MALAKHI 1:2 - Lacid Common Language Bible

² Aseing gi Israela ri hid: su" ga: tid- «Ngoo gi nanu" ri khanham we' jheddab nyid.» Hougsu" nghoid loug we' nanu" tid nyid zigi «Nang gi ngoonu" da" atho' moo re" jheddab myid khasu" toin" shed loo bye: lha"» ga: tid ago". Eso yo' Yaku gi nyang: tang: nyang: nghoid- hougsu" nghoid loug we' ngoo gi Yaku yo' nya: amyed ashen yiri jheddab nyid.

MALAKHI 1:2 ပူးပေါင်းရင်းမြစ်များ

APOEM AYANG: 25:23

Aseing nyang: ri «Re" da" ung: khoug: moo byu eig myu" lung" jo,. Nang gi shi' goo" wa da" byu eig myu" ri khu: wa nghoid- dayug su: gi dayug su: tho' je yoem: boo wa nghoid je gyi: su: gi nge yug jang" moo dei zoobui" wa nghoid» ga: tid.

APOEM AYANG: 25:25

Xang: shi" yug gi shoo" ne lho: nya: gung goin" shoo" moug" yug yoomo nyang: ri Eso ga: myeing myheing byid:.

APOEM AYANG: 25:26

Thang: yug gi Eso da" khanheig thung" thang: moo teing teing zei: ci: lho: khu: thu lo. Houg: yoomo nyang: ri Yaku ga: myeing myheing bye:. Hau: zooshang: tang: khu: uri Isag gi khyug xi: zain nghoid bye:.

APOEM AYANG: 27:33

Isag gi mau" ziyo' nain" ziyo' nyang: myid: zigi «Akhang: shoo" said wigi nga" jang" khyoo: ci: lo zigi hang" nghoid la". Re" shidkhoin" moo za: ngoo hau: ziri zoo: bye:. Ngoo nyang: ri nga" thang: thang da" main ri kaid byid: bye: yoomo hau: zigi nya: shid re" apyaid atoo: nghoid bye:» ga: tid.

APOEM AYANG: 48:4

Nyang: ngoo ri ‹Re" da" amyed ashen yigi byumyu" zeing myoo" sho' bue" loo sho' ngoo gi nang ri zoo: du myo: loug loo nhang: wa. Nyangnu" apyaid atoo: seing: nyid wa shid re" ngoo gi he: mougmyid ri re" amyed ashen yi lo, khyoo: byid: wa› ga: tid to"» ga: wigi tid.

1 KHOKHAM 10:9

Re" Aseing Mangsoo ri coung" shang o". Nyang: gi nang ri Israela khokham koid nhang: ziyo' nyang: nang yo' dage" nyid zi khayhi' yu" nheugdeug nyid ziri nyang: ci: shug bye:. Ciwim gari nyang: gi Israela byumyu" yiri apyaid atoo: jheddab nyid yoomo tarha" yo' tarha" deing byeung" khyoo: ri yo" zoem: wa shid re" nyang: nang ri nyangnu" da" khokham koid nhang: bye: zi nghoid» ga: tid.

2 KHOKHAM 3:8

Ngoonu" khashoid khyoo: gyi zain: wa la"» ga: tid. Yoram gi «Edom dain" pyoid yoo khyoo: lid: phyed lo" da" khyoosheing: khyoo: yhi: wa zi nghoid» ga: phug tid da:.

ESAIA 43:4

Re" kangso' ri khyoid yu wa shid re" ngoo gi byumyu" yi dangain" ri ab pyam wa. Ciwim gari nang gi nga" shid re" phoug" dab da:. Ciwim gari ngoo nang ri jheddab lho: nang ri ngi: shab byid: wa.

ESAIA 63:1

Edom mung" moo jo, da" Bozra voomoo" mo re" nyid su: gi hang" nghoid la". Pain" ni yo' gye" reung: sho' shoung: void ci: lho: nya: yoem: so' yo' yoem: moo" yo' re" nyid su: gi hang" nghoid lha". Khyoid yu wa yoem: so' bo ziyo' nya: oung: doid khyoo: tid fu" wa re" nyid su: gi Aseing nghoid.

