MALAKHI 1:4 - Lacid Common Language Bible

⁴ Eso da" amyed ashen yi nghoid da" Edom byumyu" yigi «Nyangnu" da" voomoo" gi phyo' pyam byid: zi shoug" nghoid loug we' doem nyheing zhug wa» ga: tid nghoid rigi Aseing gi hid: su" ga: tid wa zi nghoid. Nanu" so' koid too" nghoid loug we' ngoo gi doem phyo' pyam wa houg: yoomo subi" gi nanu" da" moug: ri «Agi ashoeb da" moug:» ga: myheing goo" wa houg: moo nyid mo, ri we' Aseing apyaid atoo: nheig yoo: nau da" mung" byu yi ga: myheing goo" wa» ga: tid wa nghoid.

MALAKHI 1:4 ပူးပေါင်းရင်းမြစ်များ

YOBA 12:14

Mangso wigi phyo' soin' pyam ziri hang" doem yo" zhug too" wa la". Houg: lho: Mangso wigi myheig lhung to" zi shoug" su: ri hang" yo" lhoid pyoin' kaid wa la".

YOBA 34:29

Mangsoo gi ci: nyang: akoid wa ga: myid phyed nghoid rigi Nyang: ri hang" wigi we' yooboo ayo" zhug wa. Nya: myonhoo: ri shoung: pyam nghoid rigi byu yigi ci: khasu" we' ayo" koid loo wa.

YOBA 9:4

Mangsoo gi phajhi" gye" bo wigi yoem: so' gye" gyi: da:. Nyang: ri hang" avoem" thougtheung yab jo, nghoid da:.

COUNG" NGHEI 127:1

Aseing gi hau: yhoem: ri akoid to" nghoid rigi yhoem: koid mo, da" moo" zoo" gi Akoem: za: danghoid nyid. Aseing gi hau: voogung ri azung" lhoug nghoid rigi voogung ri lhoug zung" bang: da" goem loem khyoo: gi amyed aji za: danghoid.

COUNG" NGHEI 137:7

Aseing we" Yerusalem myheug shu" lo" zi shau" da" bidnyid moo Edom byumyu" yi cikoid loo bye: ziri boin: so" nyid we'. Myidjang moo: dab, byug sho' phyo' shoin pyam ge ga: wigi nyangnu" khasu" tid loo bye: ziri boin: so" nyid we'.

COUNG" NGHEI 33:10

Hau: Aseing gi byumyu" yi sham: go" nyid khyoo: ri lhu: soid pyam byid nyid. Nyang: gi nyangnu" da" soin nyeung to" da" khyoo: joem ri toem' pyam byid: nyid.

DANG: ZHOEM 21:30

Aseing nang ri thougtheung gyi koid nghoid rigi xangsu: byu yi da" phajhi: koung yeug da" vhu" nug lasi- nheigloem: phajhi" gi nang ri ayo" pang" thoug.

ESAIA 10:4

Nanu" gi gyi khaid pui" moo said pyam shoug" loo goo" wa. Anghoid lang" thung byu yiri yhang: ti" she: khyoid lo" zi shoug" loo goo" wa. Hougsu" nghoid rilang" Aseing nheig yo: zigi atheing: wa. Nya: lo, gi yooboo dam byid: wa shid re" dayhoin" too" shi" wa.

ESAIA 11:14

Nyangnu" dage" bidvang shoid mo Philisti byu yiri gyi zain: lho: bidthu shoid moo nyid boem da" bang: ri phyo' zo: loo goo" wa. Nyangnu" gi Edom- Moba byumyu" yiri oung: pyam lho: Amon byu yigi nyangnu" da" dang: tam" gyo: loo goo" wa.

ESAIA 34:10

Hau: zigi myen" ri nyid" ri nge" nyid wigi myikhoug" joem gi houg moo apyaid atoo: thu nyid wa. Hau: mougmyid gi dapyaid thang: dapyaid moug: gang bue" jo, wigi houg khyoo: hang" dayug we' gyung: adoem so" lid: yhi: goo" wa.

