gi byumyu" yi da" jonu" joem ri yo" yhung: zo: wigi Hau: ziri nanu" zi khyo" langi: koid loo goo" wa.

YEREMIA 9:7

He: gang mo myhang: thang Aseing tid zigi «Ngoo gi nga" byumyu" yiri to' joem ri yhang: ti" kyeing shang: pyam wa. Houg: lho: nyangnu" ri jham" ca: yu" wa. Nga" byumyu" yigi akhyeing" ashoeb khyoo: koid bye:. Ngoo gi nyangnu" ri gootu: khasu" yo" koid shi" wa la".

EZEKIEL 20:38

Ngoo gi nanu" da" phung: moo thougtheung gyi koid bang: yo' yooboo shoid bang: ri yu pyam wa. Ngoo gi nyangnu" ri akhid" nyangnu" nyid da" mougmyid mo yu pyam wa. Nghoid loug we' nyangnu" ri Israela mung" khyoo: adoem tau" loo" nhang: wa. Houg: lang" ngoo Aseing nghoid khyoo: ri nanu" se' loo goo" wa».

DANIELA 11:35

Phajhi" bo da" vhu" shi: bang: dayham" ri said pyam zi shoug" wa. Nghoid loug we' he: gang mo hau byumyu" yigi kyeing sain' yu zi shau" boem wa. He: zigi Mangso wigi asoo" so" to" da" lo" thang da" ayo, ju" sho' xo" bue" nyid wa.

DANIELA 12:10

Byu myoo" sho' bang: gi kyeing sain' pyam byid: zi shau" boem wa. Akhyeing" ashoeb bang: gi ase' gyoo: goo" wa. Nghoid loug we' nyangnu" gi akhyeing" ashoeb moo" ri zei: nyid boem goo" wa. Phajhi" boo bang: kyeing dase' gyoo: goo" wa.

HOSEA 14:2

Aseing jhang doem tau" lo lho: he: akyu" mho' dang: gi nyang: ri shugbyid: da" re" xoin" nghoid baja". Ngoonu" yooboo joem dangain" ri khyoid pyam byid: lho: ngoonu" da" akyu" mho' dang: ri khab yu byid: la. Houg: lho: ngoonu" dangsoo" to" ziyo' dakhyoo" ti" nang ri coung" byid: wa.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

GYUNG: SOO" 8:6

Levi byumyu" yiri gootu: Israela byumyu" yi jang" mo kho' yu lho: vhoo: moo: tid to" yhang: ti" nyangnu" ri kyeing sain' byid: we'.

LUKA 3:16

Houg: yoomo Yohan gi Ngoo gi nanu" ri gyid moo Babtisma ri kham: byid. Nghoidloug nga" tho' je gyi: su: gi nga" thang: moo ju" ri" wa. Ngoo gi hau: Aseing: da" khyid: baid tei" lang" phid: byid: wa zi amoin: yi. Hau: Aseing: gi nanu" ri gyeungshang: Venyi: khyo" we' myi: moo we' nanu" ri babtisma byid: wa nghoid.

Roma 12:1

Hougsu" nghoid yoomo Mang: nhung" yi we" - Mangsoo: gi ngoonu" ri gye jheddab nheig khyeug yoomo Mangso: moo" bo voin zi yo" dei nyid da" xoin" du: yhang: ti" bue" wa shid' re" nanu" da" gungdoem: ri xoin" to" ab noung" pyam' ge'. Houg lang" she' nanu" gi Aseing: ri deingbyeing" khyo" yo" noku boem wa.

Roma 15:16

Hau: da" amyeing" zeing gi nghizain byumyu" yi jang" moo moo" voin wa shid' re" Khristu Yesu da" dei zoo: yo" bue" da" khyoo: nyang: nghoid bye. Gyeungshang: Venyi: khyo" tungbau byumyu" yi Mangsoo: vhoo: ngei da" xoin" du: bue" loo wa shid' re" ngoo gi khainjung dayug yhang: ti" - Mangso: ngei bu: lu dang: ri kho" kyo" moo" voin vu nyid.

PHILIPI 2:17

Ngoori said' pyam zi to shau" nghoid rigi nanu" da" loem" jeung" phoin: tho' moo nga" da" suid" rixoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.

PHILIPI 4:18

Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

2 TIMOTHI 4:6

Nga" shid' re" koem gi ngoo nya: kangso' ab, byid: pyam wa da" ayo, ju" loo bye- akhui" hid: moo lang" nga" mougmyid' kangso' ri to" pyam' khoo, wa yo, gi ju" lo nyid bye.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 12:10

Xang: su: nya: pho, gi nyhang" ri dayo, daboin: za: nyangnu" gi, eung: ga: shau" myid boem ziyo' dakhyoo" ti"- jhau" mho' loo se' boem. Nghoid loug we' Mangsoo koem gi ngoonu" ge loo wa shid re" nyang: yhang: ti" young" gyeungshang: loo goo" baja" ga- ngoonu" ri jhau" mhoo, byid: nyid zi nghoid.

1PETERU 1:7

Hougsu" jham" ca, yu" da" gunglau" shau" khyoo: gi Mangsoo ri nanu" loem" jeung" khyoo: gyeung" ziri toin" shid khyoo: nghoid. byug thang loo" se' da" ngei sheing: ri lang" myi: yo' jham" ca, yu" zi shau" nyid Houg: yo' dakhyoo" ti"- sheing: tho' moo je phau" da" nanu" da" loem" jeung nheigloem: ri we' gyeungshang: lho: geung: teing wa shid re" myi: moo kyeung zi shau" nyid Hougsu" nghoid lang" nanu" gi Aseing Yesu doem gyoo" lo da" bidnyid moo myonhoo: bug thu' sheing" jhu" ziyo' coung" nghei zi shau" kham: yu boem wa zi nghoid.

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

Pang Shug 1:6

Nya: phoo Mangso da" moozoo" ri yo" voin, vu, wa shid re" ngoonu" ri khainjung aya ab, byid: da: Yesu Khristu gi moug: khathang myid khathang moo myonhoo: phung" yoeb zoug: myeing" zoug: thui: gi pyaid moo too: moo dabo jo, baja" o"- Amen.

Pang Shug 3:18

Houg: su" nghoid yoomo nang gi yo" loo de, loo wa shid re" sheing: gyeing" ri nga" jang" mo qei yu wa shid mo ngoo phajhi" byid - hau: tho' mo gootu: asho, ashid: da" shoo" cen: doem: moo goo wa shid re" yo' Nanyang: void wa shid re" phyu: gyeung" da" byimi ri nghoid loug we' nga" jang" mo qei yu we'.

Pang Shug 5:10

Nang gi nyangnu" ri ngoonu" da" Mangso mungdain: moozoo" ri zei: wa da" shid re" Khainjung aya ri ab, byid: bye- Hau: lho: wigi nyangnu" gi he: da" mougsoug" ri yo" vhoeb, khang" boem wa zi nghoid- ga: wigi khoin" nyid boem.