YEREMIA 2:31

Israela byumyu" yi we"- ngoo tid nyid ziri tam" gyoo: we'. Ngoo gi dain" pyoid yoo yhang: ti" moug coid yhang: ti" yo' gyoug ca" da" mougmyid yhang: ti" bue" lo" zi shau" yu" la". Hougsu" nghoid ri ciwim yoomo nanu" gi nga" jhang khanham we' atau" phang: loo" loo wa ga: nanu" nyang: vho: khyo" koid wa ein: tid boem go" la".

YEREMIA 2:5

Aseing «Nanu" da" phoug" phyid" yigi ngoo ri ce: yooboo zhug wigi thougtheung bye: go" la". Ce: wigi nyangnu" ri ngoo mo lheing: phug loo" nhang: la". Nyangnu" gi ce: phoug" adab da" soolhoo: joem ri no' wigi Nyangnu" nyang: we' ce: phoug" adab bue" da:.

YEREMIA 31:3

Ve: da" joyoo mo ngoo nyangnu" ri yhe: nyid shug bye:. Israela byumyu" yi we"- Ngoo nanu" ri khanham we' jheddab nyid. Houg: lho: xo' lho: nga" abyo, abei: da" jheddab myid nanu" ri ci: shug byid: wa.

AMO 1:11

Aseing tid zigi «Edom mung" byu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi nyangnu" da" mang: nhung" Israela yiri khaid zain: lho: nheig khyeug shoo" myen: khyoo: ri atoin" shid nghoid ago". Nyangnu" da" nheig joem: yo: khyoo: gi anoo: atheing: loo: khanham we' nheig atho' shid: loo: nghoid ago".

MALAKHI 2:17

Nanu" gi Aseing ri gyo: ngheing" sho' phibu pu' nyid boem wigi «Ngoonu" gi nang ri ce: ja: mo phibu pu' nyid lha"» ga: myid: nyid boem. Houg: lho: nanu" gi akhyeing" moo" ri zei: nyid mo, hang" we' myhang: thang da" Aseing shidkhoin" moo ge nyid zi nghoid nyang: gi akhyeing" da" moo" zei: nyid su: ri we' jheddab nyid» ga: tid ago". Hau: tho' moo gootu: nanu" gi «Deingmain" da" Mangsoo ga: zi khayoo: nyid» ga: tid nyid ago".

LUKA 10:29

Hau: tarha" sara gi nya: deingman" khyoo: vhoo noug yoomo nga" yhoem: kyoo" cang" gi hang" nghoid lha"» ga: nyang: gi Yesu ri myed.

YOHAN 15:12

Nga" da" amyeing" gi hid: nghoid ngoo gi nanu" ri jheddab yhangti"- nanu" nyang: cang" nyang: jheddab goo" ge,.

TARHA" TID POIN" 10:15

Nghoid loug we' nanu" phoug" phyid" yiri Aseing jheddab zigi gye" gyi: sheung: nyid yoomo gootu: byumyu" yi gungthid nanu" ri nyang: khyen: yu bye:. Nanu" gi nyang: khyen: yu to" da" byumyu" yi nghoid boem ashi".

TARHA" TID POIN" 23:5

Nghoid loug we' nanu" da" Aseing Mangsoo gi Balam da" dang: ri atam" gyoo: byid: nghoid da:. Hau: gungthid nyang: gi nheing" khoin" ri mainkaid dang: khyo" thid pyam da:. Ciwim gari nyang: gi nanu" ri jheddab yoomo nghoid da:.

TARHA" TID POIN" 33:3

Aseing gi nya: byumyu" yiri jheddab wigi nyang: wigi seing: da" bang: ri goem loem byid: nyid. Houg: yoomo ngoonu" gi nya: khyid: yang: moo goeb pid wigi nya: amyeing" dang: joem ri tam" gyo: cang yhe: nyid boem.

TARHA" TID POIN" 4:37

Nyang: gi nanu" phoug" phyid" ri jheddab yoomo nyang: nanu" ri khyen: yu wigi nya: yoem: so' moo" yo' nya: gung nyang: nanu" ri Egutu mung" mo shu" thu loo bye:.