ESAIA 34:5

Aseing gi nya: shamcoin" ri mougkhung: moo nyheing to" abye:. Hau: zigi akhid" phyo' pyam wa ga: nyang: wigi byumyu" yiri dang phyed to" da" Edom ri zain: loo wa.

YEREMIA 31:17

Ju" loo wa da" ayo, shid re" re" myid byu khyoo: jo, da:. Re" zooshang: yigi yhoem: khyoo: doem tau" loo goo" wa. Ngoo Aseing tid too" bye:.

YEREMIA 49:20

Houg: yoomo Edom byu yiri ngoo gyi koid wa soin' to" da" khyoo: yo' Teman voobyu yiri ngoo koid wa ein: soin' to" da" khyoo: ri tam" gyoo: ge'. Nyangnu" zooshang: yi lang" she: khyoid pyam zi shoug" loo goo" wa. Houg: lho: yugkhang" moo" gyoug dain loo goo" wa.

YEREMIA 49:7

He: zigi Edom yo' sen: wigi myhang: thang Aseing tid to" zi nghoid. Hau: zigi «Edom byu yi nyangnu" dang: phyed jang" mo loid abye: go" la. Nyangnu" da" phajhi" byid: bang: gi nyangnu" ri cikoid wa ziri ayo" tid kyoo" loo goo" rhe". Nyangnu" phajhi" dangain" bei: byug bye: rhe".

YEREMIA 49:8

Dedan byu yi lheing: tau" lho: tang" ge'. Phang: goug" ge'. Ngoo gi Eso da" amyed ashen yiri phyo' shoin' pyam wa. Ciwim gari ngoo nyangnu" ri yooboo dam byid: wa ayo, ju" abye:.

YEREMIA 5:17

Nyangnu" gi nanu" da" shivoo: shiloem joem yo' zoo: noem joem ri lhoid zo: pyam loo goo" wa. Nyangnu" gi nanu" da" yuggi zoo: myiyi: zoo: yiri said pyam loo goo" wa. Nyangnu" gi nanu" da" coid kyung yang kyung yo' nu: kyung joem ri said pyam wigi nanu" da" zabyid nei joem yo' lafoem' gam joem ri phyo' shoin' pyam byid: goo" wa. Nanu" loem khau: nyid da" gyidab voomoo" joem gi nyangnu" gyidab wigi phyo' shoin' pyam zi shau" boem wa.

NGOUG JI: 3:37

Aseing nyang: myid vho: khyoo: za: khanham we' dalhoung bue" lo.

EZEKIEL 11:10

Houg: lho: nanu" gi nanu" nya: mungdain: khoug: mo meing: zain: jang: moo said pyam zi shoug" loo goo" wa. Houg: lang" yugkhang" moo" gi ngoo Aseing nghoid ziri se' loo goo" wa.

EZEKIEL 25:13

Akhid" ngoo Edom ri yooboo dam byid: lho: houg: mo byu yugkhang" moo" yo' gougnyhoug du: khang" moo" ri said pyam wa ein: tid fu" kaid we'. Ngoo gi hau: zigi Teman voomoo" mo Dedan voomoo" ju" sho' jham" coug: youg koid pyam wa. Houg: lho: voo byu yigi gyi khaid pui" moo said pyam zi shoug" wa.

EZEKIEL 25:14

Nga" byumyu" Israela yigi nga" shid re" Edom ri latoo: phug loo wa. Nyangnu" gi Edom ri nga" nheig yo: khyoo: ri loem zoo: nhang: loo: wa. Edom gi nga" latoo: phug da" khyoo: ri kham zo: wigi hau: dang: kang: ri se' gyo: loo goo" wa. Yoem: moo" bo Aseing tid.

EZEKIEL 26:14

Ngoo gi wim: do, kuang bang: da" goin ri lhab' hei' wa shid re" lug thain: ri teing too" byid: wa. Hau: voomoo" ri khanham we' adoem zhug too" loo goo" wa. Ngoo yoem: moo" bo Aseing tid bye:.

EZEKIEL 35:4

Ngoo gi nanu" voomoo" joem ri byo, yoin" jo, nhang: wigi re" mougmyid gi jham" coug: youg bue" jo, wa. Hau: thang: nanu: gi ngoo Aseing nghoid ziri se' loo goo" wa.

EZEKIEL 35:9

Ngoo gi nang ri apyaid atoo: moo jham" coug: youg koid pyam wigi re" voomoo" joem moo hang" adoem nyid loo loo: wa. Houg: lang" ngoo Aseing nghoid ziri nanu" se' loo goo" wa.

AMO 1:11

Aseing tid zigi «Edom mung" byu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi nyangnu" da" mang: nhung" Israela yiri khaid zain: lho: nheig khyeug shoo" myen: khyoo: ri atoin" shid nghoid ago". Nyangnu" da" nheig joem: yo: khyoo: gi anoo: atheing: loo: khanham we' nheig atho' shid: loo: nghoid ago".

AMO 3:15

Ngam" yo, ri loung" da" yhoem: joem yo' lung yo, moo loung" da" yhoem: joem ri ngoo phyo' sain" pyam byid: wa. Xang: zei yo' lhoo' yhoung to" da" yhoem: joem dangain" gyoeb gyo" byug wigi yhoem: moo" joem khang" moo" we' phyo' sain" pyam zi shoug" goo" wa» ga: tid to".

AMO 5:11

Nanu" gi sho" jhen: mo, ri doin: zeig zo: lho: nyangnu" da" gug zoo ri lhoid yu ago". Hougsu" nghoid yoomo nanu" gi nanu" zhug to" da" lug yhoem: yung" joem moo ashau" nyid goo" wa. Nanu" sho" to" da" zabyid khyam: mo zabyid yeung ri ashoug" shug loo goo" wa.

AMO 6:11

Aseing amyeing" byid: kaid lang" gi yhoem: zoo: yhoem: zeing dangain" byo, sain" loo" khari" wa zi nghoid.

AMO 6:2

Nanu" gi Khalna voomoo" khyoo: yhe: lho: yu" yu" we'. Houg: lho: Hamad voomoo" khyoo: xo' yhi: we'. Philisti mung" mo Gad voomoo" ri yhe: yu" we'. Hau: voomoo" joem gi Yuda mung" yo' Israela mung" tho' moo je ge la". Nyangnu" mung" gi nanu" mung" tho' moo je gyi: la".

OBEDIA 1:1

He: zigi myhang: thang yoem: so' Aseing gi Edom yi da" khyoo: cisu" ga: tid to" ziri Obedia gi lapi: pe: to" zi nghoid. Aseing gi nya: lagyoo: ri byumyu" yi jhang khyoo: nhang: kaid byid: bye: wigi «Soin' ge' too' loo shang- nyhang" Edom ri gyi zain: boem loo: shang» ga: da" nya: mungdang: ri ngoonu" shoug" gyoo: bye:.

OBEDIA 1:10

Nang gi Yaku da" amyed ashen re" da" mang: nhung" yiri lhoid yu lho: said loo bye: yoo mo nang rigi apyaid atoo: moo phyo' shoin' pyam zi shau" wigi asho' ashid: bue" zi shoug" loo" wa nghoid.

MALAKHI 1:3

Eso yo' nya: amyed ashen yi rigi ngheing" nyid. Eso da" boem moug: rigi byo, yoin" loo" nhang: lho: khuidkoo" joem da" nyid joyoo bue" loo" nhang: bye:» ga: tid.

MATHE 12:30

«Nga" tab adab su: gi nga" da" gyivoo tab' dab su: nghoid. Ngoo yo" dadeung: daloem: za: ashoin" too" su: gi abyi asain" nghoid nyid.